بودكاست ف الصالة
الصالة مش مجرد مكان في البيت ,صالة البيت المصري جزء ليه رمزية خاصة جداً, مكان شاهد على مناقشات و مواقف و احداث كتير اوي في حياتنا منها الحلو و منها الوحش و علشان كدا قررنا حوارنا يكون #ف_الصالة.
برنامجنا اجتماعي بيتناقش فيه الطبيب النفسي صاحب الرؤية العلمية و الضيف صاحب الخبرات الحياتية في مواضيع مختلفة تخص كل بيت مصري, بهدف تقديم وجبة مفيدة و ممتعة للمشاهد بتجمع بين التحليل النفسي البسيط و تشويق التجربة الحياتية للضيف.
Produced by: Media Momenta
بودكاست ف الصالة
ف الصالة | الحلقة الثانية الاتفاقات الزوجية | وليد مصطفى
•
Media Momenta/ Waleed Mostafa
•
Season 1
•
Episode 2
Use Left/Right to seek, Home/End to jump to start or end. Hold shift to jump forward or backward.
مشهد البداية دايما هما اتنين بيختاروا بعض ويقرروا يكملوا حياتهم سوا, فكرة انك دونا عن البشر اللي في الكوكب كلهم تختار شخص واحد ديه، شايفها ازاي؟
إعداد و تقديم: د.مهاب مجاهد
علاقات عامة: مي كريم
مدير انتاج: احمد مجدي
مدير تصوير: محمد عصام
اخراج: محمد عزام
انتاج: Media Momenta
- ضيفي النهاردة في الصالة هو صانع محتوى وكوميديان مصري معروف
- قدر بذكائه وخفة دمه انه يجذب ملايين الناس لأنها تبقى بتتابعه طول الوقت
- قدر يوصل رسايله للناس طول السنين اللي فاتت وهو سايب ايده وليد مصطفى
- وليد ... منورني في الصالة
- مقدمة بص .. هي بتكسفني، يعني انا حاسس بمسئولية وانا قاعد كده
- منورني
- بنورك
- ربنا يخليك يا وليد
- مشهد البداية دايما هما اتنين بيختاروا بعض ويقرروا يكملوا حياتهم سوا
- قوللي بقى فكرة انك دونا عن البشر اللي في الكوكب كلهم تختار شخص واحد ديه، شايفها ازاي؟
- سنة الحياة بقى هانعمل ايه؟ بحس ان هي حاجة مرعبة جدا .. يعني .. يعني انا معنديش مشكلة دلوقتي اختار المشكلة ان انا دلوقتي اقابل حد وكويس وذو خلق وانا ابقى ذو خلق ونبقى happy
- دايما دايما بقعد افكر في ال long term
- اوكي
- طب ما انا بعد عشر سنين يمكن هي تكرهني، يمكن هي متبقاش مبسوطة، طيب يمكن انا ازهق
- يمكن هي متبقاش نفس الشخص اصلا
- ممكن انا مبقاش نفس الشخص، انا بقول كده دايما، بص هاتلاقيني دايما برمي الكلام عليا عشان متشتمش
- اوكي
- بصراحة
- فممكن انا مبقاش نفس الشخص، لما اقولك كده اعرف ان انا قصدي عليها، ممكن انا مبقاش نفس الشخص، ممكن انا ابقى ممل، ممكن انا ابقى نكدي، ممكن ابقى انا عايز اتدخل في كل حاجة في حياتك
- اوكي
- ممكن ابقى load عبئ عليك صح؟
- منطقي
- فأيه اللي يضمنلي على ال long term بحس دايما ان الموضوع ده محتاج مجهود اكتر بقى من المجهود اللي بتعمله عشان تترقى في شغلك
- مجهود ان انا بحافظ على علاقتي بشخص ونفضل في حياة سعيدة ويا سلام بقى لو عندك اولاد
- فأحافظ على علاقتي بشخص وعلى علاقتنا بأولادنا عشان يطلعوا اولاد سوية..
- كمية .. عارف لو انا قاعد في امان الله مرتاح وقاعد كده مرحرح وفجأة نزلت على نفسي تاسكات تاسكات تاسكات
- الموضوع مرعب جدا انا طبعا شايف الدبلة في ايدك فيعني شايفك مش قادر ت relate انت باصصلي اللي هو ..
- بص انا اه انا سايبك تتكلم
- بالظبط
- فأنت بتتكلم عن نفسك مش عني انا عشان خايف منهم انا لا عارف اتكلم عن نفسي ولا عن حد
- انا خايف منها
- طيب قوللي يا وليد، ايه المواصفات اللي ممكن وليد يدور عليها في شخص او بمعنى ادق وليد لقاها في شخص ممكن يتجرأ وياخد الخطوة دي
- وااله اللي نفسي فيه بجد ان هو يبقى حد شبهي
- اوكي
- ويتقبل عيوبي
- اوكي
- بس .. بس ويديني ال personal space المساحة الشخصية بتاعتي
- اوكي
- انا لو كده حطني جنب الحيطة
- بتخاف من الخنقة
- ده انا بترعب من الخنقة
- عندك fear of commitment؟
- اه ده طبعا .. انا عايز اقولك انا لو قاعد في كافيه وااله العظيم بجد انا لو قاعد في كافيه
- انت اتشخصت من قبل ما تقعد على الكرسي من اول كلمتين
- يا اخي ده انا ضيفك يا اخي مش كده.. انا هادفع كشف في الاخر انا حاسس
- انا لو قاعد في كافيه وطلبت حاجة والله العظيم ده بجد بطلب الcheck في ساعتها مع ان احنا قاعدين ساعة بس احب يكون الcheck يبقى موجود وانا دافعه عشان اما احب امشي دلوقتي امشي دلوقتي ميبقاش عندي حاجة مقعداني ولا ده انا لسه هاستنى الcheck طيب افرض انا عايز امشي دلوقتي
- فأه انا عندي commitment اه طبعا عندي fear of commitment فأي حاجة
- بص انت كمهندس هاتفهمني في ده، انت متخيل ان الدنيا واحد زائد واحد يساوي اتنين وفي العلاقات واحد زائد واحد يساوي انت ونصيبك
- يعني ممكن جدا يبقى مش اتنين يبقى ثلاثة و اربعة وفرصة سعيدة وممكن جدا ترجع للصفر فأي لحظة
- بس يعني هدف قعدتنا ان احنا نحاول نشوف مع بعض بالراحة كده ونوصل للناس ايه اللي يزود احتمالات اننا منرجعش للصفر
- جواز الصالونات
- ما انت كنت ماشي حلو يا دكتور
- فكرة من ال taboos اللي جيلي انا وانت كنا رافضينها تماما، الغريب بقى انها عاملة come back بقوة في الجيل الجديد بس غيروا اسمها
- اه بقوا يسموها arranged marriage الجواز المترتب
- بص انا ملاحظ في مجتمعنا فيه حاجة سميها انجليزي
- اه اديها اسم كبير
- هاتبيع هاتبيع ده عارف اسمه ايه في ال marketing؟ branding
- اه
- جواز صالونات لأ مش حلوة خليها arranged انا عايز من ده ال arranged ده دلوقتي
- اه
- والنبي عشان خاطري معاكو
- ومبقاش في الصالون ولا في الطقم المذهب، بقى في كافيه والصحاب هما اللي بيعرفوهم علي بعض مش الاهل
- انا شايف وليد ابن ناس وفلانة بنت ناس وجميلة وأبدأ اقول انهم لايقين علي بعض، معرفش يعني ايه لايقين على بعض بس تمام فأبدأ اعرفهم
- انا اصلحلك بقى المعلومة .. انا اصلحلك
- قوللي
- هو الموضوع كله بيبقى مثلا خلينا نقول مثلا ان عمر بيحب سارة
- اوكي
- وسارة ليها واحدة صاحبتها مثلا say اسمها اي حاجة .. ريم
- اوكي
- فريم دي فاضية third wheel
- اوكي
- بتخرج معاهم بيدفعلها معاها بتقول رأيها بتبقى قاعدة ورا في العربية ماسكة سلك AUX موجودة شخص موجود انت مش عارف بيعمل ايه .. انت عبئ عليك
- هما نازلينلك اتنين package
- فلا دي لازم نخلص منها عن طريق واحد
- اوكي
- فنشوف اي واحد صاحبي فتعالى تعالى ياخده جنبه .. انتم لايقين على بعض .. هنا بقى انتم لايقين خدوا بعض
- مع ولا ضد التعارف المترتب يا وليد ؟
- التعارف؟
- المترتب
- اي تعارف انا معاه
- اوكي
- لو مش هاحب اللي قدامي هاستفيد منه، لو شايفه وحش هاستفيد what not to do؟ يعني هاستفيد اني مبقاش .. مش عايز ابقى كده
- فأنا مع اي تعارف اي نشاط اجتماعي انا احب كده قوي
- ال arranged marriage بقى ده قصة طويلة، كلمة marriage دي انت لازم تعدي على كذا request
