الأرمن في سوريا من المكونات العريقة التي لها وجود راسخ في البلد ويمتد لسنوات طويلة متجذرة في الأرض والذاكرة. الأرمن شكلوا جزءاً من النسيج السوري في كثير من مناطق البلاد، خاصة في حلب ودمشق ومنطقة الجزيرة.

الأرمن شعب معروف بثقافته، بعزيمته، وصبره الطويل في مواجهة التحديات والصعاب. خلال تاريخهم حافظوا على وجودهم ودورهم في كل المجالات، سواء السياسية أو الاقتصادية أو الاجتماعية، وساهموا بتطوير كثير من القطاعات، من التعليم إلى الصحة، ومن الفن إلى الصناعة.

حول الأرمن في الجزيرة السورية، حول تفاصيل حياتهم، آرائهم وآراء المكونات الأخرى عنهم، في هذه الحلقة من الموسم الثالث من «حكايا البلد».

في هذه الحلقة من الموسم الثالث من بودكاست «حكايا البلد»، نتعرف على عادات وطقوس الحداد والعزاء عند الشركس، كيف يتم تكريم الميت ودفنه، وأين تقام مجالس العزاء. 

لنستمع لآراء الناس، بالإضافة لخبراء، لنتعرف أكثر على عادات وتقاليد الحداد والعزاء عند الشركس.

بزقاق ضيق من حارات حلب القديمة، قريب من باب الحديد، بتلمع قبة صغيرة فوق زاوية عمرها قرون. هنيك، بين ريحة الخشب والبخور، بتبدأ حكاية الطريقة الخلوتية، وحدة من أقدم طرق التصوف بسوريا.

من مصر لحلب، حمل المشايخ سرّ "الخلوة" كطريق للوصول لله. أربعين يوم مريد يقعد لحاله بخلوة حجرية، ياكل شوي، ينام شوي، ويدوّر جواته عن النور اللي بيطهر القلب.

بكل جمعة بعد العصر، بيجتمعوا الناس بالزاوية الهلالية على الذكر، بلا دفوف ولا طبول، بس تصفيق بالأيدين وإيقاع بيعلو شوي شوي، لحد ما "ياخد الحال" المريد، مثل ما بيقولوا.

الطريقة الخلوتية جمعت روح القادرية مع فكر مصطفى البكري الصديقي، وصارت مدرسة بالمحبة والصبر والتواضع. هي مو مجرد أوراد وطقوس. هي رحلة سلام داخلي، وسعي لإنك تكون إنسان أنقى وأهدى، يعيش مع الله ومع الناس بصدق.

من حي الجلوم لحلب كلها، بقيت الزاوية شاهد على تصوف بيعلّم كيف "الخلوة" ممكن تكون بداية للوصال، وكيف السكون أحيانًا بيحكي أكتر من الكلام.

يشكل الكرد أحد أكبر المكونات  في سورِيا، وخاصة في شمال شرقي البلاد. يمتد  وُجود الكرد إلى مَناطق أُخرى أيضاً، مثل عفرين وكوباني، بالإضافة إلى حلب ودمشق وغيرها. ينتمي الكرد إلى حضارة عريقة وجذورها ممتدة عبر التاريخ، ولغتهم هي الكردية وهي إحدى أقدم اللغات الهندو-أوربية.

لعب الكرد أدواراً مهمة في تاريخ سوريا، سواء في المقاومة أو في المجال الثقافي أو في المجتمع المدني، وكان لهم دور أساسي في الحركة السياسية في سوريا.

في العصر الحديث، استمر الكرد بحضورهم القوي في كافة مجالات الحياة من السياسة والاقتصاد إلى الثقافة والفنون، ورغم كل التحديات، ظلوا جزءاً أساسياً من النسيج  السوري.

وعلى الرغم من إن الكرد في سوريا لم يكن معترفاً بهم في ظل الأنظمة السابقة، ورغم كل الظلم والاضطهاد الذي تعرضوا له، إلا أنهم حافظوا على لغتهم وهويتهم الثقافية. 

حول الكرد في سوريا وحول آرائهم وأراء المكونات الأخرى عنهم  في هذه الحلقة من الموسم الثالث من بودكاست «حكايا البلد».

بتعرفوا كيف التركمان بيحتفلوا بعيد الفطر وعيد الأضحى؟ يا ترى طقوسهم بتختلف عن طقوس بقية الجماعات المسلمة بسوريا؟ 

خلونا نتعرف على طقوس العيد عند التركمان بهالحلقة الجديدة من بودكاست «حكايا البلد».

