For our final podcast of 2021 host Madeline Allakariallak speaks with a panel of Inuit members of the Inuit Circumpolar Council (ICC) delegation to the COP26 climate change conference in Glasgow, Scotland.
Madeline speaks with ICC Chair Dalee Sambo Dorough who was the head of our Delegation at COP26, Lisa Qiluqqi Koperqualuk Vice-President International for ICC Canada, former NIYC President Crystal Martin-Lapenskie who was also an organizer of our COP26 delegation, and Conservation Biologist Victoria Qutuuq Buschman who attended COP26 as an Inuit Knowledge Holder.
Over 100 Heads of Government and thousands of delegates gathered for two weeks in early November for COP26, the annual international climate change conference that had been postponed for two years due to COVID-19. This wide ranging conversation looks back on what Inuit accomplished in Glasgow, and looks at the work ahead, both for Inuit, and globally.
We thank the Scottish Government for their strong support of ICC’s activities at COP26, including our events at the Cryosphere Pavilion, and for funding Inuit Day on November 7th.
For more information about ICC, check out our website at inuitcircumpolar.com or find us on Facebook and Twitter.
ᑭᖑᓪᓕᖅᐹᖅ ᐹᑦᑳᔅ 2021ᒧᑦ – ᐃᓱᒪᒋᔭᐅᔪᑦ COP26ᒥ
ᑭᖑᓪᓕᖅᐹᕆᓕᖅᑕᑦᑎᓐᓄᑦ ᐹᑦᑳᔅᑦ 2021−ᒥ, ᐅᖃᓪᓚᒃᑎ ᒫᑎᓕᓐ ᐊᓚᒃᑲᕆᐊᓪᓚᒃ ᐅᖃᓪᓚᖃᑎᖃᖅᐳᖅ ᑲᑎᒪᔨᐅᖃᑕᐅᔪᓂᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᓄᑦ ᑲᑎᒪᔨᓄᑦ ᑲᑎᒪᔭᖅᑐᖅᑐᑦ COP26 ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑲᑎᒪᕐᔪᐊᕐᓂᕐᒧᑦ ᒐᓛᔅᒐᐅ, ᓯᑳᑦᓚᓐᒥ.
ᒫᑎᓖᓐ ᐅᖃᓪᓚᖃᑎᖃᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᓄᑦ ᑲᑎᒪᔨᒃᑯᑦ ᐃᒃᓯᕙᐅᑕᖓᓂᒃ ᑖᓕ ᓵᒻᐳ ᑑᕈ ᓯᕗᓪᓕᖅᑎᐅᒋᔭᐅᓚᐅᖅᑐᖅ COP26ᒥ, ᓖᓴ ᕿᓗᖅᑭ ᑯᐱᖅᑯᐊᓗᒃ, ᐊᖓᔪᖅᑳᑉ ᑐᒡᓕᐊ ᓄᓇᕐᔪᐊᓕᒫᒥ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᑲᓇᑕᒥ, ᑲᓇᑕᒥ ᐃᓄᐃᑦ ᒪᒃᑯᒃᑐᑦ ᑲᑎᒪᔨᖏᑦ ᐊᖓᔪᖅᑳᕆᓚᐅᖅᑕᖓ ᑯᕆᔅᑐᓪ ᒫᑎᓐ−ᓕᐱᓐᔅᑭ ᐋᖅᑭᒃᓱᐃᔨᐅᓚᐅᕐᒥᔪᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᓄᑦ ᑲᑎᒪᔨᒃᑯᑦ COP26-ᒧᑦ ᑲᑎᒪᔭᖅᑐᖃᑕᐅᓯᒪᓪᓗᓂ, ᐊᒻᒪ ᓄᖑᕋᐃᓗᐊᖅᑕᐃᓕᒪᓂᕐᒧᑦ ᐆᒪᔪᓕᕆᔨ ᕕᒃᑑᕆᐊ ᖁᖅᑑᖅ ᐳᔅᒪᓐ ᐃᓚᐅᓚᐅᖅᑐᖅ COP26−ᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑎᒍᒥᐊᖅᑎᐅᓪᓗᓂ.
