Episode 21: “Chânjya Chei” gen Richard Gendall - “Moving House” by Richard Gendall

Chânjya Chei

(gen Richard Gendall, 

dhort “An Curnooack Hethow”, 

Teere ha Tavaz, 1993)

Radn  (1)

Ma Matthew An Gov trigys en Loundres deg bledhen abarth dh’y wreg, Chestin, ha’y dhew flogh, Peder ha Tamsin. E j’eth ena dhe lenel appoyntyans pecar’a descador en scol vrâs, ha’y wreg a gemeras whel en clâjy.  

Whath nag ew da ganjans bownans an cita. Mall ew ganjans mos tre dhe Gernow. Della, Matthew a whilas whel nowydh en Lannstefan. E j’eth dhe yntervû diw seythen alebma, ha hedhyw ev a gawas lether profya dhodho an appoyntyans. 

“Vadnama y gemeres, wheg oll?” ev a vednas ort y wreg. 

“An devîs ew da gena vy,” medh hei. “Dr’ew bres an flehes?”

“Pe le vadnama mos dhe’n scol?” a vednas Tamsin. 

“Gerowgh vy dhe weles,” medh y sîra, “nanj o whei üdnek bloodh, della, whei a wra mos dhe’n keth scol vela vy.” 

“Fatla ort Peder?” 

“Nanj ew Peder etek bloodh. Ma kemerys ganjo kens’ebmyn brâssa radn y examnyans, hag ev a vedn gara an scol ort pedn an termyn ma ha whilas whel dhe wil.”

Sport ha bownans an pow ha’n mor ew da gen Peder. 

“Gerowgh nei mos, tas!” medh e. 

“Drog ew genam kelly o howetha, mabm,” medh Tamsin. 

“Whei a wra scon tròvya ken cowetha, wheg oll,” emedh hy dama. 

Nanj o towlys gen Matthew dhe gemeres an whel. 

“Leowta!” medh e, “My a vedn y gemeres!”

Nessa seythen thera gool an hanter-termyn. Matthew a greias war an telefôn y genderow Androw era pescador en Logh. 

“Dewgh ha spendya nebes jòrneow barth dhe nei, chîl vian,” medh Androw, “ha whei whilas chei nowydh. Wolcom whei a vedh.”

Della, de Gwener òja scol, oll an düs a gramblas emann e’n carr, ha kerdhes dhe Logh lebma wrügans trigas pols bian abarth dhe’n kenderow anjei. 

Radn (2)

De Sül, Matthew An Gov ha’y düs a savas emann abres dhort aga gweliow, debry hânsel, ha marhoga terebo parth Lannstefan lebma wrügans gwil troen adro m’àljan’jei gweles nebes a’n pow na. 

Anjei a weles lies chei dhe wertha ha merkya henwyn an gonadoryon. Pols bian dhorth Lannwànek jei a dheuth bydn chei pur goth en ros ogas dhe awon ha pons. 

“Ogh, tas!” Tamsin a greias, “Ella nei perna hebma? Ma pras dhodho lebma ellama gwitha goon-helhy!”

“Ha my a ell peskecha e’n awon!” medh Peder. 

“Gortowgh an flehes!” medh an dhama. “Na ella nei examnya chei veth hedhyw, rag thew an Sülva ha nei a dal governa an dra gen an gonador kens.” 

“Ha’n chei ma a vedn costya môy es dr’ellama rei!” medh an sîra en wherthin. 

Òja nena jei a gemeras an fordh dhe Àlter Non. 

“Ass ew teg an dre ma!” medh an dhama. Mall o ganjans mos jei dhe’n eglòs teg, bes na àljan’jei gwil endella rag thera servis o mos rag. 

“An teller ma ew da gena vy ewedh,” medh Tamsin. “Mirowgh ort an awon teg!”

Matthew a dròviaz an fordh ewn tha Lannest, ha òj’hedna dhe Eglòs Kery, ha war an diwedh jei a dheuth tre dhe Lannstefan. 

“Martesen na àlja nei drei lowr rag perna chei en pow,” medh an sîra ahes. “Treven e’n drev thêns môy ras terweythyow.”

“P’ewa benag,” medh an dhama, “nei a wra dos obma avorow ha mos dhe weles an wonadoryon.”

Radn (3)

An düs An Gov j’eth tre dhe Lannstefan de Lün. Jei a venja examnya dew jei en henwejek. Kensa, jei j’eth dhe weles onan a’n cres an drev. Tho va brâs, gen rômys lowr, ha teg; whath, nag era dhodho bes lôwarth pur vian ha heb mar, thera va derevys poran war an stret. 

“Mar qwren nei perna an chei ma,” medh Peder en gwil mow, “nei a alja pur dha gortos en Loundres!”

“Nag eus teller veth dhebm dhe orra an carr,” medh an sîra. 

“My a vedn cawas pras m’alla vy gwitha goon-helhy,” medh Tamsin. 

“Ma an shoppys pur ogas!” medh an dhama, whansek. 

Òja ne

www.deskykernowekbew.com

Facebook-Group:

“Desky Kernôwek Bew”