Souvni On The Mike
Souvni On The Mike stands as a vibrant cultural beacon in the digital soundscape, offering a weekly immersion into the heart of Haitian language and life. Every Friday night at 8 PM, this Haitian Creole podcast transforms the airwaves into a dynamic classroom and cultural salon, where education, entertainment, and community connection converge. The show's very name, "Souvni," meaning "Remember," signals its core mission: to be a living archive of cherished experiences and a bridge between generations of Haitians, both at home and across the diaspora.
At its foundation, the program is a powerful tool for language acquisition. Recognizing the challenges faced by intermediate and advanced learners, Souvni On The Mike provides a full transcript in Creole for every episode. This thoughtful feature allows students to read along as they listen, reinforcing their comprehension, expanding their vocabulary, and tuning their ears to the natural cadence and nuances of authentic Haitian speech. It moves beyond simple vocabulary drills, placing learners directly into the flow of real conversation, humor, and storytelling, making the process of mastering Creole both engaging and effective.
The soul of the show is its signature segment, "La Famille Pòt" (The Pòt Family). This weekly skit injects a dose of drama and comedy that is both relatable and distinctly Haitian. Through the lives, laughter, and squabbles of the Pòt family, the show explores everyday situations, cultural touchstones, and social dynamics in a way that is both entertaining and illuminating. This recurring drama not only captivates listeners but also provides rich context for language learners, showcasing how Creole is used in real family settings, complete with idioms, affectionate teasing, and the warmth of familiar interaction. It is this blend of humor and heart that makes the podcast feel less like a lesson and more like a visit with old friends.
Hosted on the widely accessible platform Buzzsprout.com, Souvni On The Mike ensures its reach is as broad as its ambition. The platform's user-friendly interface makes it easy for anyone, from a curious language student in Europe to a homesick Haitian in North America, to tune in and download episodes and transcripts. This accessibility is crucial to the show's goal of fostering a deeper connection within the global Haitian community and providing a welcoming gateway for outsiders.
Ultimately, Souvni On The Mike is more than just a podcast; it is a cultural touchstone. It serves as a vital link for Haitians longing to relive the memories and rhythms of their homeland, offering a sonic space where their language and culture are celebrated with pride and authenticity. Simultaneously, it extends a warm invitation to foreigners, demystifying Haitian culture and offering an enjoyable, participatory way to engage with its vibrant spirit. By blending practical language tools with compelling entertainment, Souvni On The Mike succeeds in its mission to educate, unite, and entertain, one Friday night at a time.
Souvni On The Mike
Respè pou Tèt ou. Lanmou pou Tèt ou! Sa se Self-love!
Use Left/Right to seek, Home/End to jump to start or end. Hold shift to jump forward or backward.
In this fiery and heartfelt episode of Souvni on the Mike, Souvni dives deep into one of the most misunderstood topics in the Haitian community: self‑love. With humor, honesty, and a little piman, she breaks down why loving yourself is not selfish — it’s survival, healing, and liberation for the entire family.
Joined by Valentin, the two explore how self‑love affects Haitian men, Haitian women, parents in the diaspora, and marriages that are carrying more emotional weight than they admit. From the silent burdens men hold, to the cultural expectations placed on women, to the generational patterns passed down to our children, this episode challenges the community to rethink what it means to care for yourself.
And of course, La Famille Pòt returns with a hilarious and eye‑opening skit. Ovila is exhausted from doing everything for everyone, Dyak is trying to keep the peace, Freya is just chiming in, and Tika — the only one practicing true self‑love — becomes the unexpected teacher of the day. Their chaos turns into a powerful lesson about balance, boundaries, and rest.
Whether you’re a parent, a partner, a student, or simply someone trying to breathe in this diaspora life, this episode will make you laugh, reflect, and maybe even rethink your own habits.
Tune in, take a breath, and remember: Lè ou renmen tèt ou, ou vin pi dous ak tout moun.
Check our website/blog: https://sweetcoconuts.blogspot.com/
Also, consider DONATING so that we can expand the show from 20 to 30 minutes of air time every Friday. This extra time will allow for more in-depth discussions, additional creative segments, and the continued availability of written transcripts. You may DONATE at our gofundme page at https://www.gofundme.com/f/support-souvni-on-the-mike-radio-show
Onè, salut, e bonswa tout oditè ki ap koute. Depi ou tande vwa sa a, ou konnen se Souvni on the Mike ki sou mikwo a. Byenveni e welcome nan pwogram Souvni on the Mike la ke w ap jwenn sou Radyo Konpa chak Vandredi swa a 7:30. E w ap jwenn pwogram sa a tou sou Podcast Souvni on the Mike la.