إعداد وتقديم: أسما غنم

الهندسة الصوتية: أحمد أبو سعدا

الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

مين هو خضر الياس؟ وليش الإيزيديين بيحتفلوا فيه؟ وشو العلاقة بينه والمي والخضرة؟

خلونا نتعرف على أعياد الإيزيديين وطقوسهم بهالحلقة الجديدة من بودكاست «حكايا البلد».

إعداد وتقديم: أسما غنم

الهندسة الصوتية: أحمد أبو سعدا

الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

على سفح قاسيون، بين ضفاف نهر نشف، وجامع لسا بينبض بالحكاية، هون مرقد الشيخ محيي الدين ابن عربي، «سلطان العارفين»، اللي كتب عن الحب وقال: «ديني هو الحب.. أينما توجهت ركائبه».

من مرسية بالأندلس، لمكة، لبغداد، وأخيراً دمشق، المدينة اللي اختارها ليكتب فيها أعظم كتبه، «الفتوحات المكية» و«فصوص الحكم»، ويصير منارة للتصوف والفكر الحر.

بس ليش البعض اعتبروه «زنديق»؟ وليش لليوم اسمه بيستفز جماعات متشددة، وبيحيي قلوب الساعين للمعنى؟

اسمعوا هالحلقة اللجديدة من بودكاست «حكايا البلد» لتعرفوا حكاية ابن عربي، الشيخ اللي وسّع حدود الحب وسكن دمشق للأبد.

إعداد: جابر بكر

تقديم: ليندا بلال

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

ناس بتسميها «باريس الصغرى» بسبب تنظيمها وتقسيمها الفرنسي، وناس بتسميها «مدينة الحب» بالأغاني والأشعار. بس الأكيد إنو قامشلي هي مدينة التنوع، بكردها وعربها وسريانها وأرمنها، وحتى يهودها قبل ما يهاجروا.

تعالوا نتعرف على تاريخ وتكوين مدينة القامشلي بهالحلقة الجديدة من بودكاست «حكايا البلد».

إعداد وتقديم: شيندا محمد

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

شو أصل عيد «أكيتو» اللي بيحتفل فيه الآشوريين من أكثر من 6760 سنة؟ وشو هي الأزياء التقليدية والرقصات الشعبية الخاصة بهالعيد؟

خلونا نتعرف على أعياد الآشوريين وطقوسها بهالحلقة الجديدة من الموسم الثاني من بودكاست «حكايا البلد».

إعداد وتقديم: أسما غنم

الهندسة الصوتية: أحمد أبو سعدا

الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

بعرس نسائي بحلب، بيطلع حدا بصوت جورج وسوف، بشعر قصير وساعة لمّاعة، وبتبلش الحيرة: شب ولا بنت؟ هي سلوى جميل.. وحدة من الخوجات، مطربات أعراس النساء بحلب، مهنة قديمة ومليانة أسرار.

الخوجة مو بس مطربة، هي ظاهرة اجتماعية وثقافية وفنية. من بنات العشرة، لمطربات العائلات، لأصوات حلبية بدأت بخيمة عرس ووصلت للنجومية. بس ليش ما بنعرف عنهن شي؟ وليش ظلوا ورا الستار بالرغم من أثرهم الكبير على الذاكرة الموسيقية بحلب؟ ليش كل عيلة بحلب كان إلها مطربها الخاص، ومن وين طلع لقب «مطرب لعيلة»؟

لتعرفوا حكاية الخوجة، اسمعوا هالحلقة الجديدة من بودكاست «حكايا البلد».

إعداد: جابر بكر

تقديم: ليندا بلال

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

السريان من أقدم الشعوب اللي استوطنت منطقة الجزيرة بشمال شرق سوريا، ولعبوا دور كبير بتاريخ وثقافة المنطقة. بس هل صحيح إنهم مجتمع "منغلق على حاله"؟ كيف بيشوف السريان حالهم اليوم، وشو نظرة الشعوب الثانية عنهم؟

لنعرف تفاصيل أكثر عن الهوية السريانية بالجزيرة اليوم، تعالوا نسمع هالحلقة الجديدة من الموسم الثاني من بودكاست «حكايا البلد».

إعداد وتقديم: داني صليبا

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

ليش الأرمن بيربطوا المي بالفرح والتجدد؟ وشو أصل «عيد الرشيش»؟

خلونا نتعرف على أعياد الأرمن وطقوسها بهالحلقة الجديدة من الموسم الثاني من بودكاست «حكايا البلد».

