Life in Christ الحياة في المسيح's Podcast

جرانيت مع كريم انيس | حلقة 83: المفهوم الحقيقي للثالوث

• Life in Christ الحياة في المسيح • Season 4 • Episode 12

Share episode

Send us a text

اكبر غلط بنقع فيه و احنا بنتكلم على الآب و الإبن و الروح القدس اننا لما بنتكلم عنهم بنتكلم كأن في حد اكبر من حد يعني الآب ده الكبير و الابن اصغر شوية و الروح القدس اصغر.. و دي فكرة غلط جداً و كانت بدعة ظهرت زمان
لكن المسيح نفسه اعلن ده و قال " انا و الآب واحد" .. الله استخدم المصطلحات دي علشان يبسط لينا الفكرة و نقدر نفهمها لكن مش معناه انها تُعبر عن المفهوم البشري للآب و الابن. 
الثالوث متحد و متنوع يعمل معاً .. مشهد معمودية يسوع اثبت فكرة الثالوث 
( الإبن يعتمد، و الآب يقول هذا هو ابني الحبيب، و الروح القدس يستقر عليه في صورة حمامة) 

إدراكي لمفهوم الثالوث و عمله هيفرق جداً في حياتي و في علاقتي بالله و هدرك إزاي علاقتي بالله بتشكلني.
- في علاقتك بالله محتاج تشوف الثلاثة
* بتشوف المسيح المخلص اللي اتصلب على الصليب علشانك
* عمل صليب المسيح بيتمم خطة الفداء اللي الله عملها.
(في الحلقة كذا مثال على عمل الثالوث المتحد منذ البدء و الخليقة)

مثال: في الصليب 👇
عدل الله الآب بيتحقق حيث انه لابد ان يدين خطية الانسان لأن " اجرة الخطية موت" .. من خلال عمل الابن اللي قدم حياته لأجلي على الصليب
و هذا العمل بيكتمل بالتجديد اللي بيعمله فينا الروح القدس بعمله فينا و سكناه فينا و انه ينقلنا من الموت للحياة عن طريق اتحادنا بالمسيح (مع المسيح موتنا و سيقيمنا معه و يقدسنا و يجلسنا معه في السماويات)

لو عايز تعرف اكتر عن علاقتنا بالثالوث ودور كل من الآب و الابن و الروح القدس وتأثيره في حياتنا كمل الحلقة للآخر و شاركنا رأيك و اسئلتك 🙂


اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /