Tvær á floti
Tvær á floti er hlaðvarp fyrir konur yfir þrítugt sem halda mörgum boltum á lofti en vilja gefa sér meira rými og tíma til að rækta sjálfa sig, finna jafnvægi og njóta lífsins.
Í hlaðvarpinu taka þáttastjórnendur samtalið á opinskáan og einlægan hátt og deila eigin reynslusögum. Í framhaldi verður leitað til sérfræðinga þar sem kafað verður dýpra í það sem skiptir máli. Markmiðið er að hlustendur fái innblástur, hvatningu og verkfæri til að fljóta í gegnum lífið.
Instagram: @tvaerafloti
TikTok: @tvaerafloti
Tvær á floti
S01 E07 - Sara Páls Frelsi frá kvíða
Í þessum þætti fá Fanney og Sara til sín Söru Pálsdóttir, dáleiðara og leiðbeinanda í núvitund sem sérhæfir sig í kvíða og streitu – bæði í eigin lífi og í starfi. Hún heldur námskeiðið „Frelsi frá kvíða“ og deilir með okkur aðferðum sem hún hefur notað til að hjálpa fólki að losna við kvíða.
Í seinasta þætti deildum við okkar persónulegu reynslu af kvíða, en nú förum við dýpra ofan í fræðin: Hvað er kvíði í raun? Hver er munurinn á streitu og kvíða? Og hvenær verður kvíði eitthvað sem við þurfum virkilega að bregðast við?
Við ræðum líkamleg einkenni, áhrif samfélagsmiðla og hvernig við getum byggt upp styrk með núvitund, hreyfingu og tengslum.
Fróðlegt og persónulegt, fyrir alla sem vilja skilja kvíða betur.