إعداد وتقديم: أسما غنم

الهندسة الصوتية: أحمد أبو سعدا

الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

فيلم سوري تم تصويره بكاميرا ألمانية وببيت عربي بدمشق، بس انمنع لأنه بطلته «مسلمة»! هاي مو حكاية خيالية، هاي قصة «المتهم البريء»، أول فيلم روائي طويل بتاريخ السينما السورية، إنتاج سنة 1928.

فريق صغير من الهواة، وميزانية محدودة، وكاميرا وحدة. بس الطموح كان كبير، والرقابة كانت أكبر. كيف بدأت السينما بسوريا، وليش تأخرت؟ كيف صارت مع الوقت ساحة للرقابة والتقييد بدل ما تكون فن وحكاية؟

القصة الكاملة لفيلم «المتهم البريء»، اللي فتح باب الحلم السينمائي بسوريا، بهالحلقة الجديدة من الموسم الثاني من بودكاست «حكايا بالبلد».

إعداد: جابر بكر

تقديم: ليندا بلال

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

الأغاني المحلمية والمردلية بتتميز بمواضيعها وألحانها، بحسب الطقوس والمناسبات، بالإضافة لكونها خزان لهاللهجة والثقافة المميزة بمنطقة الجزيرة السورية.

لنعرف أكثر عن الفن المحلمي والمردلي، تعالوا نسمع هالحلقة الجديدة من الموسم الثاني من بدكاست «حكايا البلد».

إعداد وتقديم: يمامة اسماعيل

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

بتعرفوا بأي يوم بيصادف رأس السنة الشركسية، وليش الشركس بيحتفلوا فيه بهاليوم؟ شو أكثر شيء بيميز احتفالات رأس السنة الشركسية من رقصات تقليدية وأزياء وأكلات؟

تعالوا نتعرف على طقوس رأس السنة الشركسية بهالحلقة الجديدة من الموسم الثاني من بودكاست «حكايا البلد».

إعداد وتقديم: أسما غنم

الهندسة الصوتية: أحمد أبو سعدا

الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

شو بنعرف فعلاً عن المنظمة اللي بيقولوا إنها بتحكم العالم من ورا الستار؟ مو مشهد من فيلم، ولا قصة خيالية… هاد الحكي عن الماسونية بالشام!

من شاعر أمريكي دخل دمشق سنة 1868، لمحافل ماسونية علنية فيها أسماء ثقيلة بالتاريخ السوري، من فارس الخوري لبدر الدين الشلاح، ومن النشيد الوطني لاجتماعاتهم، لانقلابات وتهم بالعمالة صارت تلاحق كل مين اختلف مع السلطة. بس شو علاقة الماسونية فعلاً بسياسة البلد؟ وليش تحولت لمنظمة محظورة، وصار مجرد الهمس باسمها بيخوّف؟ 

اسمعوا حكاية الماسونية بالشام، التنظيم اللي بلش علني وانتهى بالهمس، بهالحلقة الجديدة من الموسم الثاني من بودكاست «حكايا البلد».

إعداد: جابر بكر
تقديم: ليندا بلال

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

الدبكات الكردية معروفة بتنوعها وتعدد أشكالها، وغالباً ما بيرقصوا الرجال والنساء أربع أو خمس دبكات عالأقل بالمناسبة الوحدة. بس رغم الاختلافات بين هالدبكات، سواء بالإيقاع أو الحركات، كلها إلها هدف مشترك واحد: الفرح.

تعالوا نتعرف على أنواع الدبكات والأعراس الكردية بمنطقة الجزيرة السورية بهالحلقة الجديدة من بودكاست «حكايا البلد».

إعداد وتقديم: سيدان حسين ونازدار عوجي

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

شو هي الأزياء الإيزيدية الخاصة بالأعراس، وشو أنواع الرقص الإيزيدي الفلكلوري، وكيف بيصير التعارف والخطبة؟ 

تعالوا نتعرف على عادات وطقوس الزواج عند الإيزيديين بهالحلقة من الموسم الثاني من بودكاست «حكايا البلد».

إعداد وتقديم: أسما غنم

الهندسة الصوتية: أحمد أبو سعدا

الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

سمعتوا عن الحلاق اللي صار مؤرخ؟ مو حكاية من باب الحارة، ولا مشهد من فيلم، هاد الحكي عن «البديري حلاق»، الحلاق الدمشقي اللي كان يحلق ويحكي ويكتب تاريخ الناس البسطاء بحياتهم اليومية، من الأفراح للمآسي، من الفساد للفقر، ومن الحارة للباشوات.

