阿軒講古 | 頂下郊拚，一場奠定艋舺與大稻埕格局的戰役。

紛至沓來的移民，與原鄉的鄉親們一同橫跨黑水溝渡台開墾、奮鬥，

為了爭奪利益好過活，港口、土地、田園等地盤成了他們廝殺的主因，

說起這頂下郊拚，雖然只是台灣三年一小反、五年一大亂中的其中一樁械鬥，

卻影響了往後臺北舊城區的格局與往後百年的興衰。

在什麼樣的時代背景才催生出了這場戰役？戰爭的過程多麼地殘酷，死亡人數有無記載？據說這也是一場艋舺龍山寺、清水巖祖師廟與霞海城隍廟之間的角力？

這些說不盡的故事都在本集的節目當中。

Transcript

今仔日欲來講的這層故事，可能會引起閣較濟人的共鳴，因為伊就發生佇咧咱將時臺灣的行政中心—臺北。我頭仔開始做講古的單元原仔興phut phut，按算欲共阮地方彼箍籬仔的歷史講予齊透，不而過臺灣這粒島嶼 逐跡的故事會用得講 攏準號做「萬底深坑」，臺北嘛相siang。雖然chhiann不時予人譬相，講號做「天龍國」，毋過這個所在的歷史若欲講落去到地，講甲了就愛thong bo三暝。

相信咱若對臺灣本土歷史小可較有認捌，就知影講臺灣人較早giah刀giah劍咧相phut相㣍是偌粗殘，叫小偌好的一聲喝欲拚就連鞭淒慘仔kiat，無kiat一個你死我活袂癮收煞就著矣。咱這馬原仔chhiann不時聽著人咧講：恁爸交你拚矣！北京話咧講的「械鬥」，咱臺灣人講的就較水氣 一聲來 就是拚。相拍相eh無打緊，甲若今仔日欲使性lak地，連鞭thoa規phiâng的過來。台灣人 senn seng重面子，所以人毋才咧nauh 輸人毋輸陣，輸陣就歹看面：那麼對臺灣頭到臺灣尾，逐跡都有庄仔頭相拚的紀錄，毋過今仔這層較特殊，號做頂下郊拚，發生佇咧清朝 淡水河的溪仔墘，艋舺這搭。誠濟人會來憢疑，這個郊是啥物貨汰會聽著--霧煞煞，其實郊就是商會的意思。台灣自從予清朝接收了後，兩岸之間的貿易、經濟的往來愈來愈熱，所以對福建啦 廣東過來的移民就蹛臺灣設立「kang業的公會」就是咱頭拄仔講的郊，這個制度引入臺灣，最主要兩個目的：第一、有kang業就gau蹊蹺，會產生糾紛，這個時陣就需要成立「郊」來對中央調解，。第二、欲予家己的利益聽好受著保障，所以咱就聽好舞清楚一點矣：郊是聯合kang一跡的生理人組成的組織。頂下郊拚原仔sio siang，先斡頭來講頂郊這爿，台北上頭起先來開墾是對大加蠟做開路鼓，大加納大概就是艋舺啦、大稻埕等等遮的生活範圍的舊地號名，差不多18世紀中央彼陣，閣較濟的泉州移民 船仔too o kho蹛淡水河的渡頭，一個上岸爾 開始佇溪仔墘khia khi。甲若講著上蓋頭先，遷去甲艋舺的移民，就是祖籍khia佇三邑 sam-ip（包括惠安、南安 kiau 晉江）這三個縣的泉州人。貿易的時代來矣，干焦靠穩做穡無通轉食，所以這phiang的 sam-ip人 拄著仔就會蹛艋舺的碼頭對外貿易（這個外當然就是對岸的福建交廣東），共咱台灣的茶米 kiau 稻米銷過，中藥交布料煞進口入來，尾仔這群的too oo順勢組成「頂郊」 in掌握的權力偌大neh，也聽好共你khio稅金，碼頭往來的商船也共你khio五%啦，公共事務啦參像造路、救災等等的 in佇地方攏有權發落、lak khoan。na moh這個頂郊的行政中心，若欲參詳代誌攏chiu蹛佗跡？就是咱非常熟識的艋舺龍山寺，艋舺龍山寺的由來咱愛講著1738年，台灣北部因為瘟疫湠開，死甲誠淒慘。所以蹛佇艋舺的三邑人為著欲求神明庇佑，就對對岸 泉州晉江的龍山寺割火 割觀音菩薩的香火來甲台灣 起這頂艋舺龍山寺，尾手這就變成in頂郊的行政中心矣。當然，艋舺龍山寺是三邑人起的，香火嘛是in請來的，交同安人欲汰有底代？所以，龍山寺所庇佑的範圍並無共同安人，也就是下郊人包括在內，你講按呢in會凝心抑袂？