Jodi a, nou pa vin jwe. Jodi a, nou vin pale de yon sijè ki fè anpil moun grate tèt yo. Nou pral fè ti diskisyon ki kapab menm sove lavi ou, sove maryaj ou, e menm sove lavi timoun ou tou.
N ap pale de 'l' amour de soi'. Wi wi! Nou pral pale de lanmou ke ou dwe genyen pou tèt ou.
Kite mwen di w yon verite ki kapab etone w:
Ou pa ka renmen pèsonn si ou pa renmen tèt ou an premye.
Ou pa ka leve timoun ki fè tèt yo konfyans, si tout lajounen, yo wè se bese w ap bese tèt ou devan tout moun.
E, ou pa kapab kenbe yon maryaj ki ansante, si w ap desann tèt ou, senpleman pou kenbe lapè.
Alò, zanmi, si ou pa aprann renmen tèt ou, si w ap aksepte tout maltretans, tout abi, oubyen neglijans moun ap fè anvè ou menm, paske ou santi ke ou pa merite pi meyè tretman, se kalite moun ki p ap janm respekte w ke ou va atire sèlman.
Si ou pa bay tèt ou valè, pa gen moun ki va fè sa pou ou. Paske tout moun okipe ap regle zafè pa yo. Pa gen moun k ap gen tan pou ou.
Si ou pa kwè nan tèt ou, se sou lòt moun ou va depann pou yo ba w validasyon, bon ou tou konnen, bon, ou pèdi.
Si ou pa genyen lanmou de swa, lanmou pou tèt ou, ou kapab tounen you payason, yon machpye pou tout moun. Sa ka vin mennen pèdi idantite ou, neglije bezwen pèsonèl ou. Pèdi respè timoun nou. E ou konnen, premye kote pou timoun ou aprann respè, se nan men ou. Dekwa pou yo kapab devni moun ki pwodiktif nan lasosysete.
Alò mank de respè ak lanmou pou tèt ou kapab mete ou nan yon kondisyon kote w ap viv avèk anpil resantiman e anpil epuizman tou.
Gen anpil nan nou menm Ayisyen, nou gen yon move abitid. Nou renmen mete bezwen moun anvan. Nou mete tèt nou an dènye nan lis la.
Nou renmen bay, bay, bay, jiskaske nou pa gen anyen ki rete pou nou ankò.
Epi lè nou fin kraze kò nou nèt, lè nou fin fatige kò nou nèt pou lòt moun, nou vin fache. Nou vin blame lòt moun.
Men, an reyalite, ti cheri a, se tèt ou pou blame, pou neglijans ou fè avèk tèt ou.
Gason Ayisyen nou yo, ki ap koute m. Wi, m ap pale avèk nou tou.
Ou pa fèt pou w ap pote tout chay lavi an pou kont ou konsa.
Piga ou bouche nen w bwè dlo santi a, epi fè kò w tounen yon wòch.
Lanmou tèt ou, se pa feblès ti cheri. Se mèt kò ki veye kò.
Lanmou tèt ou, se pito yon estrateji ke ou bezwen fè pou viv byen, e viv ansante.
Fanm Ayisyen mwen yo.
Nou menm ki toujou ap fè monte desann. N ap regle zafè tout moun. Men zafè pa w pa janm regle.
Men ki dènye fwa ou te panse a tèt ou?
Ki dènye fwa ou te di, 'NON!' san w pa bezwen ap bay moun okenn eksplikasyon?
Ki dènye fwa ou te di, 'non' san kè w pa fè w mal?
Men ki dènye fwa ou te repoze san ou pa ap panse ak travay lòt moun ke w bezwen fè pou yo.
Lanmou tèt ou pa egoyis.
Lanmou tèt ou se oksijèn ke w bezwen pou viv.
E nou menm tou dyaspora a,
Nou pote Ayiti nan kè nou, men pafwa nou bliye tèt nou.
Nou ap travay. Nou ap voye lajan. Leve timoun. Fè de (2) travay,
men nou pa janm pran tan pou n gade nan miwa a, pou nou di:
‘Mwen merite yon ti lanmou. Mwen merite yon ti lapè. Mwen merite panse a tèt mwen.’
Jodi a, sou mikwo a, nou pral kraze manti sa yo. Nou pral ede ou chanje kilti payason sa a, kilti kote ou tounen yon machpye a.
