Suurchrut ond Praline
Gschichte usem Läbe und vöu Seich garantiert.
Suurchrut ond Praline
#79 Kaffichränzli am Nordkap ☕
Use Left/Right to seek, Home/End to jump to start or end. Hold shift to jump forward or backward.
Normalerwiis froge mer eusi Gäst ah, be eus im Podcast z'erschiine. Ned so bem Tobi ond em Thomi. Die beide hend zäme ihre Roadtrip im 2025 vo Buttisholz as Nordkapp verfilmt. Aber ned öppe för es Youtubevideo, nei. Ganz oder gar ned esch ihres Motto, darum hend sie ihri Reis direkt gross is Kino brocht! Ihre Film "Nordwärts" hend sie bereits ah de Premiere döfe innere Masse vorstelle. Etz befinde sie sich of Promotour & de ersti Stopp hends be eus gmacht! Losid ine, wie sie eus de Prozäss vonere Schnappsidee of'd Kinoliindwand erkläre ond wie sie ihres Projekt umgsetzt hend. D'Chance "Nordwärts" ou no im Kino z'gseh, hend er ih dem Johr no. Of ihrem Insta Nordwaerts_film fendet ehr scho bald sämtlichi Vorführigsdate und wär weiss, villech träffe mer euch amne Datum - mer send sicher einisch vor Ort! 😉