Mai le lelei i le lelei tele (From good to very good)

OPEN HEAVENS

MATALA LE LAGI MO LE  FARAILE 23 IANUARI 2026

(tusia e Pastor EA Adeboye)

Manatu Autu: Mai le lelei i le lelei tele (From good to very good)

Tauloto Tusi Paia: Kenese 26:13 “Ua tagata ola lenei tagata, ‘ua tupu pea lava, ‘ua atili ai ‘ua o‘o ‘ina matuā tagata ola lava ia;”

‭‭

Faitauga - Tusi Paia: 2 Tupu 4:8-17

Ao ‭‭ou tuputupu ae, o le mativa ia o si ou tamā, e oo i tagata matitiva e latou te lauina lona mativa. Peitai, na finagalo le Atua e filifilia le atalii o se tagata na faapea ane ana uo e le taitai mafai ona ia fauina se fale, ma ua amata ona ia galue ma faia mea tetele i lona olaga. 

E toaitiiti lava ni tagata e lua faailoga maualuluga tauoloa (honourary doctorate degree)mai ni Iunivesite tautaua i le lalolagi. Ina ua maea ona ou maua ia ituaiga faailoga se fitu, na ou manatu o se fuainumera lelei tele, ona fai lea o lau faaiuga  ou te lē toe taliaina seisi faailoga. E lei leva, ae maua se tusi mai se tasi o Iunivesite mai Amerika e ofo mai foi seisi faailoaga maualuga. Na ou taumafai e teena i se auala faaaloalo ma fai iai ou te lē avanoa i le aso o le faauuga ona o isi galuega. Peitai na latou filifili e o mai i Nigeria e tauaao faapitoa mai ia te au lenei faailoga. Le au pele e, e mafai e le Atua ona siitia oe mai le lelei i le lelei tele. 

Sa foliga mai sa lelei lava le olaga o Elisaia i le faifaatoaga (1 Tupu 19:19-21). Peitai na ia lafoai mea uma ae avea ma auauna a Elia. I le faitauga mai le Tusi Paia o le asō, o se fafine Sunema na valaaulia Elisaia e fai sana taumafataga i lona fale. Na ia talia lana valaaulia ma ua fai ma ana masani le afea le fale o le fafine. Ona faia lea e le fafine o se potu faapitoa mo Elisaia i lona fale ina ia mafai ona afe atu mo se taumafataga ma malolo ai, i soo se taimi e malaga atu ai. Ina ua maea sina taimi, na faaosofia e le Agaga o le Atua Elisaia e fesili iai pe iai se mea e manao ai. I le taimi lea, sa tautaua Elisaia e oo i tupu e usitai ia te ia. Sa siitia mai le lelei i le lelei tele. 

O mea tetele na faia e Elisaia, sa ofoofogia ua amata ona talanoa ai tupu (2 Tupu 6:11-13, 2 Tupu 8:4-5). I le tulaga lava e tasi, e finagalo le Atua e te siitia ia maualuga atu le tulaga o le pule ma le alofa tunoa. Peitai o le fesili, e mafai e le Atua ona ia faatuatuaina oe i loto ma taliga o tupu? Ina ua sau Naamanu ia Elisaia mo le faamalologa, e na te lei faaaogaina o ia e maua ai ni mea (2 Tupu 5:16). E faapena foi i le taimi na auina mai ai fiafita a le tupu o Suria e saisai ia te ia, na ia taofia i latou, fafaga ma toe tuu e toe foi i o latou matai (2 Tupu 6:22). 

Le au pele e, a e manao e siitia pea oe e le Atua, e lē tatau ona e matape’ape’a, ae e tatau ona e agalelei. E lē tatau ona e taofia le loto lē faamagalo i lou loto. Fai lau faaiuga ia tumau i le faamaoni ia te ia e faavavau, pe afai e te lei faia lava, ona ia siitia pea lea o oe, i le suafa o Iesu, Amene