ᐅᖓᑖᓃᑦᑐᑦ 100 ᓯᕗᓪᓕᖅᑎᐅᒋᔭᐅᔪᑦ ᒐᕙᒪᒃᑯᓐᓂᑦ ᐊᒻᒪᓗ ᑕᐅᓴᖏᓐᓃᑦᑐᑦ ᑲᑎᒪᔭᖅᑐᖅᓯᒪᔪᑦ ᒪᕐᕉᓐᓂᒃ ᐱᓇᓱᐊᕈᑏᓐᓂᒃ ᓄᕕᐱᕆ ᐱᒋᐊᓕᕋᑖᖅᑎᓪᓗᒍ. ᑕᒪᓐᓇ ᐅᖃᖃᑎᒌᓐᓂᖅ ᑭᖑᒧᑦ ᑕᑯᓐᓈᖅᑐᖅ ᖃᓄᖅ ᐃᓄᐃᑦ ᐱᔭᕇᖅᓯᒪᔭᖏᓐᓂᑦ ᒐᓛᔅᒎᒥᑦ, ᑕᑯᓐᓈᖅᖢᑎᓪᓗ ᐱᓕᕆᐊᒃᓴᓂᑦ ᓯᕗᓂᒃᓴᕐᒥᑦ, ᑕᒪᒃᑮᖕᓄᑦ ᐃᓄᖕᓄᑦ, ᓄᓇᕐᔪᐊᕐᒥᓪᓗ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᒥᒃᓵᓄᑦ, ᖃᐅᔨᒋᐊᕈᒃ ᐃᑭᐊᖅᑭᕕᕗᑦ ᐅᕙᓂ www.inuitcircumpolar.com ᐅᕝᕙᓘᓐᓃᑦ ᓇᓂᓗᒍᑦ ᕙᐃᓯᐳᒃᑯᑦ ᑐᕕᑐᒃᑯᓪᓗ.
Kingulliqpaaq Paatkaas 2021mut – Isumagijaujut COP26mi
Kingulliqpaariliqtattinnut Paatkaast 2021−mi, uqallakti Maatilin Alakkariallak uqallaqatiqaqpuq katimajiuqataujunik Inuit Ukiuqtaqtumiuqatigiinut Katimajinut Katimajaqtuqtut COP26 Silaup Asijjiqpallianinganut Katimarjuarnirmut Galaasgau, Sikaatlanmi.
Maatiliin uqallaqatiqaqtuq Inuit Ukiuqtaqtumiuqatigiinut Katimajikkut Iksivautanganik Taali Saampu Tuuru Sivulliqtiugijaulauqtuq COP26mi, Liisa Qiluqqi Kupiqqualuk, Angajuqqaap Tuglia Nunarjualimaami Inuit Ukiuqtaqtumiuqatigiit Katimajinginnut Kanatami, Kanatami Inuit Makkuktut Katimajingit Angajuqqaarilauqtanga Kuristul Maatin−Lipinski aaqqiksuijiulaurmijuq Inuit Ukiuqtaqtumiuqatigiinut Katimajikkut COP26-mut Katimajaqtuqatausimalluni, amma Nungurailuaqtailimanirmut Uumajuliriji Viktuuria Quqtuuq Pusman Ilaulauqtuq COP26−mut Inuit Qaujimajatuqanginnut Tigumiaqtiulluni.
Ungataaniittut 100 Sivulliqtiugijaujut Gavamakkunnit ammalu tausanginniittut katimajaqtuqsimajut marruunnik pinasuarutiinnik Nuvipiri pigialirataaqtillugu. Tamanna uqaqatigiinniq kingumut takunnaaqtuq qanuq Inuit pijariiqsimajanginnit galaasguumit, takunnaaqłutillu piliriaksanit sivuniksarmit, tamakkiingnut Inungnut, nunarjuarmillu.
Tukisigiakkannirumaguvit Inuit Ukiuqtaqtumiuqatigiit Katimajingita miksaanut, qaujigiaruk ikiaqqivivut uvani www.inuitcircumpolar.com uvvaluunniit nanilugut Vaisipukkut Tuvitukkullu.