甲若下郊，就是落尾手才移民甲艋舺的八甲庄這個所在 的泉州同安人，in的貿易對象就是廈門人，所以才共號做：廈郊。雙方的背景了解煞矣，咱就愛了解是按怎欲來相拚？敢講利益有去相khap著？抑是一個看袂拄仔好爾就開始人掠厝拆雞仔鳥仔踏死甲無半隻，一切攏是有原因的。咱拄才講著，頂郊的勢力遮大著，有軍隊閣會共人khio稅金，碼頭的資源交利益攏予in趁甲pá-iⁿ-iⁿ，所以拄著仔就會相罵啦、相嚷，總講一句就是彼陣仔這邊啊看彼邊 ge-siau，彼邊啊看這邊看甲厭落落，攏有小可仔不滿佇咧。但是衝突總有一工百面會暴發，1853年 這冬的時代背景無普通，正正就是âng-mn̂g 這個反清復明的組織佇福建的泉州漳州民變的時陣 台灣原仔受著袂少的擾亂，經濟、民心攏影響蓋濟，頂下郊之間的衝突愈來愈捷發生，頂郊人開始咧按算，照這個範勢，若無先共下郊壓落底、共嚇一下，恐驚仔in連鞭就欲拍來。啊好啊，這聲欲來拍阮原仔捙拚氣的，頂郊自按呢派地方的gau 人、生理人：黃龍安（原仔有土名 號做阿蘭仔）出馬做領袖，等甲庄lin總啊共啊三個家族仔：黃家 林家 吳家 攏允准先共下郊拍落的行動了後，艋舺龍山寺成做是作戰的指揮中心。冗早kiat予行，相拍才會贏，雙方自按呢開始拍甲東倒西歪，風聲講設佇艋舺的新莊縣府嘛予人放火燒甲無一塊完全。這個下郊嘛袂軟井neh 欲汰有可能在人淒慘仔拍 閣激予踮踮的？ In ê 領袖是號做林佑棗 原仔生理人，照理講嘛是喝水會堅凍的角色 。但是三邑人濟啊，清彩喊喝爾就規phîang的kap鬥陣矣，所以頭起先in ê 贏面大啦，有優勢。落尾手林佑藻感覺，實在是變無步矣，伊決定欲下重手，使出絕招，想欲共頂郊的三邑人壓落去淡水河底，好哩佳哉三邑人頭殼猛醒，無去予人牽龜落楠，too-oo退倒去甲龍山寺，討論看欲按怎拍才有譜。頂郊的三邑人攏蹛佇龍山寺、舊街交蕃薯市這搭，交對手同安人蹛的所在-八甲莊，拄仔隔一頂安溪人起的祖師廟chah牢的（這頂廟就是咱尾仔的艋舺清水巖祖師廟）而且規的攏楠仔地、窟仔地，講實在的誠歹拍，所以in的頭殼好就是好佇咧𠢕軁鑽，三邑人就去揣蹛佇遐的安溪人的頭人，白其祥，去共姑情 講啦：這頂祖師廟拄仔共阮交同安人chah牢的啦，敢會使小讓一下，這頂廟先燒燒的，好通好予阮攻入同安人的八甲莊，代誌若是收煞，我共你掛保證，會共恁重起。記錄頂懸是有寫以利純來共sîann，但是詳細是啥 無人知矣，毋管如何，白其祥雖然有一百萬的無辜，煞也毋情毋願的共答應落去，共廟裏奉祀的清水祖師soa出來，由在三邑人去舞弄。一個共祖師廟燒了爾，路開始通矣，黃龍安就順這個勢chhoa nia三邑人拍入去甲八甲庄，厝毋若用拆的 閣兼放火燒甲清氣噹噹，同安人煞毋知就腳底抹油一聲嘛旋去矣，故不而將來放棄碼頭的地盤，就目周金金看家己的土地按呢予人佔去矣。所以三邑人最後贏矣，艋舺這箍梨仔的地頭攏in咧發落矣，若按呢同安人欲走對佗跡去？同安人的領袖林佑棗，tooo chhoa-nia逐家逃去甲北邊猶閣無幾棟樓仔厝大稻埕，彼陣仔遮是公共的曝稻仔的大埕，阿就開始蹛遐khia起。甲若大稻埕誠出名的霞海城隍廟，內底奉祀的彼尊霞海城隍爺，就是1812年 百通的同安人對原鄉奉請過來，上頭起先就是chhai佇下郊的地頭 八甲庄，一個號做陳金絨的共起廟。1853年受著頂下郊拚的影響就著啦，這頂廟竟然嘛去予人燒去，遮的同安人蓋著急，家己的神明家己救，一聲嘛chông入去，共金身mooh予出來，逃難的過程就用aīnn的一路aīnn去甲大稻埕，暫時共chhai蹛陳金絨in後生：陳浩然

