Luttig se Lens
Welkom by Luttig se Lens, ’n Afrikaanse podsending waar ons aktuele sake bespreek, saam reflekteer, en probeer sinmaak van die menslike toestand en ingesteldheid.
My naam is Daniël Luttig, en ek is ’n Kliniese Sielkundige in die Noordelike voorstede van die Kaap. Elke episode gesels ek met ’n gas oor ’n kwessie wat vir my interessant is, wat alledaags in ons samelewing voorkom, maar wat ook daadwerklik ‘n impak op mense se lewens kan maak. Saam bespreek ons die onderwerp en probeer maniere vind om ons gedagtes te ontwikkel en te navigeer.
**Vrywaring: Hierdie podsending is slegs vir inligtingsdoeleindes. Dit is nie mediese advies nie en geen dokter/kliënt-verhouding word gevorm nie. Die gebruik van die inligting is op eie risiko.
Luttig se Lens
Selfsorg: Wat bemoeilik dit?
Use Left/Right to seek, Home/End to jump to start or end. Hold shift to jump forward or backward.
Ons leef in ’n tyd waar almal oor selfsorg praat. Ons ken die taal. Ons ken die tegnieke. Rus. Grense. Balans. Tog bly stres hoog, uitbranding algemeen, en selfsorg iets wat ons uitstel, of meganies, sonder oortuiging probeer. So miskien is die werklike vraag nie "wat is selfsorg?" nie… maar eerder: "As ons almal weet wat om te doen wat maak dit so moeilik om dit werklik te beoefen?" In hierdie episode ondersoek ek saam met twee kliniese sielkundiges, Francois Liebenberg en Roslyn Jantjies, hoe die ritme van ons samelewing, tesame met ons innerlike konflik, daartoe lei dat ons nie meer teenwoordigheid met ons self skep en die vraag vra, “maar wat het ek nodig?" nie. Ek hoop jy luister lekker saam.
- 01:30 Erkenning van die paradoks
- 02:22 Selfsorg as 'n psigiese uitdaging
- 04:10 Analogie van die geyser
- 07:31 Selfsorg vs selfsug
- 09:12 Identiteit en selfwaarde
- 18:02 Innerlike selfsorg
- 23:20 Toestemming
- 24:36 Luister: "to-do" vs "to-be"
- 30:57 Nuuskierigheid vs selfkritiek
Dink en gesels graag saam met ons!
Hierdie podsending-episode is moontlik gemaak in samewerking met die Daniël Luttig Kliniese Sielkunde Inc.-praktyk (https://www.danielluttigpsychology.co.za/ & Instagram).
*Vrywaring: Hierdie podsending is slegs vir inligtingsdoeleindes. Dit is nie mediese advies nie en geen terapeutiese verhouding word gevorm nie. Die gebruik van die inligting is op eie risiko.
Volg ons op Instagram en gesels saam: https://www.instagram.com/luttig_se_lens/