- مراحل
- مراحل
- احنا قاعدين مع بعض في المراحل النهاردة
- مش كده .. هات غداء ابعت هات غداء
- احنا قاعدين مع بعض
- لكن تعارف انا مع اي social work بالعكس انا دايما بقول حتى للناس اللي هما اصغر مننا اللي هما لسه في الجامعة انزل انزل .. انزل انشطة طلابية انزل انزل اجري دور قابل ناس واعرف وسافر لازم
- اتفق معاك تماما لأنه انا دايما بقول مش مهم بدأتوا ازاي المهم وصلتم فين
- فيه علاقات كتير قوي لو بصينا عليها بجد من بره هانلاقيها مشروع جوازة هايلة وهما مشروع couple هايل بس للاسف المشروع ده بيموت قبل ما يتولد
- بص انا هاعترفلك اعتراف والله العظيم ثلاثة اول مرة في حياتي اقوله ميديا و off media
- اوكي
- اعتبر ان الكاميرا مش داخلة
- عارف ايه دي اللي هاتخلي الناس تخش تعمللي unfollow دي عارف دي المسمار اللي في النعش الاخير
- انا وعدتك اني هاخسرك النهاردة
- والله العظيم دي اللي هايطلع اقولها يتقفل التليفزيون
- اوكي
- زمان قوي انا دخلت الجامعة 2007
- اوكي
- حلو؟ وكنت مشغول قوي ان انا عايز ارتبط
- بدون قطع كلامك انا متخيل فيه كام واحدة دلوقتي قاعدة بتحسب الناس بتخش الجامعة عند 18 فبتطرح 18 عشان تعرف عندك كام سنة
- عندي 34 الشهر ده عادي خالص
- اوكي
- عادي
- كمل
- فأنا اول ما دخلت الجامعة انا كنت انا كنت nerd انا جايب 97.7% ثانوية عامة
- اوكي
- انا مفيش مفيش بنات يعني ايه اصلا بنات؟ ما هذا الكائن الحي فدخلت الجامعة كنت عايز ارتبط
- اوكي
- فأرتبطت 2008 في بداية الارتباط انا مكنش عندي basics اللي هو ايه يعني ايه ارتباط اصلا
- انا كان عندي ذكورية مش طبيعية عايز اطبقها على الشخص اللي قدامي والا هاتفتكر ان انا هلهولة، انا هلهولة؟
- فكنت انا النوعية اللي هو تشوفها دلوقتي اللي هو سلمتي على ده ليه؟ هاتي باسوورداتك .. انا اسف انا كنت تبت والله .. انا كنت كده بقى
- كنت لسه منضجتش ولسه بقى مش فاهم يعني ايه علاقة اصلا مش فاهم ايه اللي مطلوب مني وايه كنت لسه عيل بقى عيل صغير
- يعني دلوقتي لو حد بقى .. انت عارف من عك لعك .. عارف دلوقتي لو حد عنده 19 سنة هايقول يعني انا عيل .. انا كنت عيل و انا عندي 19 سنة انا حر تمام
- اوكي
- انا هاتشتم كده كده
- متحاولش تحلق .. يعني سيبها على الله
- انا مريت بالمرحلة دي وكانت الغريب جدا انا دايما اللي بيسمع المرحلة دي فاكر ان البنت هي اللي stressed لوحدها ومعاها واحد مجنون مجنون سلمتي على ده ليه وشفتي ده ليه وده عملك لايك ليه وده عملك ايه، كان لسه الفيسبوك طالع فتعالى اشوف اللايكات تعالى يعني ايه لايك؟ يعني بيحبك
- اه لو كان فيه love ساعتها كانت بقت فيه جرائم
- وريني النوكيا بتاعك فيه ايه ايام سودة
- فالموضوع ده كان stressful عليا اكتر ما كان على الشخص اللي معايا، ليه بقى؟ لأن الشخص اللي معايا في الاخر قاللي يلا اتكل على الله، حتى لما سابني .. انا .. بالعكس ده ارتاح لكن انا اتسبت
- فكان stressful في العيشة وكان stressful ان انا اتسبت من حد انا بحبه وبيوفقلي كل الجنان اللي فيا تمام معايا في الاول فالموضوع ده كان وحش قوي .. قوي
- اوكي
- فأنا نسيت السؤال كان ايه بس انا حبيت اقولها
- خناقات المتصاحبين وانا حسيت ان انت عايز تفضفض
- حبيت اريح ضميري اه بفضفض
- على الشيزلونج
- خناقات المتصاحبين ايوه صح لا انا in content يا جماعة فيه ايه فكانت خناقات المتصاحبين
- خناقات المتصاحبين دي تتلخص في فكرة ان فيه شخص عايز يثبت شخصية معينة على اللي قدامه عشان ال long term يعني دايما بتبقى انا ببني من دلوقتي لبعدين بأن انا افرض شخصيتي دلوقتي عليك
- Battle of power معركة قوة
- انا من دلوقتي هاتحكم في كل حاجة
- اوكي
- انا من دلوقتي
- خلصنا مراحل التعارف وحلاوة البدايات وهانبدأ بقى نخش على مراحل الجواز
- الجد
- الجد
- حلو
- اول مرحلة في مراحل الجواز هي مرحلة العرض، عرض الموضوع على الاهل، كلنا اتربينا على انه الجواز مش واحد وواحدة دول عيلتين هايبقوا عيلة واحدة
- صح طبعا
- وبالتالي مفيش خلاف على ان رأي الأهل مهم، ولكن السؤال هو في حالة اختلاف الأراء والوصول لطريق مسدود، هل رأي الاهل الزامي ولا استشاري؟ من وجهة نظرك
- بص انا انا عندي دايما التقديس للأهل ده هو بداية .. هو محور كلامنا كبداية بس انا بحس ان نقاش الاهل بيختلف حسب هو اللي هايجوزك ولا انت اللي هاتجوز نفسك؟ لو انت مستقل ماديا، نقاش الأهل بيبقى في هيئة النصح وفي الاخر انت شيل شيلتك واللي يشل قربة مش عارف تخر على دماغه
- لكن لو هو اللي هايجوزك، لأ انت بتشقى بقى بتشقى وممكن الجوازة .. ياما جوازات باظت عشان الأهل اللي هايجوزوا
- ده بالنسبة للولد بالنسبة بقى للبنت يعني هو الموضوع في الاهل اولا و اخيرا مالوش دعوة بالاستقلالية المادية يعني
- معاك بس خليني اقولك برضو ان اللي اتربى على انه يسمع كلام اهله ودي حاجة انا مش بنتقدها بالعكس
- اه طبعا
- لما بيملك الاستقلالية المادية بالعكس بيسمع كلام اهله اكتر
- اكيد اكيد
- لأن بيبقى عنده الحرج بتاع انه مش معنى ان انا استقليت ماديا ان انا خلاص اتفطمت
- لأ بس بيقدر يعترض بس بيقدر يعترض
- طيب هو اللي ميقدرش يعترض يقدر يتجوز؟
- لو اهله بقى .. ايه؟
- اللي ميقدرش يعترض؟
- يقدر يتجوز لو هيفضل طول عمره بياخد فلوس من اهله او على ما ربنا يكرمه، بتحصل بالذات ان الجواز دلوقتي بقى محتاج تبيع كليتك عشان تتجوز
- صح؟
- Project
- معاك .. بس يعني دي لقطة من اللقطات القليلة اللي بقول رأيي فيها direct زيادة عن اللزوم
- هاتزعل الناس
- اللي يزعل يزعل ده رأيي، اللي مش قادر يفتح بيت ويصرف عليه، الغير مستقل ماديا لا يصلح لمنظومة الجواز
- وإن كانت بتتزق من عشرة عشرين سنة فاتوا متتزقش النهاردة، يعني انا دايما بشوف الشاب اللي وصل لمرحلة الجواز نظريا المفروض يبقى بيسعى لانه قادر يفتح بيته وقادر ي support الناس اللي حواليه .. كلام نظري؟ اه
- قوي
- صعب اه بس نقطة هنا ليه معلش عشان سامحني بقى في النطاعة بتاعة جوزوني .. انت مجبتليش ومعملتليش
- اه طبعا .. ومسوتليش بكذا
- ومساوتنيش بفلان .. ده ابن لأبوه فببقى عايز اقوله stop cut حضرتك
- اقعد بقى جنب بابا.. بس انا مش بتكلم على ده على فكرة
- هو رباك وكبرك
- احنا الجواز جزئين جزء فتح بيت وجزء طلعة
- الطلعة تقيلة على العريس لوحده وتقيله على العريس و اهله
- الطلعة تقيلة على المجتمع
- وتقيلة على الشارع اللي هو ساكن فيه
- دي نقطة .. الطلعة تقيلة على المجتمع كله
- اه عندك حق
- فأنا بتكلم على الطلعة مش فتح البيت على فكرة
- اوكي
- يعني لو انت بقى هاتعمل كل حاجة و بابا هايديك الفلوس طيب يا حبيبي بص انت متدايق .. اهه يلا روح اتجوز يلا اتكل على الله وريني هاتتجوز ازاي ..