Nou pral aprann kijan lanmou tèt ou kapab geri w, geri fanmi w, petèt chanje maryaj ou menm, e sove jenerasyon timoun ou.
Rete branche.
Paske si ou panse ou konnen sa ki rele lanmou tèt ou.
Mwen pral fè w reflechi ankò.
Sa se Souvni on the Mike avèk animatris emisyon an, Souvni. Rete branche n ape tounen talè konsa.
SOUVNI: Nou retounen ankò. E kounye a, mezanmi, nou pa ka antre nan sijè sa a san nou pa rele youn nan zanmi nou, youn nan moun ki toujou pote bon jan refleksyon. E se Mesye Valentin. Kijan ou ye aswè a, Mesye Valentin?
VALENTIN: Bonswa Souvni, bonswa tout moun k ap koute. Mwen kontan la avèk nou pou nou diskite bon ti sijè sa a paske mwen panse ke sijè sa a, li cho, li nesesè, e li rive nan bon moman.
SOUVNI: Men wi! Ann antre ladan l Mesye Valentin. An nou pale de Mesye Ayisyen nou yo, avèk lanmou ke yo ta dwe genyen pou tèt yo. Valentin, ann kòmanse ak kesyon sa. Poukisa ou panse ke gen kèk gason Ayisyen ki gen difikilte eksprime lanmou pou tèt yo? Poukisa ou panse ke gen enpe gason Ayisyen ki gen difikilte pou pataje feeling yo, di sa ki anndan kè yo, e finalman pran yon desizyon kote pou yo ta mete tèt yo anvan tout bagay?
VALENTIN: Souvni, m panse depi nou piti, nou te aprann, kòm gason, nou pa kriye. Nou pa plenyen. Nou pran bal nou ofon. Kenbe pwoblèm nou nan kè nou. Nou grandi ak lide ke nou dwe pran swen tout moun. Si nou pa fè sa, yo va di se gason san sousi nou ye. Si nou pa fè sa nou se egoyis. Donk pwoblèm ki vin genyen, lè nou ap pran swen tout moun, epi nou pa gen yon moun ki ap pran swen nou kòm moun ki ap ganye pen an, nou vin santi nou vid. Nou santi yo neglije nou. Donk nou vin tounen dè moun ki toujou fache, toujou bouke, toujou fristre ak tèt nou. Nou toujou ap tann kilè yon bèl demen va vini.
SOUVNI: Men wi Valentin! Sosyete Ayisyen an mete yon estigma sou gason Ayisyen nou yo espeysalman. Se yo menm ki pou pran swen fanm nan. Se yo ki pou pote fanmi an sou do yo san plenyen. Enpi yo dwe envensib, e anmenmtan kenbe tout emosyon anndan kè yo. Pwoblèm ki vin poze, jan ou di l lan, si yo refoule emosyon sa yo anndan kè yo san yo pa pran tan pou kiltive yon lanmou pou tèt yo, sa ka kreye fatig mantal ki kwonik lakay yo, oubyen lòt sentòm fizik, tankou deklen nan lasante yo. Enpi espesyalman mesye yo ka devlope sa yo rele yon angoudisman emosyonèl, kote, ouswa emosyon an vin debòde nan yon fason ki eksplozif, oubyen yo retrete nan yon izolasyon.
VALENTIN: Kòm yon gason mwen kapab di santiman sa yo reyèl.
SOUVNI: Lè ou pa renmen tèt ou. Ou gen dwa kanpe fèm tankou yon wòch. Men andedan ou se tankou sab k ap glise. Si w pa fè atansyon, nenpòt van ka pote w ale.
SOUVNI: Okay Valentin, men, fanm nan avèk lanmou ke li ta dwe genyen pou tèt li. An nou pale de fanm yo kounye a. Fanm Ayisyèn yo se motè fanmi an. Se yo ki fè fanmi an mache. Men ou konnen kisa ki ka pase si motè a pa grese. Lè motè sa a ap mache sou vid, tout bagay bò kote l kòmanse tranble. Fanm nan se fòs ki kenbe kadans tout mouvman ki ap fèt nan kay la.
VALENTIN: Wi Souvni, fanm yo aprann sèvi tout moun. Se yo ki leve bonè. Pran swen tout moun. Se yo ki nan makèt. Se yo ki chofè tout moun pafwa. Se yo ki fè manje, e se yo ki al dòmi ta. Men fò yo toujou sonje ke si yo pa repoze, si yo pa pran swen tèt yo, sa p ap pran long pou kò fizik yo ta tonbe malad. Lanmou tèt ou se pa egoyis. Lanmou tèt ou se prevansyon.
