Kitab Charcha
किताब चर्चामा स्वागत छ!
उकालो अभियानले सञ्चालनको दोस्रो वर्षमा आफ्नो माध्यमलाई फराकिलो बनाउने ध्येयसहित नागरिक छलफल र बहसलाई स्थान दिन आफै तथा दोस्रो निकायसँगको सहकार्यमा विभिन्न 'अडियो प्रोजेक्ट' ल्याएको छ। यस्तै प्रोजेक्ट अन्तर्गतको कार्यक्रम 'किताब चर्चा'मा सञ्चालक हरि शर्माले वषौँदेखि अध्ययन गरेका पुस्तकमाथि विचार विमर्श गर्नेछन्, केही समकालीन तथा 'क्लासिक' किताबबारे चर्चा हुनेछ। ती किताब समाजशास्त्र, अर्थशास्त्र र राजनीतिसँग सम्बन्धित हुनेछन्। यद्यपि, यस कार्यक्रमले कुनै पनि किताबको व्यावसायिक प्रवर्द्धन अथवा समीक्षाको उद्देश्य राख्दैन।
------------------------------------------------------------------------------------------------------------------
Welcome to Kitab Charcha!
In a bid to diversify its stream of operations, and to contribute to civic space discussions/dialogues, Ukaalo Abhiyan, in its second year, launched and collaborated on various audio projects.
On Kitab Charcha host Hari Sharma discusses books on various social issues that he has read over the course of several years. Some of the books are contemporary, and others are classics. The show is neither promoting those books for commercial purpose nor reviewing the contents. Sharma uses the books to provide contexts as he discusses ideas from sociology to economics to political science.
Kitab Charcha
LUDWIG F. STILLER: THE SILENT CRY
आजको अंकमा हरि शर्मा लुडविग एफ स्टिलर एसजेद्वारा लिखित 'The Silent Cry: The People of Nepal 1816-1839' पुस्तकको चर्चा गर्दै हुनुहुन्छ। यस पुस्तकले १८१५ डिसेम्बर को सुगौली सन्धिपछि १८१६ देखि १८३९ सम्मको नेपालको सामाजिक, राजनीतिक, र सांस्कृतिक परिवर्तनहरूको गहिरो विश्लेषण प्रस्तुत गर्दछ। सुगौली सन्धीपछि देशले भोगेका चुनौतीहरू र जनजीवनमा परेको प्रभावलाई पुस्तकले जीवन्त रूपमा उजागर गरेको छ।
स्टिलरले नेपालका जनताको मौन संघर्ष, सामाजिक असमानता र राजनीतिक अस्थिरतालाई चित्रण गर्दै सत्ताको केन्द्रीकरण तथा बाह्य शक्तिको प्रभावलाई पुस्तकको केन्द्रमा राखेका छन्। यो पुस्तक इतिहासप्रेमीहरूका लागि मात्र नभई, समाजका विभिन्न तहहरूको पीडा र प्रतिरोधलाई बुझ्न चाहने सबैका लागि महत्त्वपूर्ण दस्तावेज हो।