Valentine's Day Special

Talk about love and sex. On La Famille Pòt, Dyak puts his foot in his mouth.

Transcript

February 13, 2026 - Transcript

N ape salye oditè radyo konpa yo aswè a. Nou rejwenn nou ansanm ankò semèn sa a.

Bienvenue a notre émission du Vendredi soir sur Radyo Konpa.

Ou branche sou emisyon Souvni On The Mike, ki kòmanse chak Vandredi at 7:30 du soir. 

M ape voye yon bèl salitasyon pou Aubry Blag ki fè emisyon sa a posib. Salut Aubry! Et osi yon bèl "Lonè Respè" a tout ekip Radyo a.  Chapo ba pou Radyo Konpa ki ap mete bèl pwogram deyò a pou ekout tout oditè nou yo. Mèsi a tout moun tou, e a tout oditè yo pou sipò nou. 

Tanpri kontinye sipòte radyo a, dekwa pou nou kapab kontinye pote bèl pwogramasyon pou ou.

Kounye a, w ape koute animatris pwogram sa a, Souvni

Jodi a se Vandredi trèz fevrier. Donk, demen se pral Fèt Sen Valentin.

N ape sezi moman sa pou voye yon gwo kout chapo pou tout amoure ak amourèz, ki pral fete jou Fèt Sent Valentin an ansanm demen. 

Jeneralman nou wè se jenn moun ki ap fè gwo zefò pou fete fèt Sen Valentin.

Mwen konn mande moun ki gen anpil tan depi yo ansanm, "Ki jan ou fete fèt Sen Valentin?"

Dabitid, yo konn reponn mwen, "Nou pa fè anyen espesyal, madanm nan konnen mwen renmen l. Mari an konnen ke m renmen l. M pa bezwen fèt Sen Valentin pou mwen di li sa".

Mes chers amis, nou konnen byen ke se pa nan jou fèt Sen Valentin an sèlman ke ou kite konjwen ou konnen ke w renmen l. Men, nou konnen ke jou fèt Sen Valentin an, li rezève, pou nou, omwens, konnekte nan yon fason emosyonèl, pou nou selebre afeksyon ke nou genyen youn pou lòt. E, pou nou selebre rezon ki fè ke nou ansanm.

Donk aswè a n ape salye Mr Valentin, yon bon zanmi ki chita avèk nou nan estidyo a kounye a.

Mèsi pou patisipasyon ou nan pwogram jodi a Mr Valentin. Et bienvenu ce soir a notre émission de radio.

Valentin - Mèsi Souvni. Mwen kontan patisipe avèk nou jodi a nan pwogram sa a. Mwen di bonswa a tout oditè ki ape koute aswè a.

Souvni - Nou genyen yon emisyon espesyal aswè a. Nou pral pale de fèt Sen Valentin. Nou pral pale de lanmou, e natirèlman nou pral pale de sèks.

Gen enpe nan pawòl nou pral di yo ki rezève pou granmoun sèlman. Donk si ou genyen timoun ki ap koute, nou ta mande w pou eskize yo. Voye yo nan chanm yo. Voye yo al fè komisyon. Oubyen, ou menm ki granmoun nan, ou kapab mete yon ekoutè nan zòrèy ou.

Valentin: Oubyen tou, ou kapab antre nan machin ou. Enpi al fè yon ti tounen ak machin nan pou trant minit pandan ke w ap koute radyo a.

Souvni: Sa se yon bon lide si ou pa gen okenn pwoblèm boule gaz machin ou.

Valentin: Wi, se byen sa. Gen moun ki pa konfòtab pou pale de fè lanmou.

Souvni: Men gendefwa lè ou mete yon sijè tankou, fè sèks, fè lanmou, oubyen, an bon kreyòl, konyen; lè nou mennen yon sijè konsa sou tab, sa kapab ede kraze malalèz, kraze lawont, oubyen prejije ki genyen nan sijè sa. Sa kapab menm ankouraje, oubyen pwomote yon koneksyon ki solid avèk konjwen ou. Epitou, si gen moun ki gen pwoblèm ak konplikasyon nan sijè sa a, ke yo te wont pale anvan, sa kapab ba yo kouraj, pou yo pale de sa ki anniye yo. 

Donk, nou pral pale onètman.  M espere, lè nou fin pale, si w te gen difikilte, konvèsasyon nou va pouse ou pou gen plis kontwòl sou lavi seksyèl ou. E konvèsasyon nou kapab ranfòse ou tou, pou chache entèvansyon si sa nesesè.

