Tausi lelei lau tane (Take care of your husband)

OPEN HEAVENS

MATALA LE LAGI MO LE ASO TOFI 26 MATI 2026

(tusia e Pastor EA Adeboye)

Manatu Autu: Tausi lelei lau tane (Take care of your husband).

Tauloto Tusi Paia: Kolose 3:18 “O ‘outou fafine, ‘ia ‘outou usiusita‘i atu ‘iā ‘outou lava tane, pei ‘ona tatau i le Ali‘i.”

Faitauga - Tusi Paia: Efeso 5:22-24

I le faitauga mai le Tusi Paia o le asō, o loo faatonuina avā e usiusitai pe gauai  ia latou tane i mea uma. O le vaega o le gauai, o le fesoasoani lea ia latou tane, e ausia faamoemoega o latou olaga, ia tausia ma saunia mea uma o latou manaomia. 

O avā, o fesoasoani ( Kenese 2:18-22) ma e tatau lo latou fesoasoani i mea e manaomia e latou tane i le agaga, tausiga i meaai ma lagona. E tausia e avā latou tane I le itu faaleagaga e ala  i le tatalo mo latou. O se avā lelei le mautinoa o ai i meaai paleni lana tane. E lē lelei le fia ai o le tamaloa ae lē fafagaina. Fai mai le Mataio 21:18-19, ina ua fiaai Iesu, sa lei mafai ona ia mauaina se fua i le laau o le mati, ona ia fetuu lea o le laau. O se muagagana Aferika e faapea, o se tamaloa fiaai o se tamaloa ita tele. A ē lē fafagaina lau tane, e iai pea lava se tamaloa ita i lou fale. 

E tatau foi ona mataitu e avā manaoga o le tino ma lagona a lana tane. E faateia a’u i nisi ava, e uma mai le fia fono tatalo e auai ai i le sailiga o le galue mai o le Atua ina ia alolofa e sili atu muamua a latou tane iai latou, peitai e faatalalē i manaoga o latou tane. Afai e ava le fafine i lana tane ma mataitu lelei ia saunia  ona manaoga i le faaleagaga, meaai paleni ma le tino, ae o loo tumau uma isi vaega, e lē tau alu solo i fono tatalo e sailia le siitia le alofa o lana tane ia te ia. A saunia manaoga uma o le tane e lana avā, ae tumau uma isi vaega, o le a alofa tele le tane i le avā ma faamanuia ia te ia mai le taele o lona loto (Faataoto 31:28). 

O nisi avā, o le faaaloalo ia i latou pule i fale faigaluega ma faifeau o le Ekalesia, ae leai se faaaloalo i latou tane. O ia faiga e lē fiafia iai le Atua. Fai mai le tauloto mai le Tusi Paia o le asō, e tatau i avā ona usiusitai ma gauai i latou tane i se auala e tatau ma le Alii. O lona uiga e iai le ituaiga usitai ma le gauai e lē tatau i le Alii. A gauai se avā i lana tane i nisi vaega ae nanā isi vaega ona o le manatu na o ia lava, e lē tatau i le Alii. A gauai le avā i lana tane ma fesoasoani i manaoga o lagona ma isi, e na te iloa ai o loo faatauaina o ia. A musu se fafine e gauai i lana tane, o loo ia faapea mai, e na te lē faatauaina o ia, ma e matuiā aua e faaosofia ai le manatu i le tane e maualalo ma lē taua o ia. 

Afai o oe o se avā, o loo tausia lelei lau tane e tusa ma le faamoemoega a le Atua mo lona olaga, a e faia lelei, e tatala ai faitotoa o le manuia mo oe. E tatau i avā ona gauai i latou tane, ma tausia o latou manaoga i le tino, lagona ma le agaga, i le suafa o Iesu, Amene