- بيبقى قاعد .. لما بتوصل لحارة سد مع الاهل بيبقى خلاص مع السلامة .. لكن لو انت تقدر تعمل كل حاجة او لو انت معاك حد متفهم لفكرة ان احنا هانخش البيت
- اه طبعا
- احنا كل اللي قبل كده البهرجة دي مش هانعملها بيبقى النقاش مع الاهل مختلف
- صح وخلينا نقول انه بدل ما نقول نعمل ايه لما نوصل لطريق مسدود، ازاي منوصلش اصلا لطريق مسدود .. ازاي نتكلم مع ولادنا فرأينا ونفهمهم زي ما انت كنت بتقول .. ان اللي يشيل قربة
- بتاعتك
- بتاعتك .. شيل شيلتك
- بس قبل ما تشيل شيلتك انا بوريك، ولو شيلت الشيلة اللي انا مش عايزها انا مش هارفع ايدي واتفرج عليك واسقف انا هادعمك بس هافكرك عشان المرة الجاية اما تيجي تكلمني
- هاعايرك
- اه خرجت عن .. ده اللي بحاول اقول منعملوش
- ايوه
- بس انا هافكرك من باب انك تكون خبراتك لأنه صدقني يا وليد الانسان لا يتعلم الا بالتجربة
- حتى في الجواز؟
- ااه
- اااه ايه؟
- هو نظريا فيه نوعين من التعلم، التعلم بالنصح والتعلم بالتجربة، التعلم بالنصح شئ لطيف جدا مفيد جدا لكن العقل البشري يلفظه بشكل غير طبيعي الناس بتكره التنظير
- طبعا
- يعني الناس تحب قوي تshare كلامنا واحنا بنقول ثلاث خطوات بالذات لو فيه رقم الناس تحبه، ويا سلام بقى لو قلت حاجات ميعملوهاش مش حاجات يعملوها
- بالانجليزي
- اه بالظبط
- خلاص كده
- عناوين بس فعليا بقى هما بيسمعوا الكلام ده ومخهم يفلتروا ويرفضه، الانسان عادة بيتعلم بالتجربة
- اوكي
- فبقول للاهالي دايما حاولوا تعلموا اولادكم بالتجربة قبل مرحلة الجواز
- يعني اقعد معاهم ..
- نصيحتك للجامعة نصيحتك للسفرية اللي انت بتقوله عليها، سيبه يعمل اللي هو عايزه وبعدين اعمل معاه reflection على الموضوع، قوله انت عملت اللي انت عايزه، شفت ان رأيي كان ممكن يبقى صح في كذا؟ علشان على ما ابنك او بنتك يوصلوا لمرحلة الجواز يبقى احنا already بنينا كوبري تواصل بيننا وبين بعض
- صح جدا
- عشان نعرف نمشي عليه بأمان
- صح جدا
- مبنقعش من فوقه .. طيب
- 15:25 مرحلة الشرعية
- مرحلة الشرعية، المرحلة دي انا بسميها خدي كلمي ماما، اما تشوف اي اتنين وتلاقي كده ان المشهد فيه قرب زيادة شوية تقولهم انتم مخطوبين؟ لأ، انتم مرتبطين؟ لأ، انتم فيه حاجة رسمية؟ تقولك لا بس اداني مامته على التليفون
- ماما بتحبها
- لقطة ان انا كلمت مامته على التليفون دي بتنقل العلاقة بالذات عند البنت في حتة تانية
- انت اديتني مامتك ليه؟ انا كلمت مامتك ليه؟ والمشكلة ان المكالمة بينها وبين مامته بتبقى عبثية جدا ان هو .. ان هي بتكلمها بتشتكي منه وانت بتبقى قاعد في النص اتنين بيشتكوا منك وانت مبسوط قوي، يااه انتم قربتم لبعض الدنيا حلوة قوي
- بتبقى مكالمه مفيهاش حاجة مفيدة بس انت بتبقى فيها لبست سنة .. sorry مش لبست .. يعني
- قول براحتك متخافش
- لا لا خلينا نقول خدت step اصل فيه ناس ورا الكاميرا فيه بنات ورا الكاميرا فبلاقي زغرة كدة .. لأ بتبقى لبست سنة
- اه
- يعني اخدت step قدام مش مفهومة
- بس خليني اقولك هي مش مفهومة لو اتعملت بدري بس عادة احنا المشكلة بتبقى العكس ما هو برضو طمأنة الطرف الأخر مسئوليتك كراجل
- الطرف الأخر اللي هو مين؟
- اللي هو البنت
- مش الام؟ مش الاهل sorry
- لأ طمأنة البنت
- اه اوكي
- انا مش بديها لأمي عشان امي تتطمن، انا عادة بديها لأمي عشان هي تتطمن ان امي عارفة
- حاجة عبثية قوي
- شرعية
- يعني بحبك وماما عارفة .. ايه ده؟
- لأ بس برضو خليني اقولك .. ال validation نفسه بتاع انه انا مش لوحدي، لأن خد بالك مامتها بالنسبالك مش عارفة بس انا وانت ومعظم اللي عارفيننا عارفين ان مامتها عادة عارفة
- مامتها اه طبعا عارفة
- وهي عايزة تروح تطمن الام ان ده مش حوار من طرف واحد، يعني ده مش حوار دائر في بيتنا وهو بيلعب
- يعني حاكي لأهله عليا
- وهنا هاقلب جد سنة واقول بجد، دايما طمن البنت اللي معاك انك مش بتلعب، يعني متوعدهاش الا و انت واثق في وعدك متقولش انك هاتعمل حاجة ومتعملهاش لأن دع خيانة عهد، ولكن طمنها ان نيتك كويسة
- دايما بقول للناس طمني للنوايا لأن النية دي في قلبك مش مطلع عليها غير ربنا، طمني لنيتك هاقبل معاك كل الاحتمالات بكره، ان شكيت في نيتك
- خلاص بقى
- لازم هالومك بكره
- اه صح لا انا متفق معاك جدا في الموضوع .. بس انا مش شايف ان انا برضو أدي لمامتي تكلم واحدة ان انا كده طمنتها لأي حاجة بالذات ان انا لو في معظم الأحيان الأم مش بتدي اي اضافة، ازيك يا حبيبتي عاملة ايه كويسة طيب الحمد لله خلوا بالكم من نفسكم .. انت كده ايه فيه ايه؟ عملت ايه؟
- اقولك هي سمعتكم ازاي؟ انا عارفة انك موجودة، انا موافقة على وجودك، انا مرحبة بيكي مستقبلا في عيلتنا
- يااه
- اه صدقني الكام كلمة دول ازيك اخبارك ايه خدوا بالكم من بعض بيترجموا كده
- على فكرة البنات عندهم codes كده بيفهموا قوي يعني انا كشاب لو هي اديتني مامتها اكلمها عادي، ازيك يا طنط عاملة ايه تمام؟ فاهم شكرا وهاروح ولا .. عادي
- هما لأ عندهم ماورائيات دايما
- ثلاث سلوك احنا سلكين بس
- انا بالنسبالي سلك
- يعني كمهندس
- سلك بطارية ماشي ببطارية مش فاهم حاجة
- وانتم بتشحنوا من الشمس
- بس انت عارف ممكن لو الناس اقتنعت بالموضوع ده بعد الحلقة ممكن تلاقي كله بقى: الو خدي كلمي ماما
- صدقني من غير الحلقة ده هما هايشوفوا دي وهو بيقولها خدي كلمي ماما
- حلو
- المرحلة اللي بعدها مرحلة الكشف
- اوكي
- تعالى قابل بابا المقابلة اللي عمرها ما بتبقى في البيت الا في ما ندر يعني، الا لو فيه ارتياح شديد ليك
- اه طبعا
- انما عادة انت بتعدي على بابا في اكتر مكان بابا هو بابا فيه، مكتبه، مصنعه
- السلطة
- شركته
- يوري السلطة
- على اكتر كرسي مريح بابا
- ايوه بقى
- عشان انت هاتتوزن وهاتتقلب النهاردة، قعدت القعدة دي قبل كده؟
- اه
- ولو سؤال شخصي مش محتاجين انك تقول حاجة
- لا لا لا عادي قعدتها انا خطبت قبل كده
- اوكي
- زمان برضو، بص انا اي تجربة ليا في العلاقات كانت زمان كانت ايام ما كنت مندفع impulsive
- قبل ما تركب فرامل
- اه
- اللي احنا بنحاول نفكها دلوقتي
- قبل ما اقعد لوحدي وافهم انا محتاج انضج واشتغل على نفسي كويس فأه قعدت القعدة دي وسبحان الله كان في مكتب بابا فعلا
- اوكي
- بس الراجل ده لعب بيا قوي مجابش سيرة اي حاجة، ازيك عامل ايه كنا قاعدين بنسلم على بعض طول الوقت في القعدة بس
- فرق الخبرة في القعدة دي بيبقى مرعب
- اوف بالذات لو انت صغير
- يعني ها refer لحاجة شخصية انا اول مرة قعدت مع حمايا الله يرحمه لأ القعدة دي مش هانساها وانا كنت content قوي حاسس بنفسي يعني
- دكتور
- شاب لسه الدنيا باصاله بقى وابتدى فأنا حاسس كده هه وهو كان قاعد بيقلبني وهو سايب ايده فقمت قلت لأ اوعى تستهون بفرق السن
- اقعد بقى
- اه
- اوكي
- عادة ال conclusion بتاع القعدة دي انا ازعم ان انا اتجوزت بالقعدة دي مش بأي حاجة تانية بصراحة
- انا مقتنع جدا ان في سن معين كده الأبهات بالذات اللي ربى بنت بيبقى وصل لمرحلة ان هو يقدر يقيم اللي قدامه من قعدة
- صح
- انا مقتنع بهذا تماما
- تنصح اي شاب بأيه في القعدة دي يا وليد
- اركز .. اركز وقول الحقيقة عشان هاتتقفش، يعني قول اللي تقدر عليه وقول اللي متقدرش عليه قبل اللي تقدر عليه واركز وخليك راكز ومتقولش كلام متبقاش over promising
- شفت انا بحبك ليه جبت من الاخر..