Valentin: Se vrè Souvni. Tout moun ap fè lanmou. Men lè gen konplikasyon, anpil nan yo pa chache èd. Anpil moun pito ale sou entènèt pou chache jwenn solisyon, oubyen, yo senpleman konsidere pwoblèm nan kòm yon bagay ki nòmal. Donk yo kenbe pwoblèm nan pou tèt yo.

Souvni: Wi Mr Valentin. Li toujou bon lè w ap travèse yon pwoblèm pou tande ke gen lòt moun ki gen menm pwoblèm nan tou. Konsa ou pa santi ou sèl. Donk, n ap bay oditè radyo an yon ti tan pou al mete timoun yo de kote, pandan ke n ape pran yon ti detant mizik. Ou branche sou Souvni On The Mike. N ape tounen talè konsa.

Music - Lanmou Se

Men nou retounen ankò zanmi. N ape pale de koze sèks.

Dapre rechèch ke mwen fè, lanmou fè yon gran pati nan lavi nou.

Gendefwa lanmou kapab fè sèks, ke ou genyen avèk yon moun, pi agreyab.

E gendefwa, fè sèks lan kapab kiltive e ogmante lanmou ke ou genyen pou yon moun. 

Valentin- Wi, kò an te fèt avèk anpil bezwen ki nesesè. Bezwen ki nesesè tankou manje, bwè, dòmi, lòjman, ak lè ke w ap respire. Si ou pa genyen bagay sa yo, ou ka mouri.  Men lanmou ak sèks se pa yon nesesite konsa. Wi, se vre, ke si ou pa fè sèks pou anpil tan, ou p ap mouri akoz de sa, w ap siviv.

Souvni - Men si ou gen pwoblèm nan lavi seksyèl ou, sante emosyonèl ou, sante mantal ou va definitivman afekte.

Valentin - Ki degre enpòtans ke sèks genyen nan lavi nou?

Souvni - Si nou antre nan sa lasyans di nan koze an, lè ou ap fè sèks, sa degaje òmon, n ap rele sa esans, olye de òmon. Sa degaje esans nan kò ou ki kapab amelyore yon bann seri de maladi, tankou anksyete ak doulè. Moun ki fè sèks regilyèman jwenn soulajman nan maladi tankou tansyon, tètfèmal, estrès, epi depresyon. 

Donk, menm jan ou bezwen pran swen lasante fizik ou, m pa bezwen di w kòman li enpòtan pou pran swen lasante mantal ou. 

E aktyèlman, se menm lasyans sa a ki di ou, si ou neglije lasante mantal ou, si pa egzanp, w ap viv nan yon depresyon tout tan, tout tan. Si ou demere nan yon mantalite estrès tout tan, ki pa janm sispann, sa vin degaje yon esans nan kò ou ke yo rele Katekolamin. Se esans sa a ki ap koule nan kò ou pou ede w konbat estrès lan.  Men si ou rete  nan mantalite estrès la tout tan, tout tan, pou yon peryòd pwolonje, e ou pa chache yon mwayen pou redui estrès la, kounye a esans lan, li vin sitèlman anpil nan kò ou, li vin debòde nan tout kò a, ke li kòmanse koze pwoblèm tankou, iminite ou vin fèb, li kapap ba ou maladi kè, ba ou kriz kadyak, ba ou atak konjesyon sèvo. Li kapab ba ou anksyete, depresyon, e pwoblèm dijesyon. 

Valentin - Wi se vre. Epi li kapab fè ou gen pwoblèm somèy, fè ou gen opresyon, fè ou pèdi pwa, ba ou pwoblèm memwa, avèk anpil fatig. Donk se sa yo vle di, lè yo di w konsa ke anpil estrès kapab koze maladi.

Souvni - Donk estrès se yon gwo lenmi lasante. E mank aktivite seksyèl kapab ogmante strès nan lavi ou, e afekte ou nan yon fason ki negatif. Sa kapab afekte ou emosyonèlman. Gen moun ki santi yo sèl. Pa gen yon moun ki la bò kote yo pou ba yo afeksyon. Si w ap viv nan yon sitiyasyon konsa pou anpil tan, sa kapab afekte w mantalmam. Ou kapab fè yon depresyon menm si ou pa rekonèt sa. 

Valentin - Bon, èske n ap pale de aktivite seksyèl sèlman?

