الحلقة 37 - كيف بتصنع النساء السلام؟

بهالحلقة من "حكيني" رح نحكي مع ماريا جعجع ونتاليا حاوي عن دور النساء ببناء السلام بلبنان من خلال مبادرتين مرتبطين ببعض.
 بالمبادرة الأولى  نساء من خلفيات ومناطق وأعمار مختلفة،  نساء عاشوا الحرب، كبروا بظلّها، وجيل جديد ما عاش الحرب وما بيعرف عنا كفاية – عم يتشاركوا ويدوّنوا تجاربهم، ويفرجوا كيف الذاكرة الجماعية  فيا تبني مستقبل فيه سلام.

المبادرة  التانية بتجمع نساء وسيطات عم بيشتغلوا بمناطقن على حل  النزاعات، وعم يكسروا  أنماط السلطة التقليدية، ويعزّزوا مقاربات حساسة للنوع الاجتماعي (الجندر). سوا، هالمبادرتين بيضوّوا على كيف القيادة النسائية، السرد القصصي، والوساطة فيا تبني مجتمعات سلمية أكتر.