- صح متوعدش بحاجة مش هاتقدر تعملها وقول اللي هاتقدر تعمله بوضوح
- بالظبط خليك واضح جدا
- 100%
- بعد قعدة الاب بقى بندخل على مرحلة لقاء السحاب
- اه
- اول قعدة بين ام العريس وام العروسة سحابتين كبار بيقابلوا بعض يا هايضللوا علينا ورحلة الحب هاتبدأ يا هاتمطر وهانغرق كلنا
- مشهد لا تخطأه عيني في ركن اي نادي
- اه نادي ايوة صح
- المح المنظر اعرف ايه الحوار اللي دائر علاطول
- انا عارف القعدة دي بتعمل ايه
- اللي هو دول مبتسمين قوي في وش بعض بس دول مش صحاب باين عليهم ان هما مش صحاب
- Positioning احنا بنقعد هنا بقى قعدة ال positioning
- ببقى بدعي للولد والبنت اللي مصيرهم بيتحدد في اللحظات دي
- عارف اللي هو بيقولك الانطباع الاولاني بيدوم؟ احنا بندي الانطباع الاولاني وفي الامهات شوية بتبقى power يعني مين اللي هايبقى on power في الحتة دي
- مين ..؟
- مين اللي اه، يعني انا ابني كذا انا بنتي كذا وانا هابينلك انا هاعامل بنتك زي ولادي وانتي في .. يعني كده فيه حاجات ماشية في سكة كده معينة احنا عارفينها برضو بتبقى قعدات محفوظة قوي يعني الموضوع ده خلاص بقى مكرر قوي
- بس انا مش حاسس ان جيلنا هايعمل كده
- اكتر بساطة شفتها في الموضوع ده انها بتبقى مكالمة تليفون بس انا بنصح دايما يا متعملوهاش خالص و ده مش وارد
- اه ده مش وارد
- يا متبقاش مكالمة تليفون يبقى face to face لأن كمية ال misperceptions اللي في مكالمة التليفون مش طبيعية
- اووف
- بس هاقولك برضو يعني القعدة دي بتبقى مهمة قوي بالنسبة للامهات الاتنين، بالنسبة لأم العريس هي قاعدة بتشوف العروسة دي بعد ثلاثين سنة عارف ال application اللي على السوشيال ميديا الل يوريك شكلك كمان ثلاثين سنة
- ايوة
- هي حرفيا مش قاعدة تشوف ام العروسة هي قاعدة تشوف العروسة 30 years ahead
- في المستقبل
- ثلاثين سنة قدام فبالنسبالها انا بشوف ابني عايش مع مين بعد عمر طويل ليا اما ابقى مش موجودة انا جاية اتطمن عليه
- دي وجهة نظر حكيمة جدا
- وبالنسبة لأم العروسة هي رايحة تشوف الام الجديدة اللي بنتي بتتنقل من بيتي لبيتها حتى لو هي وجوزها هايعيشوا في قارة تانية دي الام الجديدة
- فنفسيا قادر افهم اهتمامهم قوي بالقعدة دي
- وفيه report لما بتروح بقى بتدي report للحاج بيبقى اسمه الحاج في الجواز دايما ميبقاش اسمه الاب بيبقى اسمه الحاج معرفش ليه حتى وهما بيتكلموا كده، احنا هانشوف الحاج
- هانرجع للحاج
- مالناش دعوة فبيبقى فيه report دايما بيرجع بقى للي هو انا شفت الواد ومامته وكذا كذا كذا لازم فيه report كامل بقى بيبقى بيتنقل
- بعد المرحلة دي بندخل على مرحلة انا بسميها ping pong الزيارات
- ااه
- ييجي اربع زيارات ورا بعض بيخلوا العيلتين في حالة تزاور مستمر لمدة خمسة واربعين يوم تقريبا
- ايوة
- اللي هو لو كلمت اي حد في البيت ده او في البيت ده فهو يا في زيارة يا بيحضر لزيارة يا في الاستوديو التحليلي بتاع زيارة خلصت الزيارات دي هي عملية اتمام الجواز الحقيقية
- خلينا نعدي عليهم زيارة زيارة
- يلا بينا
- الزيارة الاولى زيارة العريس واهله لبيت العروسة
- العريس واهله لبيت عروسته
- اه اول مرة بقى واخد اهله ورايحين وبنقول ان احنا رايحين نتعرف مش نتقدم وبنتك تحت نتعرف دي
- نشوف ايه .. ايه
- انا مش هاتقدم في اول دخلة
- اوكي بتبقى audit قوي انا داخل انا هاقيم
- لجنة نازلة
- كل حاجة يعني البيت بزوقه بقعدتهم بيستقبلونا ازاي بمكان عمارتهم .. ده بتبقى .. بيبقى الولد فيها سايق العربية نفسه اليوم يعدي مش عايز حاجة تانية خالص من اليوم .. اصل انا تعرضت لدي برضو
- اوكي
- اه من زمان اي حاجة بقولهالك من زمان قوي، فاهم فكانت .. انت بتلصم الدنيا انت كشاب بقى رايح في الموضوع انت رايح تلصم الدنيا ان يا رب الموضوع يعدي على خير
- اه
- Audit .. audit قوي عارف انت لما بتبقى في شركة وييجي حد من بره audit وروني انتم بتعملوا ايه؟ هو بيبقى كده
- عيننا بتشوف ايه في الزيارة دي؟ يعني اصل انا شفت العجب في الزيارة دي يعني انا قبل كده شفت وده في عيادتي يعني جوازة بتبوظ عشان قدمولهم عصير برتقال فأنا مش فاهم هل العيلة عندها حموضة مثلا؟ فاهم .. ايه المشكلة في عصير البرتقال تحديدا وااله بتكلم بجد
- فقالتلي الام قالتلي بتلقائية يا دكتور انت مش فاهم ولا ايه؟ قلتلها والله ما فاهم، قالتلي لون واحد
- ايه؟!!