Souvni - Non, nou p ap pale de aktivte seksyèl sèlman. Malgre nou pral rantre nan sa talè konsa. Men n ap pale senpleman de kontak fizik, kote, ou kapab senpleman chita avèk yon moun, ou kenbe men li, ou kapab kouche bò kote moun nan, li pase men l, oubyen pye l sou ou. Sa ba ou yon kontak fizik ki enpòtan.  N ap pale tou de entimite tankou lè ou anvlope moun nan pou anbrase li, oubyen menm bobo li menm. Menm si nou p ap fè sèks, kenbe moun nan. Si ou sou kabann, ou kouch bò kote moun nan, li pa vle w kenbe l. Ou mèt fè manti, di l konsa ou bezwen kenbe l pou pa sot tonbe sou kabann. Kalite entimite, ak kontak fizik sa yo, enpòtan pou sante mantal ou pwogrese. Gen moun ki ka eseye viv san kontak fizik sa.  Oubyen yo kapab fè tèt yo panse ke yo pa bezwen sa, men, to ou ta, y ap vin reyalize, nan ki mezi ke yo kapab evolye, menm si yo ta jwenn yon ti kras entimite.

Valentin - Lanmou fè viv. Sa se pa manti. Moun ki ansanm, si yo fache, èske yo ta dwe mete friksyon an de kote, pou yo fè yon ti lanmou, oubyen antre nan yon entimite, enpi retounen fache ankò?

Souvni - M panse ke si ou fache avèk yon moun, epi ou fè lanmou avèk li, sa ka byen radousi kè moun nan tou. Oubyen moun nan ta menm bliye fache a tou. Men gen de fache ki rèd. Si ou nan yon sitiyasyon kote w ap viv avèk yon moun ki rayi w, yon moun k ap bat ou, yon mou k ap desann ou, oubyen k ap fatige lespri ou,  

Valentin - oubyen si moun nan genyen move resantiman kont ou,

Souvni - M panse fè lanmou, nan kondisyon sa a, ka tounen yon fòm entimidasyon, oubyen, menm yon fòm dominayson. Bagay yo ka trè konplike lè sa a. Sèks, se yon aktivite ki ta dwe agreyab, apetisan, oubyen dous pase siwèl, jan yo di l lan. Men se pa toujou konsa.

Valentin - Wi Souvni, fè lamou se yon bon aktivite ki bay lajwa emosyonèl e womantik, ki bay bon ti detant. Men kòm sa pran de moun pou antann yo, pou arive a detant sa a, li pi bon toujou lè de moun sa yo akòde yo byen. Paske si de moun yo pa antann yo, sa ka menm twomatize youn ladan yo.

Souvni - Pa egzanp si konjwen an refize fè sèks avèk ou?

Valentin - N ap pale de plis pase si moun nan refize ou. Men wi, sa se youn ladan l tou, e si yon moun fache avèk ou, pa egzanp, li gen dwa di ke li p ap fè sèks avèk ou.

Souvni - Donk li vin itilize sèks lan, itilize l kòm yon zam pou pini ou. 

Valentin - Wi, m pa ta panse ke sa se yon bon bagay.

Souvni - M konn tande, pa egzanp, pou gason an dèfwa, lè se lè pou li fè sèks, depi li antre nan chanm nan, men kabann nan la, men fanm nan la, se tout sa li bezwen. Li pare. Li bande. Li kanpe dwat, prèt pou derape.

Men, pou fanm nan, dèfwa, se diferan.  Men kabann nan la, men mesye an la, enpi men pwoblèm fanm nan la sou kabann nan tou. Fanm nan pote pwoblèm li sou kabann nan tou, ki vin mete yon baryè, ant li men ak mesye a. Fòk mesye a ta travèse tout lanmè pwoblèm yo anvan li resi jwenn ak fanm nan sou kabann nan. Petèt, mesye a te vekse fanm nan yon fwa, epi sa toujou nan tèt fanm nan. Petèt asyèt yo nan lavabo a, yo poko lave, e fanm nan ap panse ak sa toujou. Petèt mesye a te pwomèt pou l te mete fatra yo deyò, e  fatra yo anndan toujou, epi madanm ap manse, machin fratra a pral pase byen bonè demen maten. Tout bagay sa yo sou kabann nan tou

Valentin- Fi an pote tout emosyon li sou kabann nan.

Souvni - Ou panse ke fanm nan dwe retire tout emosyon li, lè l ap fè sèks?