SOUVNI: Antanke fanm, si ou pa pratike lanmou pwòp tèt ou, ou va kòmanse bese valè ou piti piti san ou pa menm reyalize sa.
Ou kapab kòmanse menm aksepte tretman ou pa ta sipoze resevwa. E konvenk tèt ou ke sa se "lavi", "se nòmal", menm lè ou konnen trè byen se pa konsa bagay yo ta dwe ye.
Si ou pa pratike lanmou pou tèt ou, piti piti, ou va chanje prensip ou, pou w gen jis ase pou siviv sèlman, enpi abandone tout rèv ke w te genyen.
Lanmou tèt ou se oksijèn. Oksijèn nan nesesè pou viv. Donk bay tèt ou oksijèn.
SOUVNI: Ann pale de paran yo, Valentin. Nou renmen timoun nou, men pafwa nou pa montre yo kijan pou yo renmen tèt yo. Timoun yo gendefwa, yo leve. Yo wè moun ap pran paran yo, sèvi kòm machpye. Yo wè jan paran yo ap bourike pafwa san okenn respit menm. Se ouswa timoun nan vin di li pa janm devni yon payason kòm paran li, oswa timoun nan vin leve ap panse ke se konsa lavi an dwe ye. Timoun nan vin leve san kouraj.
VALENTIN: Timoun aprann sa yo wè. Se konsa yo absòbe anpil bagay. Si yo wè ou toujou ap fatige, toujou fache, toujou ap sakrifye tèt ou, yo panse se konsa lavi an dwe ye. Men si yo wè ou pran swen tèt ou, ke ou renmen tèt ou, ke ou respekte tèt ou, sa aprann yo ke yo menm tou yo gen anpil valè.
SOUVNI: E ann pale sou kesyon lè ou nan relasyon ak yon moun. An nou di verite a Valentin.
VALENTIN: Maryaj pa ka mache si youn nan moun yo pa renmen tèt yo. Lè ou pa renmen tèt ou, ou vin fè jalouzi. Ou vin sispèk. Ou sou kontwòl tout tan. Ou kreye yon depandans sou konjwen ou. Men lè ou byen ak tèt ou, lè w renmen tèt ou, ou pa nan tout bagay sa yo. Ou pa bezwen konjwen ou ba ou validasyon, pou ba ou valè, pou w konnen ki kote ou kanpe.
SOUVNI: Se konsa. Lè ou pa renmen tèt ou, epi ou nan relasyon oubyen nan yon maryaj, ou ka toujou ap mezire kontantman ou depandan de kontantman konjwen ou. Ou ka vin soufri yon epuizman emosyonèl, yon ensekirite ki la tout tan, kote se sou patnè ou ou konte antyèman pou genyen validasyon. Ou konte sou mari ou, oubyen sou madanm ou antyèman pou gen valè, pou konn ki valè ou genyen. Ou pèdi idantite pèsonèl ou nèt. Ou abandone tout bezwen ou. Ou kite tout lwazi ou, pou w kapab fè konjwen ou plezi.
Men lè konjwen ou vin enterese a lòt bagay, lè li vle fè otre choz, ou vin ap grangou pou entimite.
Donk zanmi, lè ou genyen lanmou pou tèt ou, sa vin fè menm lanmou womantik ou vin pi dous. Sa vin ba ou plis kontantman. Li ba ou plis satisfaksyon. Ou pa gen oken depandans de okenn moun. E espesyalman, ou genyen lapè nan lespri w.
SOUVNI: Wi mèdam e mèsye, ou branche aswè a sou emisyon Souvni On The Mike.
Emisyon sa a vini jwenn ou lakay ou chak vandredi soir at 7:30 avèk animatris ou Souvni.
Si ou ta renmen kontakte mwen, ou kapab ale nan sit wèb mwen, SOUVNI.ORG.
Lè w ale nan sit lan, ou va gade sou bò goch ekran an, w ap wè yon ti bouton ble, yon ti kare ble ki make Poze Kesyon Ou La.
Ou kapab poze kesyon ou, mete imèl ou, epi soumèt li, epi ou va jwenn repons.
Pi ba goch anba ekran an, si ou ta renmen telechaje emisyon an apre ke li fin pase, ou va wè yon lyen ki make Souvni On The Mike.
