Faasle Aise Bhi Honge - Adeem Hashmi

Born in Firozpur, India, on 1st August 1946, Adeem Hashmi’s actual name was Faizuddin. He was brought up in Faizabad and moved to Lahore in 1970, where his poems were regularly published in literary journals. Meanwhile, he also wrote songs for radio and TV. Later, he moved to Rawalpindi. In 2001, he relocated to America accompanying his friend and distinguished poet Iftikhar Nasim. He had long-standing heart disease and underwent a bypass operation. He passed away in Chicago on 3rd November 2001. Some notable books authored by him include ‘Tarkash’, ‘Mukalima’, ‘Chehra Tumhara Yaad Rahta Hai’, ‘Fasle Aise Bhi Honge’, and ‘Bahut Nazdik Aate Jaa Rahe Ho’.

Source: Rekhta

If you like our podcast please share it with your friends. Leave a review. Feedback is always welcome and much appreciated.

Abdul Raoof Siddiqui
email: raoof3@yahoo.com
Instagram @urdu.ghazal
Visit our website: www.mstn.in
https://www.buymeacoffee.com/abdulsiddiqui
#urdughazal

Thanks for listening! Follow us on instagram @urdu.ghazal and visit our website www.mstn.in

Transcript

Faasle Aise Bhi Honge - Adeem Hashmi

Born in Firozpur, India, on 1st August 1946, Adeem Hashmi’s actual name was Faizuddin. He was brought up in Faizabad and moved to Lahore in 1970, where his poems were regularly published in literary journals. Meanwhile, he also wrote songs for radio and TV. Later, he moved to Rawalpindi. In 2001, he relocated to America accompanying his friend and distinguished poet Iftikhar Nasim. He had long-standing heart disease and underwent a bypass operation. He passed away in Chicago on 3rd November 2001. Some notable books authored by him include ‘Tarkash’, ‘Mukalima’, ‘Chehra Tumhara Yaad Rahta Hai’, ‘Fasle Aise Bhi Honge’, and ‘Bahut Nazdik Aate Jaa Rahe Ho’.

Source: Rekhta

Adeem Hashmi ka Janm ek Agast 1946 Eesvi, Firozpur Punjab mein hua aur unki wafaat panch Navambar 2001 ek mein Chicago, mein hui

Unka asli naam Faizuddin Tha, unki parvarish Faizabad mein hui aur 1970 mein Lahore mein Jaa base.  Unki Shayari Adabi journals/weeklys mein chapti rahi 

Mujhe unka kalaam bahut mutasir karta hai

Unki kitaabon ke naam hain

 ‘Tarkash’, ‘Mukalima’, ‘Chehra Tumhara Yaad Rahta Hai’, ‘Fasle Aise Bhi Honge’, and 

‘Bahut Nazdik Aate Jaa Rahe Ho’.

Aap ko Mere pasandida Chand Sher Sunata hoon

fāsle aise bhī hoñge ye kabhī sochā na thā 

sāmne baiThā thā mere aur vo merā na thā

maah achchhā hai bahut hī na ye saal achchhā hai 

phir bhī har ek se kahtā huuñ ki haal achchhā hai 

ik khilaunā TuuT jā.egā nayā mil jā.egā 

maiñ nahīñ to koī tujh ko dūsrā mil jā.egā 

jo mah o saal guzāre haiñ bichhaḌ kar ham ne 

vo mah o saal agar saath guzāre hote 

huā hai jo sadā us ko nasīboñ kā likhā samjhā 

'adīm' apne kiye par mujh ko pachhtānā nahīñ aatā 

yaad kar ke aur bhī taklīf hotī thī 'adeem' 

bhuul jaane ke sivā ab koī bhī chārā na thā 

vo ki ḳhushbū kī tarah phailā thā mere chār-sū 

maiñ use mahsūs kar saktā thā chhū saktā na thā 

parinda jānib-e-dāna hamesha uḌ ke aatā hai 

parinde kī taraf uḌ kar kabhī daana nahīñ aatā 

==================

Bhaut acchi ghazal share kar raho huun tawajjo chahunga

fāsle aise bhī hoñge ye kabhī sochā na thā 

sāmne baiThā thā mere aur vo merā na thā 

vo ki ḳhushbū kī tarah phailā thā mere chār-sū 

maiñ use mahsūs kar saktā thā chhū saktā na thā 

raat bhar pichhlī sī aahaT kaan meñ aatī rahī 

jhāñk kar dekhā galī meñ koī bhī aayā na thā 

maiñ tirī sūrat liye saare zamāne meñ phirā 

saarī duniyā meñ magar koī tire jaisā na thā 

aaj milne kī ḳhushī meñ sirf maiñ jaagā nahīñ 

terī āñkhoñ se bhī lagtā hai ki tū soyā na thā 

ye sabhī vīrāniyāñ us ke judā hone se thiiñ 

aañkh dhundlā.ī huī thī shahr dhundlāyā na thā 

saiñkaḌoñ tūfān lafzoñ meñ dabe the zer-e-lab 

ek patthar thā ḳhamoshī kā ki jo haTtā na thā 

yaad kar ke aur bhī taklīf hotī thī 'adeem' 