Valentin - oh non, m panse ke fanm nan ta ka benefisye pou kite emosyon sa yo deyò chanm nan, pou li kapab konsantre l, pou li pran yon bon ti detant. Nan pèspektif pa w, Souvni, lè w gen yon sitiyasyon konsa, kijan gason an ta dwe prepare fi an pou mete li nan menm nivo eksitasyon avèk li, pou yo fè lanmou?

Souvni - Gen de pwoblèm ki mande pou chita avèk yo espesyalis, dekwa pou antre nan kè pwoblèm nan. Si se pase, si misye an pare, li bande, e fi an dakò pou fè sèks ak misye a, m poko janm wè yon gason k ap derape yon machin, pou l mete pye li sou gaz la bridsoukou, pou kòmanse ak tout vitès. Gason ta dwe, toudabò, peze tout ti bouton nan kò machin nan, oubyen pase kle, bay machin nan tan pou gaz ak luil penetre nan tout ti kwen kò machin nan. Lè tout limyè yo anndan kò machin nan limen, ou mèt derape. Machin nan ap kouri dous malgre tout soukous.

Valentin - Gendefwa malgre tou de moun yon nan machin nan, yo prale menm kote a, gason an gen dwa rive anvan fi an.

Souvni - Sa rive. Konvansyon an, koutwazi a di, ke fanm nan rive anvan, men gendefwa ou pa ka evite sa.

Valentin - Gason te ka itilize dwèt li lè sa pou satisfè fanm nan, si sa ta rive.

Souvni - Nan pèspektif pa m, m panse si ou ta rive nan moman sa a, nan aktivite sèks la, kote mesye a gentan vini anvan, m pa ta panse ke se tan pou dwèt ankò. Tan dwèt la pase. M panse ke dwèt la se kòm yon aperitif ki ap anonse la venue du grand repas.

Valentin - Gen de moun ki renmen ke ou kòmanse avèk dwèt la pito. Ki pèspektif ou? Ki meyè fason ki pi bon pou mesye a ta itilize dwèt li?

Souvni - Genyen dè milye de fanm sou tè a, m pa ka pale pou tout. Men li enpòtan pou moun ki ap mete dwèt la fè zong li tou premyèman. E dezyèmman, fò li kominike a fi a, pou mande l, ki li sa li renmen, kisa li ta vle. E twazyèman, si fi a dakò kite gason an itilize dwèt li, gason an dwe konnen ke zòn ki pi sansyèl anndann foufoun fi a pa fon. Li tou pre a, nan antre foufoun nan. Ou pa bezwen fouye pi fon. Ou pa bezwen ale pi lwen pase sa. E si ou ta rive jwenn klitoris la, se sa w ap chache a. Konsantre sou sa dabò. E yon fwa fi an fin byen eksite, alò ou ka ale eksplore pi fon. Men toujou sonje retounen nan klitoris la. Se la tout sansyalite a ye.

Valentin - Gen fanm ki renmen lè gason a souse yo.

Souvni - Wi. Gen fanm ki renmen sa, gen fanm ki pa renmen li. Si yon fanm di w li pa renmen sa, pa fòse li. Pafwa si yon fanm di li pa renmen yon bagay, gason an kapab di, ebyen ou poko janm jwenn yon moun ki ka fè l byen tankou m. Donk sa vini yon konpetisyon. Pa fè sa. Gason an ap eseye enpresyone fanm nan, montre fanm nan sa li ka fè, olye pou l ta chache plezire fanm nan.  Lè w ap fè sèks, kominikasyon an se kle. Kwè m sou w vle, fanm nan konnen tèt li. Li konnen sa l renmen, ak sa l pa renmen. Li konnen sa li vle. E li konnen tou ki sa ki ka ba li yon ògasm, kisa ki ka fè li vini. Donk, gason pa ta dwe mete li nan plas fi a, pou l ap di fi a kisa ki bon pou li. Kite fi an dirije w pafwa nan ti moman sa.

Valenten - Depi se dirije l ap dirije w, depi se pa lòd l ap pase w., m pase sa kapab byen pase. Bon, e si fanm ki renmen pou gason souse li menm, pou gason an fè sèks oral sou li?

