EP13 仝鄉來做客 | 台語正音的必要性為何？台語俗讀音詞彙分享，咱因何愛注重？（頂集） ft. 篤加翔仔

這集不止歡喜邀請阮仝鄉，確實是兩港七股之聲來合流，交我誠峇 ê 翔仔來到節目現場！這集會邀請伊來，最主要嘛是因為這集 ê 內容會牽涉著阮兩个攏足要緊 ê 議題--彼就是台語的正音。

話欲箍去到正音交伊對咱起造主體性 ê 必要以及幫贊進前，定著愛討論一寡台灣話裡捷出現 ê 一寡念走縒去 ê 詞彙，甚至是受影響 ê 語法，這集阮就針對這部分來斟酌仔討論！

本集重點：

• 我對「無理解、不服」轉變甲智覺著原在 ê 讀音有影是交這馬有精差 ê 過程
• 少年輩無論佇語法、思路交詞彙攏受著中國話誠大影響，所以共咱 ê 語言對各層面練予好勢、點陳是語言復振 ê 要點
• 講正範 ê 讀音是好代，毋過唸「自然形成」ê 俗讀音嘛毋是歹代，啥物是「自然形成」ê 俗讀音？
• 既然有自然形成 ê，按呢就有「受著中國話影響」ê 走音現象交語法頂懸 ê 錯誤，是按怎咱愛去提防？
• 咱捷講重耽去 ê 讀音案例分享、討論
• 受著中國話思路影響 ê 詞彙案例分享、討論