咧hoann的一間咧賣糕仔餅仔的店--lìn，尾手人同安人想講，啊一間店遮eh，無尊重神明，建議鄉親就寄付寡錢銀來起一頂大廟，過幾冬仔 1859年總算是起甲好勢，這就是霞海城隍廟的歷史，嘛是頂下郊拚所產生的產物。

鏡頭soa來甲三邑人這邊，雖然in共艋舺攏佔地為王矣，但是講話煞無影無一隻，當初時約束好的條件，講欲共艋舺祖師廟鬥重起，結果煞是一場空，安溪人的頭人白隆發是三催四請、khok khok講 三邑人才捐一對仔龍柱意思意思咧，我個人是感覺實在無意無思，白隆發嘛是凝甲，規勢倒來叫阮安溪人家己募款重起較有影。（其實這段歷史有一點蓋心適，根據考證了後乎，這對龍柱嘛毋是三邑人寄付的）三邑人雖然提著艋舺了，蓋樂暢，爽歪歪歪歪仔爽，不而過無偌久in就腫鵪矣 就get out 車糞斗，因為艋舺的溪仔墘沙仔愈thūn愈厚，船隻歹停歹靠，所以攏換走去靠蹛同安人的大稻埕遐，1860年淡水開港通商了後，大稻埕這聲真正衝甲掠袂牢，茶米交布賣甲sià-sià-kiò，規條街仔路興旺閣繁華，成做北台灣的商業中心，這都正跛一倒去khio著金雞母的。

甲若講著死偌濟人，線頂敢若揣無啥有，唯一會當確定的是，同安人逃難甲大稻埕，欲起霞海城隍廟的時陣，西邊 四十六坪 就是安插欲拜38個佇頂下郊拚當中過往的同安人。

歷史就是遮爾仔使人欽佩，啊有彼號啥物kiat贏人結果尾手顛倒稀微去的，啊有啥物拍輸 煞顛倒好額 做一鬥phenn予倒來，是講上蓋無辜的應該就是安溪人， 跋輸筊閣兼泡茶予人淋。總講一句，這層頂下郊拚毋是干焦雙方看袂拄仔好就相觸的，伊顯現出來的是台灣人kang hiong的情懷，年久月深為著爭土地交利益來互相怨冊，閣加上民變的事件一直發生，誠濟相拚的事件，官府嘛敢若交無in無底代，有一本冊號做看不見與看得見的台北，內底就寫著誠濟清朝政府的貧惰事蹟，佇一個頭人較贏過政府官員 空間的分配閣緊張的年代，佇一個由無kâng所在遷過來的移民所組成的社會，這層事件會爆發是料想會著的，好賣利運