Souvni - Chak fanm diferan, sa ki mache pou yon moun, ka pa mache pou lòt la. Kominaksyon pandan ke w ap fè sèks oral pou fi a dwe trè enpòtan la.  Se yon aktivite ki ta dwe fèt etap pa etap, ou pa jis parèt pou kòmanse ap souse foufoun fi an. Fò w ta bati tansyon eta pa etap, kòmanse depi anwo rive jouk anba, pou reveye tout sansyalite fi a. Gen de fanm depi w manyen tete yo, yo pran dife. Se yon bon fason pou eksite fi a, dekwa pou li ka genyen bon ti ògasm. E ou menm Valentin, nan pèspektif pa ou, ki sa pou fanm nan ta dwe konnen lè l ap fè sèks oral pou gason an?

Valentin - Anpil gason renmen pou fi an souse pijon yo, paske li trè dous pou yo anpil. Men gen fi ki pa renmen fè li. 

Souvni - Wi, si gason an renmen sèks oral, epi fi an pa renmen fè li, yo ta dwe mete yon tan apa pou diskite sa ansanm. Petèt gen yon bagay mal ki te pase. Konsa yo kapab antre nan kè sitiyasyon an. Ankò kominikasyon an se kle.

Valentin - E sa mwen ta ajoute, nan pèspektif pa mwen, pa mòde gason an. Sa ka fè li mal. Enpi tou, dwe genyen bon ti gresaj. 

Souvni - Wi librikasyon enpòtan pou toulède moun yo. Ni moun k ap bay souse a, ni moun k ap resevwa souse a. Nou pral esplike sa pita lè nou retounen ankò.

Medam e mèsye, w ap koute emisyon Souvni on the Mike. Na p pran yon ti detant nap tounen talè konsa.

Souvni - Nou retounen ankò.  Nou genyen yon emisyon espesyal aswè a. Kòm mwen panse ke ou gentan tande sa. N ap pale de fèt Sen Valentin, epi sa fè nou ap pale de sèks tou. Genyen enpe nan pawòl ke n ap di yo ki rezève pou granmoun sèlman. Donk si ou genyen timoun ki ap koute, nou ta mande pou eskize timoun yo.  Nou genyen Mr Valentin avèk nou ki ap patisipe nan diskisyon an. Nou toujou apresye lè ou fè yon ti kout pye nan estidyo a, Mr Valentin. Mèsi anpil

Si ou ta renmen kontakte nou, oditè ki ape koute, ou kapab ale nan sit wèb mwen, SOUVNI.ORG. Ale sou bò goch ekran an, lè ou rive nan sit lan, epi klike sou ti bouton ble ki make poze kesyon ou la, epi mete imèl ou, soumèt kesyon ou, epi w ap jwenn repons. Pi ba goch anba ekran an, gen yon lyen ki make Souvni On The Mike. Si ou klike sou lyen sa a, ou va jwenn emisyon an pou telechaje, si ou ta renmen tande li ankò,

Wi Mesye Valentin, n ape kontinye konvèsasyon nou. Nou t ap pale de lè fanm nan ap fè sèks oral pou gason an.

Valentin - Wi, mwen t ap di pou fi a pa mòde gason an. E petèt detanzantan, pandan l ap souse pijon gason an, li ta fè yon ti voye je gade gason an tou. Gendefwa de moun yo kapab kominike byen konsa. 

Souvni - Wi sa pral depann de pozisyon kote fi a ye la a. Ou kapab voye ti zye pou gade gason an. Sa se nan ti jwèt lasisin ou tonbe la? Ti jwèt konsa kapab ogmante tansyon. Li kapab ogmante sansyalite sèks la tou. 

Valentin - Wi, gendefwa si moun nan pa voye je gade ou, ou pa konnen si li kontan ak si li fache.

Souvni - M pa ta ka imajine kote yon moun ap fè sèk oral pou gason an, enpi pou l ta fache.  Reyalite a sèke bouch fanm nan okipe. Si ou bezwen kominike avè l pandan ke la p souse pijon ou, se pou w pase men nan tèt li, manyen zòrèy li, petèt la reponn ou. 

Valentin - Wi mesye yo kapab lonje men yo, manyen plis pase sa.  

Souvni - Ou te mansyone gresaj oubyen librikasyon anvan sa. M ap ajoute yon bagay. Lè w ap souse pijon gason an, se kòm si se gason an ki ap resevwa tout plezi a. Men sa kapab agreyab pou fanm nan tou. Espesyalman si gen ase librikasyon. Gen bagay yo vann pou sa. Ou kapab jwenn gel ki fèt pou sèks oral la espesyalman. Se kòm yon jele ki koule dous. Li pa twò epè. Yo vann tout kalite gou, tout kalite koulè. Yo pa twò sikre, yo pa gen twòp kalori, donk ou ka vale li. Ou kapab bwè l. Sa ogmante sansyalite nan bouch moun nan anpil. Donk sèks oral la, ke w ap fè pou gason an, kapab vin trè sansyèl pou toude moun yo. 