- ده فيه جوازات باظت عشان العصير كان لونين، العصير المفروض يبقى ثلاث الوان
- ثلاثة؟
- اه
- ده اللي بقولك عليه الماورائيات
- اه
- احنا كرجالة منفهمهاش ان وراء الكلمة فيه قصة .. عصير ثلاث الوان؟
- اه
- اوكي طيب ده حلو ده noted
- التحكم في اخو العروسة الصغير اللي بيبوظ المشهد كله في الزيارة
- انا .. انت عارف ان انا اخو العروسة الصغير
- لأ
- والله
- انا هاحكي عنه؟ احكيلنا انت
- انا اخدت كمية توصيات، انا كنت صغير واختي اكبر مني بعشر سنين
- اوكي
- فكنت طفل والله انا اخدت توصيات السماء والارض، وكل اللي قالولي عليه عملته يعني اي حاجة قالولي متعملهاش عملتها
- عملت عكسه
- مبتبقاش انت قادر كأخ صغير كده انا عايز اشارك انتم كبار وانا مبسوط يلا نجوزهم دلوقتي
- انت عارف يلا يا عروسة هما يقعدوا يخبطولك ويعملولك، لأ بتبقى بالذات النيش اللي بيتفتح ده انت بالنسبالك كطفل صغير في البيت ده مقفول من يوم ما اتولدت ده اتفتح النهاردة .. لا لا دي بتبقى .. اليوم ده لازم الاخ الصغير بيتهزق والضيوف نازلين
- دي حقيقة
- انا حضرت كل التفاصيل بتاعة الموضوع ده، دي زيارة ال audit انا فاكرها لا فاكرها
- الزيارة دي بيبقى بعدها ال feedback ، بياخدوا العريس في الاسانسير وهما نازلين او على السلم وفي العربية واحنا مروحين في الطريق
- اه .. ولازم ال feedback بياخده بيبقى فيه انتقادات لأهل العروسة او لمكان سكنهم او لحاجة حصلت ..
- مفيش حاجة اسمها perfect هو عامة الاباء و انت اب اكيد و إن شاء الله كلنا يعني نبقى اباء والدنيا حلوة .. لازم مبيقولش عامل زي المدير مبيعجبوش الحاجة 100% لازم اديك حتة كده ، هما حلوين اختيارك كويس .. بس
- مفيش حد زينا
- اه احنا خلي بالك
- بص دي القفلة بتاعة الجملة
- يعني بس
- هانعمل ايه مفيش حد زينا
- هانعمل ايه؟
- طيب ما كلنا مفيش حد زينا
- اه .. وبعدين عشان الجوازة تتم الاب بتاع .. ابو العريس بيبقى عنده برضو حتة ان احنا هاندفع فلوس كتير شبكة ومهر وقصة
- فبيبقى عايز من الاول كده .. عارف اللي بيشتري حاجة .. اللي بيشتري حاجة .. لا اصل ال location .. اصل .. بيبقى عايز يكسر كده في حتت عشان ميتطلبش منه كتير
- ما هو خد بالك برضو ما هي القعدة دي اللي بيتبني عليها كل التوقعات وده شئ انا بصراحة بقى بشوفه حق الست لأنه في النهاية .. مش هاقول تبقى قادر تعيشها زي ما باباها معيشها لأ ماهو في النهاية انا مش هابدأ حيث انتهى حد
- واحد اه كبير و .. اه طبعا
- انما انت تعرف الlifestyle بتاعها ايه؟ هي عايشة ازاي؟ عشان تعرف هي ممكن تتوقع ايه و إن لم تكن قادر على انك تقابل التوقعات دي تبقى صريح مبقولش تنسحب
- تبقى صريح .. بس
- تبقى صريح .. هي بقى ممكن تبني معاك ووقت الجد ودي مش مجاملة بس انا شفت في حياتي مشاهد كتير قوي اللي بتبني وراء الراجل الست
- بص انا بس.. فيه نقطة معينة كده في موضوع انا لو اب وده انا شفته في ابويا وشفته في عيلتنا احنا مبنتكلمش في الحاجات دي احنا بنتكلم انت هاتحترمها هاتقدرها يعني احنا بنتكلم في حاجات مثالية اكتر من فكرة ال lifestyle و و ماديات خالص و انا شايف بصراحة وانا دايما بقعد افكر و اقول يا رب انا لو هاجي اتقدم لواحدة لو لقيت ان احنا بداية كلامنا على ماديات انا هاعرف ان انا مش داخل البيت اللي انا عايز اخشه مش ها judge البيت
- اوكي
- بس مش ده اللي انا عايزه
- اتفق
- يعني انا مش حاسس ان الماديات، اصل انا طالما دخلت البيت يعني احنا عارفين بعض، عارفين التكافؤ المادي والاجتماعي والدنيا ماشية ازاي وانتي عارفة انا بشتغل ايه وخلاص ال basics تمام
- بس اقولك حاجة، دخلة البيت positioning مختلف تماما قعدة ام العريس بتكلم بقى على الارض اللي انا بقوله ده
- على الملعب
- واللي انت بتقوله ده كلام نظريا لطيف عمليا احنا هدف قعدتنا انا وانت في الصالة ان احنا نحاول نوصل للي المفروض نوصله .. اللي بنقوله ده بس على الارض بقى
- Ugly truth
- هي قعدة ال ugly truth thank you ... قعدة ام العريس في بيت العروسة هي قعدة positioning انت بتشوف انت رايح فين، نمرة واحد ترتضيه، نمرة اتنين تستعد له عشان الزيارة الثالثة
- الثالثة؟
- اه
- اوكي
- هانيجي اهه للزيارات بس لازم نعدي على التانية الاول
- احنا عندنا ..
- اه ما انا بقولك
- انت كنت هاتskip واحدة كده
- لا مش هاskip لا ده teaser بس
- اه
- الزيارة التانية هي رد الزيارة .. ان ابو العريس وهو ماشي من الزيارة الاولى بيشكر
- الاسبوع الجي عندنا
- ويوجه الدعوة الجمعة اللي جاية اللي بعدها
- لازم الجمعة اللي بعدها
- يعني لو طول عن اسبوع ومدعاش في ساعتها يبقى متردد وهايفكر
- لو شكر بس وهو نازل ده بيشكر بس
- مع السلامة انت
- احنا معجبناهوش فهو وهو قايم لازم يقول لأبو العريس منتظرين حضرتك والاسرة الكريمة فبيتنا الجمعة الجاية
- اممم
- دي الزيارة التانية
- حلو
- اول دخلة بقى لأهل العروسة في بيت العريس
- الدلع كله ده
- اه
- ده الدلع ده ال positioning الصح بقى
- الماضي بقى
- اه .. امجاد الجدود .. انا عم ابويا كان وكيل وزارة في المالية وخالي .. اه دي دي بيقعدوا يتباهو فيها بأمجاد ..
- يعني انا عن تجربة يعني عن اللي بشوفه حتى .. هي دي بتبقى تباهي بس احنا بنقعد مبنتكلمش على نفسنا احنا مش مهم دلوقتي .. انا نسبي مين وانت نسبك مين واحنا نسب مين اللي هايخش في نسب مين
- اه
- انا انا القعدة دي بتبقى انت بقى بتبقى انت قاعد كشاب نفسك تتجوز وكواحدة عروسة نفسها تتجوز مش فاهمة ايه اللي بيعملوه مش فاهمة مين الناس دي اصلا
- يعني الناس دي انت عمرك ما شفتهم في حياتك هما بيظهروا في المواقف دي وبيختفوا بعديها
- اه اللي بيتحكي عنهم دول
- اه اه امجاد مجيدة بقى وانا كان جدي كان يقعد كده وكان مش عارف مين يعدي قدامه يقف لما يشوفه حاجات غريبة كده مش بتاعة القعدة مش مفهومة ليه
- محاولة لأن كل عيلة تبهر العيلة الثانية
- بالظبط احنا ..