حكى عن ظلم العثمانيين، وسخر من السلطة، ودافع عن الفقراء… وكل هاد من كرسي الحلاقة. بس شو صار بكتاباته؟ وليش بيقولوا إنه تم «اغتياله أدبياً» بعد موته؟ وشو علاقة كلامه اليوم باللي عم نعيشه بسوريا؟

خلونا نسمع حكاية البديري، الحلاق اللي صار صوت الناس، بهالحلقة الجديدة من الموسم الثاني من بودكاست «حكايا البلد».

إعداد: جابر بكر

تقديم: ليندا بلال

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

الكبة والكتلك أكلتين بيشبهوا بعض، بس كمان فيهن اختلافات كثيرة، مو بس بالأماكن والجماعات اللي بيطبخوها، كمان في اختلاف بالمكونات والطقوس.

تفاصيل الجدل التاريخي عن الكبة والكتلك بهالحلقة الجديدة من الموسم الثاني من بودكاست «حكايا البلد».

إعداد وتقديم: ريزيار جنو

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

شو هو الزي التركماني الخاص بالأعراس، وشو هي أنواع الرقص التركماني الفلكلوري، وكيف بيصير التعارف والخطبة؟ 

تعالوا نتعرف على عادات وطقوس الزواج عند التركمان بهالحلقة من الموسم الثاني من بودكاست «حكايا البلد».

إعداد وتقديم: أسما غنم

الهندسة الصوتية: أحمد أبو سعدا

الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

«فرقة القمصان الحديدية» تنظيم شبه عسكري ظهر بدمشق بزمن الانتداب الفرنسي، وكان أفراده يلبسوا قميص حديدي ويحيّوا بالتحية الهتلرية. 

بيشبهوا النازيين؟ يمكن، بس كانوا سوريين، وهدفهم مواجهة الاحتلال الفرنسي. 

أسس التنظيم فخري البارودي، اللي سموه «شيخ الشباب». كان شاعر ومناضل، وصاحب نشيد «بلاد العرب أوطاني».

كيف تأسس هالتنظيم؟ وليش كان مثير للجدل؟ هل كان فعلاً حركة مقاومة، ولا مجرد تقليد لحركات أوروبية؟ اسمعوا القصة الكاملة بهالحلقة الجديدة من الموسم الثاني من بودكاست «حكايا البلد».

إعداد: جابر بكر

تقديم: ليندا بلال

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

(قولوقي كالو)، (فجفجك) و(زنكلوك) كلها أسماء كردية لأكلة حلو تراثية من عفرين. بس شو هي هالأكلة المشهورة وليش بيحبوها الناس، وتحديداً الأطفال؟

تفاصيل أكثر عن الحلويات العفرينية والمطبخ العفريني بهالحلقة الجديدة من الموسم الثاني من بودكاست «حكايا البلد».

إعداد وتقديم: حنيفة سليمان

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

شو هي رقصة الخيكا؟ وشو هي الأزياء والأكلات الآشورية الخاصة بالأعراس؟ 

تعالوا نتعرف على عادات وطقوس الزواج عند الآشوريين بهالحلقة من الموسم الثاني من بودكاست «حكايا البلد».

إعداد وتقديم: أسما غنم
الهندسة الصوتية: أحمد أبو سعدا
الإشراف العام: لجين حاج يوسف

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.

سمعتوا شي بيوحنا الدمشقي؟ رجل دين ومفكر عاش بدمشق بزمن الأمويين، وترك وراه تراث فكري وديني كبير. وقف بوجه قرار امبراطوري ضد الأيقونات، ودافع عن حرية الإيمان، لدرجة إنو بعض الروايات بتقول إنو انقطعت إيده بسبب آراؤه. كتب باليوناني، وحكى بالسرياني، وكان يتقن العربي، واليوم بيعتبره البعض "آخر آباء الكنيسة المشرقية".

مين هو يوحنا الدمشقي؟ وليش لسا صدى أفكاروه موجود لليوم؟ التفاصيل بهالحلقة الجديدة من الموسم الثاني من سلسلة بودكاست «حكايا البلد».

إعداد: جابر بكر
تقديم: ليندا بلال

تم إنتاج هذا البودكاست بدعم من الاتحاد الأوروبي ومنظمة Free Press Unlimited الهولندية. «حكايا البلد» سلسلة بودكاست من إنتاج راديو آرتا وروزنة وعنب بلدي. حلقات البودكاست مبنية على قصص حقيقية من جميع مناطق سوريا، ولا تعكس بالضرورة وجهة نظر الاتحاد الأوروبي.