Valenten - Wi gen moun ki konn mete pat dantifris sou pijon an.

Souvni - Pat dantifris lan ka mete bon gou nan bouch ou, men apre ke, ou fin niche tout pat la, pa genyen ki rete ankò, pijon moun nan ka toujou sèk. Epi m pa konn si se yon bon lide pou w ap vale tout pat sa yo.

Valentin - Gen moun ki konn itilize siwo. Yo mete l sou pijon an.

Souvni - Men siwo a ka salisan. Menm bagay la. Siwo a gen sik. L ap fè pijon an sèk tou. Donk ou kapab itilize sa ki gen pi bon gou pou ou a.

Valenten - Nou te vle pale tou de konplikasyon ki ka prezante pandan moun nan ap fè sèks la. Nou t ap pale de odè kò moun nan, espesyalman si moun ap swe.

Souvni - Depi moun nan benyen, odè kò moun nan natirèl. Si li swe, se yon bagay natirèl. Sèl bagay, nan pèspektif pa m, mwens cheve ke ou moun genyen sou kò a, sa vin ede swè ap pa trape twò lontan sou kò a.

Vaneten - Donk ou panse ke moun nan dwe raze tout cheve sou kò li?

souvni - M panse li ta bon pou ta kite yon ti kouch cheve toupiti nan mitan an, men arebò yo ta dwe raze, pou ou pa kenbe twòp swè

Valente - E moun ki benyen tout kò yo ak pafen an? 

Souvni - M panse deyodoran anba bra sifi. Si ou pral niche tout kò moun nan, m pa kwè ke ou vle niche pafen. Pafen se pwodui chimik li ye. Fè sèks se aktivite ki fizik anpil. Tout esans nan kò w ap travay a leksè, donk, tou sa ki soti sou po moun nan ap pi dous pase pafen an. 

Valentin - Mwen dakò sa tou, mwen pa ta renmen goute pafen an. Èske se yon bon lide pou mande fi a si l vini?

Souvni - Nan pèspektif pa m, m panse wi. Si gason an mande sa, sè paske li sousye li, li ta renmen konnen si fi an satisfè. Gen anpil fi ki pa vini, men yo di ke yo vini. E mwen pa kwè ke fanm nan ta dwe di li vini, si l pa vini. Paske, kounye a, konjwen li panse ke li satisfè, men li pa satisfè vre. Sa danjre paske kounye a w ap viv yon lavi san satisfaksyon. Epi sa kapab koze yon depresyon. Sa kapab koze yon deklen mantal ki pa gen solisyon.

Fi an ta dwe vini chak kou li fè sèks, e gen de pozisyon ki pemèt fi an jwenn ògasm, gen de pozisyon ki pèmèt li vini chak kou li fè sèks. 

Valentin - Wi souvni, genyen lòt konplikasyon ankò ke nou ta renmen mansyone.

Souvni - Wi, pou fanm ki gen difikilte vini, genyen terapi pou sa.

Genyen terapi tou, oubyen, entèvansyon pou gason ki gen pwoblèm, yo pa ka kanpe. Ouswa yo kanpe, men se petèt a 10%, a mwatye, oubyen a 80%. Epi, oubyen, yo ka kòmanse fè sèks, men yo pèdi bandisyon an, oubyen yo vini twò vit. Gen rezolisyon pou sa.

Genyen terapi tou pou moun ki gen pwoblèm pwostat ki anpeche yo jwenn bandisyon.

Gendefwa sa rive akoz de medikaman ke moun nan ap pran. Oubyen petèt moun nan ka nan tretman kimo oubyen tretman iminoterapi. Genyen solisyon pou sa

E gen moun ki panse tou, paske yo fin aje, se sa ki fè dezi seksyèl yo desann. Gen terapi pou sa.

Genyen fanm ki gen pwoblèm kote penetrasyon fè yo mal. Genyen terapi, gen entèvansyon pou sa.

E gendefwa gen de bagay ki pase antre moun yo ki fè moun nan pa gen okenn eksitasyon ankò. Genyen terapi pou sa.