- ما انت جيتلي audit الاسبوع اللي فات
- اه انت صحيح انت صح
- ما هي ping pong
- هي positioning
- الserve الجامد لازم يترد
- تحسها كده متبطنة بأنتم عارفين انتم بتجوزين مين
- اممم
- صح؟ احنا هانتشتم في الحلقة انا خايف قوي بصراحة
- لا خالص
- بص هي ال ugly truth
- هاقولك حاجة .. اكتر حاجة في الدنيا شفتها مبتفيدش الناس هي التنظير .. ان انا انزل بالكتاب بيقول ايه
- احنا خلينا نقول ان انا وانت حريصين نقول الناس بتعمل ايه
- الحقيقة ايه
- ايوه
- لأنه لما بنقول الحقيقة ايه بنقدر اوتوماتيك نوصل للي الكتاب قاله من غير ما نفرك
- يعني انا معاك جدا في الموضوع ده
- كشف الحقيقة دايما هو اول خطوة في اننا نبدأ نغير .. انا مش برفض الحاجات دي
- واصعب خطوة
- الزيارة الثالثة، زيارة العريس واهله لبيت العروسة للاتفاق .. قعدة الأتفاقات
- الصفقة
- الصفقة
- دي اسمها الصفقة
- دي اللي بتوقف 90% يعني ممكن .. بحب ارمي ارقام قوي عشان مهندس بيصدقوني .. توقف 88% من الجوازات
- بس هي صفقة مش بيعة .. هي صفقة
- هانقول الحقيقة المرة ولا هانقول كلام تليفزيون؟
- لا خلينا في الحقيقة المرة وقول اللي انت شايفه
- لا هي بتقلب بيعة .. في معظم الحالات في مجتمعنا الجميل بتقلب بيعة
- بتقلب بيعة ودايما هاتلاقي طرف بيقولك انت بتقول ايه .. انت اندفاعي و و بيهجم عليك
- معلش انا كشاب دلوقتي مش الدين بيقول حاجة؟ نلتزم بالدين .. انا شفت جوازات بتقف على ركنة .. شفت جوازات .. والله العظيم شفت جوازة كانوا عايزين يمضوا الولد على شيك ويشيلوه في الخزنة
- طيب بس بعيدا عن ال extremes دي خلينا نتكلم
- مش extremes .. القايمة extreme؟
- لأ
- موجودة في مجتمعنا؟
- موجودة
- انت ايه رأيك فيها؟ ماهو مش كل حاجة انا اللي هاطلع فيها وحش معلش .. قوللي رأيك فيها
- بص لكاميرتك وقوللي رأيك في القايمة انت شايف ايه؟
- بص اقدر جدا اقولك دلوقتي مختلف مع القايمة ومن يؤتمن على العرض لا يسأل عن المال و أخد دور البطولة .. اوكي
- بس اقدر اقولك كمان انه مش كل الذكور بقوا رجالة
- متجوزهاش بقى
- وللاسف الشديد للاسف الشديد احيانا بنتمم جوازات و دي الغلطة و انا لسه مش متطمن للشخص
- خليني اسألك سؤال
- يعني مش كل اللي كتب قايمة كاتب قايمة عشان يحبسه
- خليني اسألك سؤال
- احيانا بيبقى ابو البنت يا وليد هو بجد ميقدرش يعملها ده تاني اللي صرفه النهاردة ده شقى عمره اللي جوزها بيه ما احنا بقى لو قولنا نرجع للدين فكل حاجة عليك
- احنا هانتخانق هنا
- نرجع للدين؟
- هانتخانق هنا
- كل حاجة عليك
- موافق
- تجيب شنطة هدومها وتيجي
- موافق بس مجيبش
- حسب امكانياتك طبعا عشان برضو اوزن الكلام
- و معلش حاجة تانية حضرتك قلت مش كل من هو ذكر رجل
- اه
- هل شيك ممضي ولا ورقة بشوية موبيليا هاتعمل من الذكر راجل؟
- لأ
- طيب يبقى من الاول متجوزهاش لذكر جوزها لراجل لكن متقوليش ان الورقة دي هاتدي اضافة فأي سكة من السكك
- بيتقال اه عشان تضمن حق البنت لو حصل حالة طلاق .. لو انت خايف من حق البنت لو حصل حالة طلاق .. امشي بالدين خلي الراجل يجيب كل حاجة على قد امكانياته
- على قد امكانياته
- او .. اشتغل بالمعقول مش لازم اول ما تخش دخلتها البيت تبقى صارفلك مليون جنيه لازم نجيب .. ده فيه ناس اصلا بتشتري اوضة العيل وهما لسه بيتخطبوا
- وال 38 فوطة
- اه
- يعني انا نفسي اعرف هو بيمسح وشه كام مرة في اليوم
- 38 فوطة
- او ايا كان يعني بيمسح ايه ليه 38 برضو
- بالظبط .. يعني رقم مش ..
- ففكرة ..
- واتنين deep freezer
- انا انا ضد جدا ان انا كراجل اخش بيت و انا ممسوك عليا ورق .. هو ده .. حتى by time ممكن النفس البشرية ضعيفة ممكن ده يبقى فعلا اللي مسكتك
- بص .. يعني هاخرج من الخناقة دي .. لأن انا بتخانق نيابة عن الرأي المعاكس مش رأيي بمنتهى الامانة وهاقول رأي
- انا مشكلتي مع اتفاقات الجواز ان انا بقيت بشوفها اتفاقات تأمين الطلاق مش اتفاقات اتمام الجواز
- اه الهدم
- احنا بنتفق على كل حاجة تأمن مشهد الخروج
- بالظبط
- مش تسهل دخولنا البيت
- معاك جدا
- و المشكلة التانية مش في اللي بنتفق عليه في اللي مبنتفقش عليه و ده يرجعني لنسب الطلاق اللي جبنا سيرتها في الاول
- طبعا
- احنا بنتفق على كل ما هو مادي في اتمام الجواز بس نصيحة لوجه الله بعيدا عن اي تنظير قولوا لولادكم يقعدوا مع بعض يتفقوا هايمشوا بيتهم ازاي
- بيحتاج نضج
- يعني ايه هايمشوا بيتهم ازاي؟
- بيحتاج نضج
- جدا
- وعدم النضج بيتحمل جزء كبير من مسئوليته الاهل .. احنا وعينا ابننا وبنتنا لكل حاجة في ما قبل الجواز
- مايمسكش ايدك .. متروحوش مش عارف فين لوحدكم
- احنا متفقين بس مش دي بس
- انا متفق جدا مع الكود الاخلاقي ده
- بس انا بقى محتاج الكود التاني بتاع اما ندخل بيتنا نعمل ايه، يعني اتكلموا في هاتصرفوا ازاي؟ هاتصرفوا قد ايه؟ مين له دور في انه يصرف ومين لا؟ هي هاتشتغل ولا لأ؟ واما تشتغل هاتشارك في المصاريف ولا لا؟ هاتعلموا ولادكم ازاي هاتدخلوهم مدارس ايه؟
- عايزين تخلفوا امتى اصلا؟
- عايزين تخلفوا امتى؟
- اصلا
- هاتخلفوا في اول سنة جواز ولا هاتستنوا؟ ولا هاتخلفوا اما توصلوا ل milestone معين مستنيين توصلوله؟ كل دي حاجات مبنتفقش عليها
- صح جدا .. بنتفق بقى
- بندخل نلاقي البيت ولع نار
- بنتفق امتى
- فانحتاج القايمة .. فنقول شفت بقى ان كان عندي حق لما كتبت قايمة
- لأ هو حضرتك امنت الطلاق و دون ان تشعر وصلتهم ليه او منصحتهمش النصيحة اللي تحميهم من الوصول ليه
- القايمة دي شئ مستفز، حضرتك قبل كده قبل الهواء قلتلي عل حاجة في القايمة حد قالهالك قبل كده اللي بتتكتب في القائمة لو قلبت ايه؟ معلش فكرني بيها
- اه اتفاقات الجواز
- اه
- حد قاللي مرة احنا اختلفنا ايه على العريس وايه على العروسة فأنا قلتله العرف .. الحاجات اللي لو قلبنا البيت متقعش كلها على العريس كل اللي لو قلبنا البيت تقع دي على العروسة عشان هاتعرف تاخده معاها وهي ماشية
- مأساه
- شفت احنا عاملين حساب ان احنا هانأيه؟
- وهي ماشية
- هانقلب البيت
- احنا هانقلب البييت ووهي ماشية هي هتاخد ايه معاها لما نقلبه
- انا نفسي يفضل معدول يا بيه يعني
- انا بصراحة انا شايف ان ان حتى العرف .. اه هاتشتم .. انا مع الدين، الدين قال ايه؟ نعمل اللي الدين قاله، قال مؤخر تمام، قال هان.. هان.. كل حاجة على الراجل يجيب على قد مقدرته .. لو انت عايزة تساعدي ساعدي بس مش هاتساعدي وتمضيني، انا شايف كده وشايف ان الدين جميل قوي والدين منظم، لو العرف غير الدين انا برجع للدين
- اه بص مفيش تصادم بين الاتنين بنتهى الامانة
- اممم
- يعني انا مش شايف ان فيه تصادم بين الاتنين بس انا شايف ان انا مع اي اتفاق هدفه تسهيل وتأمين الجواز
- البداية
- تسهيل اتمام الجواز وتأمين استمراره
- معاك
- بزعل من الاتفاقات اللي هدفها تأمين الخروج
- اه صح جدا
- وحتى لو قلنا ان تأمين الخروج ده شئ مطلوب بس في النهاية في حاجات تانية كمان المفروض نتفق عليها
- معاك جدا معاك جدا
- بس برضو ارجع و اقولك لو هانقفلها .. لأ .. انا معظم الفكر العام ان هي بتبقى بيعة، مش .. مش قعدة حلوة
- اممم
- و و و عامة الفلوس اللي بتخسر الناس بعض في معظم الاحيان يقولك لو اخوك متشاركوش لو حد صاحبك قوي متشاركوش
- الفلوس والكلام الكتير على الفلوس بيعكس اللي جوا النفس وبيعكس انت شايف ايه بعدين وبيعكس حاجات .. وفكرة ان انا و انا داخل انت مخونني على شوية عفش وبتاع متجوزنيش .. يعني لو انت حاطط ده متجوزهالوش
- هاتقوللي انت ممكن دلوقتي تبقى كويس وبعد الجواز تحصل مشكلة كبيرة فيحصل كذا، انت لو واخد معدنه كويس مش هايبقى اذا خاصم فجر واذا ظلم وعمل ولو انت خايف كتبه مؤخر في المعقول برضو
- لكن كراجل .. انا كراجل مثلا ارفض جدا ان انا ابقى قاعد في بيت وممسوك عليا ورق كرامتي مش هاتسمحلي، ممسوك عليا ورق اكتر من امكانياتي اللي هو ده الهدف منه
- هي في اكتر من امكانياتي دي
- ده الهدف من الورق اصلا اننا اخليك تفكر بدل المرة الف
- يعني احنا لو قلنا بالدين فممكن يبقى مؤخر صداقها بالدين
- بالظبط
- معلش يعني .. ولو قلنا بالدين لو هي اللي ماشية "ردي عليه حديقته" يعني هنا فيه ال debate الديني هانسيبه للناس المتخصصين فيه
- بالظبط
- ولكن هارجع للحتة بتاعة امكانياته .. على قد امكانياته
- بالظبط
- يعني متتفقش اتفاق ..