bhuul jaane ke sivā ab koī bhī chārā na thā 

maslahat ne ajnabī ham ko banāyā thā 'adeem' 

varna kab ik dūsre ko ham ne pahchānā na thā 

==========================

tere liye chale the ham tere liye Thahar ga.e 

tū ne kahā to jī uThe tū ne kahā to mar ga.e 

kaT hī ga.ī judā.ī bhī kab ye huā ki mar ga.e 

tere bhī din guzar ga.e mere bhī din guzar ga.e 

tū bhī kuchh aur aur hai ham bhī kuchh aur aur haiñ 

jaane vo tū kidhar gayā jaane vo ham kidhar ga.e 

rāhoñ meñ hī mile the ham rāheñ nasīb ban ga.iiñ 

vo bhī na apne ghar gayā ham bhī na apne ghar ga.e 

vaqt hī judā.ī kā itnā tavīl ho gayā 

dil meñ tire visāl ke jitne the zaḳhm bhar ga.e 

vo bhī ġhubār-e-ḳhvāb thā ham bhī ġhubār-e-ḳhvāb the 

vo bhī kahīñ bikhar gayā ham bhī kahīñ bikhar ga.e 

bārish-e-vasl vo huī saarā ġhubār dhul gayā 

vo bhī nikhar nikhar gayā ham bhī nikhar nikhar ga.e 

āb-e-muhīt-e-ishq kā bahr ajiib bahr hai 

taire to ġharq ho ga.e Duube to paar kar ga.e==

itne qarīb ho ga.e apne raqīb ho ga.e 

vo bhī 'adeem' Dar gayā ham bhī 'adeem' Dar ga.e 

us ke sulūk par 'adeem' apnī hayāt o maut hai 

vo jo milā to jī uThe vo na milā to mar ga.e 

========================

ik khilaunā TuuT jā.egā nayā mil jā.egā 

maiñ nahīñ to koī tujh ko dūsrā mil jā.egā 

bhāgtā huuñ har taraf aise havā ke saath saath 

jis tarah sach-much mujhe us kā patā mil jā.egā 

kis tarah rokoge ashkoñ ko pas-e-dīvār-e-chashm 

ye to paanī hai ise to rāsta mil jā.egā 

ek din to ḳhatm hogī lafz o ma.anī kī talāsh 

ek din to mujh ko merā mudda.ā mil jā.egā 

jā rahā huuñ is yaqīñ se us ke chhoḌe ghar kī samt 

jaise vo bāhar galī meñ jhāñktā mil jā.egā 

tez hotī jā rahī haiñ dhaḌkaneñ aise 'adeem' 

jaise agle moḌ par vo be-vafā mil jā.egā 

============================

āñkhoñ meñ āñsuoñ ko ubharne nahīñ diyā 

miTTī meñ motiyoñ ko bikharne nahīñ diyā 

jis raah par paḌe the tire paañv ke nishāñ 

us raah se kisī ko guzarne nahīñ diyā 

chāhā to chāhatoñ kī hadoñ se guzar ga.e 

nashsha mohabbatoñ kā utarne nahīñ diyā 

har baar hai nayā tire milne kā zā.iqa 

aisā samar kisī bhī shajar ne nahīñ diyā 

ye hijr hai to is kā faqat vasl hai ilaaj 

ham ne ye zaḳhm-e-vaqt ko bharne nahīñ diyā 

itne baḌe jahān meñ jā.egā tū kahāñ 

is ik ḳhayāl ne mujhe marne nahīñ diyā 

sāhil dikhā.ī de to rahā thā bahut qarīb 

kashtī ko rāsta hī bhañvar ne nahīñ diyā 

jitnā sakūñ milā hai tire saath raah meñ 

itnā sukūn to mujhe ghar ne nahīñ diyā 

is ne hañsī hañsī meñ mohabbat kī baat kī 

maiñ ne 'adeem' us ko mukarne nahīñ diyā