Pa gen okenn nan pwoblèm sa yo ke mwen di la yo ki pa gen solisyon.

Donk, premye kote pou kòmanse se pale avèk doktè oubyen nurse practitioner ou. Chita avèk yo pou yo kapab trase yon plan pou ede w. Piga ou wont pale de bagay sa yo, paske bagay sa yo se lavi. Se bagay ki vo lapenn.

Sante lavi seksyèl ou enpòtan pou genyen yon bon sante mantal. Si se pa sa ou kapab tonbe nan depresyon.  Oubyen ou kapab tonbe viv nan yon mantalite reziyasyon ki va afekte lavi ou, e ki ka fè kò fizik ou tonbe malad.

Kesyon mwen ta renmen mande w anvan nou fini disksyon an. Se, si ou te gen 5 ane pou viv sou tè a, èske sitiyasyon kote ou ye kounye a, ou kapab viv e andire ladan li, pou senk ane sa yo.

Donk mezanmi, mwen espere ke ou va itilize fèt Sen Valentin an pou relanse yon lavi ki genyen anpil entimite, ki genyen anpil sèks, e ki genyen anpil kè kontan.

Alò, se te Souvni on the Mike

Rete avèk nou toujou, la famille pòt ap vini toutalè konsa. 

La Famille Pòt

Epizòd 5

Dyak put his foot in his mouth on Valentine's Day

Dyak - Ovila, ou pare? Nou pral anreta wi!

Ovila - Tann mwen Dyak, m prèske fini

Dyak - Ovila, n ap pèdi rezèvasyon restoran an si nou pa deplase kounye a

Ovila - Bon Dyak, m pa di w tann mwen. Sa w genyen ou prese konsa a?

Dyak - Men Ovila, ou di m ou bezwen al manje nan gran restoran pou Sen Valanten. Nou fè rezèvasyon sa depi si (6) mwa. M pa vle pèdi plas nou si nou rive ta.

Ovila - M konnen sa Dyak. Ban m yon lòt minit ankò

Dyak - Ovila, lè a fin rive sou nou. O o rete! Apa ou fini! Kisa w ap tann? Vin ale non.

Ovila - M santi pantalon sa a twò sere sou mwen. Tout rad mwen mezire, sere m. M pa konn si m ka al parèt tèt mwen nan restoran an konsa.

Dyak - O, ou pa al fè egzèsis ankò?

Ovila - O O! kisa ou vle di pa la? Si m pa al fè egzèsis ankò?!

Dyak - Anyen non, mwen senpleman poze w yon kesyon.

Ovila - Mwen konn sa w vle di a menm. 

Dyak - Ki sa m vle di Ovila? Se yon ti kesyon tou senp mwen poze wi.

Ovila - Ou vle di mwen gen twòp grès sou mwen.

Dyak - Non Ovila, se pa sa m di non, mwen senpleman mande w

Ovila - Mande m kisa? Se pou di sa ankò pou wè! Ala derespektan! Mezanmi o! Kè m te byen kontan. M konn m pral fè yon bon ti sòti avèk ou. Gade kijan ou gate san m.

Dyak - Ovila se ou ki di pantalon an sere w, mwen senpleman ap ede chwazi rad ki pa twò sere w.

Ovila - Dyak, ou pa konn pale ak fi! Plis w ap pale, se plis w ap vekse m. Ou pa wè sa?

Dyak - Bon, Ok Ovila, kisa ou vle? Ou vle yon moun ki pale kare avèk ou, oubyen yon moun k ap ba w manti?

Ovila - M gentan wè sa k ap pase la wi. Lè pou manyen dèyè a, li dous pou ou, men lè ou gade ou wè l twò sere devan moun, ou pete koken. Ou ka pale kare ak moun nan, men sa pa vle di pou w derespekte li.

Dyak - OK Ovila, ou vle pou m pale kare? Bon m ap fè sa. Ou toujou ap achte rad ki twò piti pou ou, paske ou konnen ou pral pèdi pwa, ou pral pèdi grès. Men ou pa janm pèdi pwa a vrèman vre. Ou pa janm pèdi grès la. Donk ou genyen yon bann rad ki twò piti pou ou nan plaka a, enpi ou pa janm ka jwenn anyen pou mete lè w ap sòti. Sa se depanse lajan pou granmesi!

Ovila - Menn ni tou! Sa w di m la?  Mwen te konnen sa. Ou gen lè gen yon fi byen mens ki ap kouche avèk ou. 