- مش امكانيات اهله
- امكانياته هو
- ايوه مش امكانيات اهله
- منتفقش اتفاق يبيع كليته لو حب ينفذه في يوم من الايام
- كفاية الكلية اللي هاتتباع في الجواز عشان يعمل الفرح و ..
- بالظبط محتاج التانية يعيش بيها
- هاعيش بواحدة طيب سيبلي واحدة
- لا محتاج ثمن واحدة دي حقيقة علمية
- حتة .. بجد
- اه ممكن تاخد جزء من التانية
- في نفس الوقت برضو توقعات اهل العريس من اهل العروسة، معاينة ام العريس للرفايع و هي بتتنقل
- مش لازم 12 سيرفيس فضة .. مش لازم 48 كباية من كل شكل
- كلام صحيح
- مش لازم نقولهم مفارش الترابيزة فين
- متحف
- اه يعني
- متحف انت بتعمل متحف
- انا عايز اقولك لو ذكرنا المغالاه ال ugly truth فبجد المغالاه دي ping pong زي الزيارات كده
- Ping pong الطرفين بيغالوا
- جدا
- وبتضايق لما الاقي طرف بيعلق على المغالاه وهو بيمارسها في احسن صورها يعني
- انا بحس ان جيلنا دلوقتي بدأ يتحرر
- شوية اه
- من العادات والتقاليد بتاعة اللي هو انا اجيب ترابيزة تقعد خمسين سنة، ترابيزة جدي شوف اهي لسه
- الجيل اللي بعدنا يا وليد؟
- بقى شغال بال..
- يعني انا وانت جيل واحد
- اه
- الجيل اللي بعدنا بصراحة احسن مننا في الحدوتة دي
- جدا modern كده وبنجيب اي حاجة من اي حتة
- احنا قربنا من جيل الاهالي واحنا مش واخدين بالنا
- لأ متقولش انت انا مليش دعوة .. مليش دعوة
- مش هاقول سني على الهواء عشان الجملة بتاعتك دي هاسيبها تعدي safe
- سيبهالي الله يخليك ده اكل عيش
- 42:30 الزيارة الرابعة
- طيب الزيارة الرابعة بقى
- تقوللي مش الثالثة كانت الأتفاق اقولك الرابعة دي بقى
- ايه بقى
- زيارة العيلة بناخد العيلة كلها واحنا هانتفق من غير اهالينا ولا ايه؟
- ده ميكروباصات بتيجي دي
- اه
- اه صلة الرحم
- صلة الرحم ... بالظبط كده
- انت بتقابل فيها ناس من اهلك
- انت بتتعرف على عيلتك، انت مين؟ انت جيت امتى؟ تلاقي اه اه .. دي فيها ناس بتيجي من سفر
- اه
- ولاد الحاجة الفت، مين الفت انت متعرفش اصلا بس طلعت قريبتك وخالة عمة باباك
- مشهد محرج قوي فعلا، بتتعرف عليهم قدام اهل العروسة
- اه انت مبتبقاش عارف ده مين ولا ايه، انت بتدي بقى لباباك كود اللي هو قوللي ده لو تبعنا قوللي
- اه
- عشان نبقى الشكل العام
- و احيانا بتبقى على الديق على فكرة
- على الديق ازاي بقى
- بما اننا في الصالة
- مش في استاد
- اه مش هناخد قاعة
- لو الصالة ديقة او الناس ديقة ومش عايزة تجيب ناس كتير بييجي المرضي عنهم من الاعمام والاخوال
- اه دي اللي بعديها بتحصل خناقة بقى بتاعة هو احنا مش قد المقام؟ انت جبت ده ومجبتناش دي بتبقى لازم مشاكل فيها اه ايوه
- انت عارف انا عديت على المراحل كلها وفي الزيارات اتكلمت عنهم زيارة زيارة ليه يا وليد؟
- ليه؟
- عشان البروتوكول، الكود المجتمعي لأتمام الجواز فيه كل حاجة لطيفة، وانا من الناس اللي بتحب ثقافتنا مش بتتحفظ عليها
- يعني انا مش rebellious مش ثائر على الثقافة وعايز انسفها ونبقى casual ونطلع على المأذون سوا لا خالص بالعكس انا قديم في الحدوتة دي
- ولكن البروتوكولات فيها كل حاجة الا الحاجات اللي بتفرق بجد عشان كده كنت حريص نعدي مع بعض مرحلة مرحلة
- صح
- ونقول ايه بيتعمل ونقول كمان ايه احنا شايفينه والمفروض يتعمل ... طيب
- الخطوبة؟ سؤال دارج جدا مدة الخطوبة المثالية من وجهة نظرك قد ايه؟
- بص انا مش هاقدر اقول بغض النظر عن قيمنا وعاداتنا وبتاع انا بحس ان الخطوبة دي معمولة عشان الاهالي يتعرفوا على بعض
- اوكي
- يعني انا لما هاجي اخطب هاخطب بقى اللي هو خلاص احنا عرفنا بعض فأهلنا يعرفوا بعض واحنا بنعرف برضو بعض طبعا
- صح
- بس هي بتتعمل للاهالي هل ده هايبقى مناسب لده ولا لأ؟ هل ده هاينفع يبقى خال ولادي هل دي هاتنفع تبقى جدة ولادي هل انا هارتاح في .. فبتاخد بقى .. انت شايف ايه؟ يعني انا الخطوبة كانت زمان بتاخد سنة انا معنديش اي مشكلة تاخد اكتر بصراحة
- انا عندي مشكلة مع فكرة الكتالوج، العلاقات الانسانية مالهاش كتالوج، يعني الناس تقولك .. مدة الخطوبة متقلش عن ستة شهور ومتزيدش عن سنة
- اه ده بيخش انت ..
- السن المثالي اقسم عمرك على اتنين زود عشر سنين
- ايه ده؟ ده ايه ده؟
- ده بحث عمله هو وخمسة اصحابه على القهوة .. دارج جدا .. انت عندك كام؟ ثلاثين سنة .. اقسم على اثنين خمستاشر زود عشرة اخطب واحدة عندها خمسة وعشرين
- الخطوبة متقلش متقلش عن ستة شهور متزيدش عن سنة .. والله بتكلم بجد .. انا ضد الكتالوج .. العلاقات الانسانية مالهاش كتالوج
- صح
- Stereotypes قولبة العلاقات يعني محاولة فاشلة على مر العصور ودايما بقول كده
- طبعا طبعا
- ولكن لو بنسأل عن مدة فأنا الاهم من مدة الخطوبة مدة الصراحة وقت الخطوبة
- 100% معاك
- سنة من التجمل مش هاتعرفكم عن بعض حاجة
- بالظبط
- ساعة من الصراحة ..