Dyak - Kote m pral bare ak yon lòt fi la? M pase tout tan m avèk ou. Se ou ki tout lavi m.

Ovila - Pou sa ou sot di m la, se pa fouti vre.

Dyak - Kisa m sot di la Ovila?

Ovila - Ou fenk di m bouda m sere

Dyak - Mezanmi! Kilè mwen te gentan di sa la a?

Ovila - Ou di m gen twòp grès, tout rad mwen twò sere, ou pa vle yon fanm konsa! Se sa ou sot di la a.

Dyak - Ovila cheri, èske ou pa panse ke, li ta pi bon, si ta gen yon bagay ki pa bon nan rad la, anvan ou soti nan lari, pou m ta di w sa. Pou moun pa ri w. M panse se konsa maryaj ta dwe ye. W ap voye je sou mwen. M ap voye je sou ou.

Ovila - Ou pa bezwen chanje konvèsasyon an, kòmsi se pou benefis mwen w ap pale. M bezwen konnen ak ki moun ou nan ti pa chat la.

Dyak -  Ovila Machè, nou gen konbyen tan, depi nou marye. Nou genyen de bèl ti fi, Tika ak Freya. Mwen nan kay la avèk ou tout tan.  Tout sa ou fè mwen tolere. Lasemèn m al travay, m pote kòb pou sipòte fanmi an. Le samdi, mwen mennen w ale nan makèt, m kanpe la pandan ke w ap pran tout tan pou triye manje. Le dimanch maten, mwen la avèk ou nan ti legliz ou. Le dimach apremidi, m la nan kay la ap gade ti match footbòl mwen. Mwen pa janm derespekte w. Lè ou vle fè ti lanmou w, m ba ou l jan w vle la. M gen dwa di sa m panse, san ou pa gentan vire l an twazyèm gè mondyal.

Ovila - Se ou ki kòmanse lagè sa avèk pawòl pike w la. Ou te mèt ale pou kont ou. M pa prale ankò.

Dyak - Ovila cheri, pa fèm sa non. Jodi a se fèt sen valanten. Nou pa ka nan goumen pou anyen. 

Ovila - Goumen ou anyen. Ou rele sa anyen? Gwo pawòl ou sot jete la a?

Dyak - Nou te gentan fè tout preparasyon sa yo pou nou pase sware ansanm pou fèt sen valanten. An nou pa kite kerèl gate sa non.

Ovila - O O! Ou panse m ap kite w vin manyen aswè a, apre sa ou sot di m la

Dyak - Ovila cheri, kisa ou vle pou m di?

Ovila - Degaje w Dyak pou chache yon konpliman ki pou defèt sa w so fè a. Si se pa sa, ou mèt ale nan restoran pou kont ou. Enpi pa tounen isit la

Dyak - O O sa te gentan rive jiske la?

Ovila - Jan w tande la.

Dyak - Ovila, cheri, ki sa pou m ta fè pou w chanje lide?

Ovila - Chanje repons ou ban mwen an

DYak - Kijan pou m chanje repons la? M pa konn sa pou m di w ankò?

Ovila - O O jan ou di ke ou konn pale dous a fi. Donk se mwen menm ki madan marye ki ap pran tout souflèt yo?

Dyak - Ok Ovila, mwen mande w eskize pou sa m di an.

Ovila - Eskize sèlman, eskize p ap janm sifi. M pral poze w kesyon an ankò Dyak, pou w chache yon fason pou reponn li san ou pa imilye m. Fòk ou konnen kijan pou w pale ak moun.

Dyak - ok Ovila, poze m kesyon an ankò.

Ovila - Wi Dyak, mwen mande ou, èske ou panse ke pantalon sa a two sere sou mwen

Dyak - Ovila, ou si tèlman gen bèl fòm, pantalon sa pa kanmarad ou, pantalon sa pa konprann fòm ou. Gen lòt pantalon nan plaka a ki ka fè fòm ou pi bèl toujou.  Si ou al chanje pantalon sa, m ap chita tann ou.

Ovila - Enben se tout sa pou w te di wi. M pral chanje pantalon an enpi nou prale nan restoran an. 

Dyak - Monchè wo! Fanm se tèt chaje wi. Si w pa veye sa wap di yo, w ap antrave wi!

END

Mezanmi o mesyedam, se tout sa nou t ap di. Mèsi anpil pou lekout. M espere n ap pale ankò lòt Vandredi. Pase bon wikenn