- تجيب اللي جواك كله
- هاتعرفكم كتير قوي عن بعض
- انا معاك جدا
- فلو صرحاء .. متفرقليش المدة
- وبعدين شكل الخطوبة كمان
- يوم او سنة لو مش صرحاء مهما طولت ده مش هايطمن ..
- اه شكل الخطوبة
- شكل الخطوبة مهم جدا هل احنا مخطوبين عشان لما نيجي نخرج بس يبقى تمام ولا عشان نلبس الدبلة ونتصور سوا وصورنا تنزل .. فيه ناس بتتخطب عشان حاجات تافهة جدا .. عشان اقدر انزل صوري معاك .. عشان الناس تعرف .. عشان بنت خالتي تعرف .. عشان زمايلها في الشغل يعرفوا ان هي خلاص taken .. مش عشان انا هاعرفك
- انت صح
- صح؟
- بس مبحبش استهتر بالحاجات اللي نفسيا بتفرق مع البني ادم
- وليه نفسيا يفرق حاجة زي كده
- مع البنت؟
- لأ مع الولد
- لأ انا بتكلم بقى مع البنت اللي نزلت الصور ومع الولد اللي قال انا مرتبط .. اه تفرق معاهم نفسيا
- ومبستهترش بالحاجات دي علافكرة، هي الحاجات دي البسيطة دي هي ذكرياتهم على فكرة فيه صورة بتعلم جوا الاتنين اكتر من سنة
- والله انا ..
- وفيه لقطة الام نفسها تشوفها والبنت نفسها تشوفها .. مبقولش ان احنا نفضل نعمل اللقطات لغاية لما نبيع اللي قدامنا واللي ورانا ونخش البيت مش لاقيين ناكل .. مبقولش كده
- انت كده قلت ..
- ولكن ..
- انت كده من انصار الشكليات .. اللي هو احنا لازم نعمل فرح
- ماهو مش يا اه يا لأ.. مش يا بلاش شكليات .. لا مقولتش لازم نعمل فرح .. بس مش يا شكليات طول الوقت يا اما بساطة زيادة قوي ممكن تضيع .. بالذات على البنت ومصر أstress على البنت هنا لأن ده بيفرق مع البنات اكتر، لحظة نفسها تعيشها .. صورة ذهنية معينة نفسها فيها
- نفسها تشوفها
- نفسها تشوفها
- والله وجهة نظر تحترم بصراحة .. انا عملي جدا .. يعني انا بحكم شغلي كمهندس وبحكم كل حاجة سني .. معرفش انا عملي جدا .. يعني انا مبتفرقليش الرمزيات على قد ما بحب النتائج
- ومعظم الرجالة عمليين
- فأه لازم نحط البنت في الحسبان او لو انت عملي ومش قادر دور على واحدة شبهك
- مرة حد قاللي يعني يا دكتور يرضيك تبوظ الجوازة على فرق ثلاث ايام في حجز ال honey moon .. يعني هو كانوا حاجزين ليوم مش عارف 19 او ليوم 22 فهو عايز يخليها 19 لسبب بقى مادي، سبب ظروف مش فاكر
- ايا كان
- هل ده حجم مشكلة يبوظ جوازة
- قلتله ايه؟
- قلتله ان حجم المشكلة الحقيقية هو حجم تأثيرها على البني ادم، انا شفت بنت بتنتحر او بتحاول الانتحار عشان طلعت الثانية على الدفعة مش الاولى وهي طول السنة بتذاكر
- اممم
- وشفت بعد الشر على اي حد دفنت ولادها في حادثة في عربية واحدة وجاية تقوللي انا صابرة وساكتة يا دكتور بس عايزة افضفض معاك من غير ادوية
- اممم
- حجم المشكلة الحقيقي هو حجم تأثيرها على صاحب المشكلة
- عشان كده .. هي دي مشكلة؟ مشاكلك كلها تافهة
- بس انا هاسألك سؤال كدكتور نفسي
- انت مشفتش مشاكلي انا
- معلش يعني
- انا مبحبش الحاجات دي
- معلش يعني حضرتك شايف ان لو حد هايوقف جوازة عشان ثلاث ايام فرق ميعاد لأي سبب كان وبقى ده هو point ان احنا نتجوز ولا لأ هل شايف ان الطرفين بالنضج الكافي لفتح بيت للمشاكل اللي بعد كده؟ ونقول بقى حجم المشكلة .. اصل حجم المشكلة صغير فا بس تأثيره كبير، احنا كده بنفتح باب لأن احنا نطبطب على حاجات مش المفروض نطبطب عليها ونرفضها ونقول لأ، يا جماعة بلاش تفاهة
- لا بس عايز اقولك حاجة انا موافقك تماما، لأ مهماش بالنضج الكافي لو ده حصل بس دايما مش دي المشكلة دي القشة، عارف القشة التي قسمت ظهر البعير؟ دي القشة
- دي اللي جابت اللي فات كله
- دي اللأ نمرة 112 او الوعد نمرة 112 اللي هو منفذوش
- اه اللي هو وراها حاجات
- عارف هنا stop بقى
- تعالى بقى اللي فات كله
- فيقوم هو بقى ماسك بقى في اللي هي قالت عنده هنا stop ده عشان يطلعها تافهة
- وفي الاخر يبقى شكل العلاقة باظت عشان حاجة تافهة بينما هو في .. صح
- انا دايما بقول للناس لما رصيدك يخلص متشتمش اللي كنت بتكلمه اخر ثلاثين ثانية ، ارجع اشتم كل اللي كلمتهم بقى
- صح
- ما هو انت سحبت من رصيدك كبير
- حلوة قوي يا دكتور دي، حلوة قوي، صح جدا
- ولو رصيدنا عند بعض كبير بيعدي ده وبيعدي اكتر من ده
- صح .. صح
- طيب اختم بقى بسؤال ..
- انا مش عايز اختم انا مبسوط
- والله وانا نفس الحاجة احنا ممكن نفضل قاعدين لبكرة انا وانت
- انا قاعد مش عايز اختم
- انا تمام قوي
- حبيبي منورني
- ممكن نكمل احنا في الصالة بعد التصوير
- اه بالظبط
- نقعد احنا مع بعض
- سؤال شخصي فضولي حبتين
- اتفضل
- لو لسه عايز تقعد معايا بعده
- لا انا اه
- ناوي كوليد تعمل فرح ولا هاتوفر القرشين للhoney moon؟
- بص .. اه ماهو الموضوع مش وليد الموضوع اللي مع وليد وده مش كلام مثالي يعني انا already عكيت عك السنين في الحلقة يعني مجاتش على دي اللي هاجملها
- مش عك ولا حاجة
- ولكن نفسي الاقي حد بيفكر زيي ان الفرح كماليات يعني .. زيادة عن اللزوم بالذات الافراح اللي بتحصل، نفسي الاقي حد منفسوش في فرح ولكن لو هي نفسها في الفرح وانا منفسيش في الفرح هانعمل اللي هي نفسها فيه لأن في الاخر انا مش جايب حد استعبده يعني .. هو قرار مشترك
- اوكي
- فأنا كوليد .. انا قلتلك انا عملي جدا
- اه
- انا نفسي بدل الفرح وبدل ان انا اوفر الفلوس لhoney moon كمان انا لو عليا انا عايز لأ انا عايز لما هاترجع اجيبلها احسن حاجة في الدنيا بالفلوس بتاعة الاثنين، انا عملي انا عملي مليش في جو ال symbolism بقى والحاجات الرمزية انا مليش فيها
- لكن لو هي عايزة يتعمل، مفيش حاجة اسمها هي عايزاه متتعملش عشان انا مش عايزها .. فيه نقاش من غير تسلط واللي نوصله .. نوصله "نون" نوصله
- اوكي .. وممكن نطلع الhoney moon بالنقطة
- ده كده كده ... مش هادفع جنيه في honey moon فيه ايه؟ ايه يا دكتور متصغرناش
- ايوه
- الكراسة الصفراء موجودة
- خلاص حطيت الكلام
- حلو قوي
- وليد نورتني .. وشرفتني
- ده منور بيك والله العظيم .. من احلى القعدات اللي قعدتها حقيقي والله
- حبيبي ربنا يخليك ودائما كده متجمعين كلنا مع بعض في الصالة
- ان شاء الله بس اوعدني بقى ان انا هاجي تاني السيزون اللي ...
- تنورني
- حبيبي والله
- يعني انا اللي هاخد الوعد ده
- خلاص ان شاء الله ده كده كده ان شاء الله يشرفني جدا