Si ou klike sou lyen sa a, ou va jwenn emisyon an nan fòm podcast pou telechaje.
Pa egzanp emisyon sa a ke w ap koute kounye a, si ou ta renmen tande li ankò, li va disponib pou telechaje apre ke emisyon sa a fini.
SOUVNI: N ap di tout mèsi a tout oditè yo pou patisipasyon yo nan pwogram nou jodi a. N ap di yon gran mèsi a mesye Valentin pou tout bèl refleksyon ke li te pote nan emisyon an. Zanmi an nou rete branche toujou. La Famille Pòt ap vini talè konsa.
LA FAMILLE PÒT
EPISODE 16
“Tèt Pa M Tou Gen Valè”
OVILA: Ala yon lavi papa! Mwen leve depi 5è di maten. Mwen fè manje pou Dyak. Mwen fè manje pou timoun yo. Mwen mete rad yo nan machin yo pou yo lave. Mwen ranje kay la. E gade mwen la, m ap kouri toujou. M poko menm gen chans pou m fin abiye m pou m al travay.
FREYA: Mommy, you okay? You sound so stressed.
OVILA: 'Stressed?' Se pa strès sèlman non Freya! Mwen gen strès tankou yon moun ki ap fè tès pou antre nan syèl. Se mwen ki poto mitan nan kay sa! Si se pa mwen ki netwaye kay la, pa gen moun k ap fè l. Si m pa mete fatra yo de yò, pyès moun p ap fè l. Donk mwen gen tout dwa m pou gen strès.
FREYA: Maybe you can let dad help you. Petèt ou ta kite nou ede w avèk travay nan kay la mommy? Ou dwe pran swen tèt ou mommy. Ou dwe renmen tèt ou.
OVILA: Se ti Ameriken w ye Freya. Ou gen lè pa konprann ke lanmou tèt mwen se lè mwen fè tout bagay pou nou nan kay la!
DYAK: Bonjou tout moun. Ovila, cherie, ou pa chita menm depi maten. Ou pa vle fè yon ti poze menm?
OVILA: Poze? Ki kote ma pral gentan poze la? Pou m kite kay la tonbe? Ou pa wè mwen gen travay pou m fè toujou?
DYAK: Men mwen gen travay pou fè tou. E m fè sè pou m pran yo ti tan pou poze. M fè gazon. M pran swen machin. Mwen ranje tout bagay nan kay la ki kraze nan kay la. Men, kite m ede w fè rès travay yo dekwa pou ka fè yon ti repoze Ovila.
OVILA: M pa gen pou chita? Se pa pou mwen sa! M a poze pita lè m sot travay.
TIKA: Bonjour tout le monde. J' ai si tèlman bien dormi. Mwen santi se sou nyaj m ap mache.
OVILA: Bon, Tika kijan ou toujou konsa? Ou pa janm fatige? Ou pa janm bouke? Figi w toujou byen poze. Mwen menm, mwen toujou fatige. Mwen toujou ap swe. Mwen toujou ap travay.
TIKA. Manmie, je fais mon devoir. Mwen fè ti travay mwen nan kay la. Men mwen pran swen tèt mwen tou. Mwen mete ti mask nan figi m. Mwen repoze mwen. Mwen di, 'non' lè mwen pa kapab.
FREYA: That's so true. Tika be looking like she’s on vacation every day.
OVILA: Vakans, nan kay sa? Sa p ap janm posib pou mwen. Ki moun ki fè pral fè manje pou nou? Ki moun ki pral fè lesiv pou nou? Kimoun ki pral netwaye kay?
TIKA: Manmie, mwen fè pati pa mwen. Men mwen pa ka fè tout bagay. Si mwen pa pran swen tèt mwen, manmie, kilès ki pral fè l pou mwen?
DYAK: Ou tande sa, Ovila? Menm timoun yo konprann sa. Pratike lanmou tèt ou pa vle di ou pa renmen fanmi w. Sa vle di pito ou pa bliye tèt ou.
FREYA: Mom, that's true. You’re always tired. You deserve rest too. Like, real rest. Not ‘sit for 2 minutes and then jump up again’ rest.
OVILA: Men si mwen pa fè bagay yo...
TIKA: Manmie, ou pa dwe eskiz ankò. Nou ka ede. Nou ka pataje. Ou pa bezwen pote tout chay la pou kont ou. Et puis… une maman qui se repose, c’est une maman plus douce, plus joyeuse, et plus vivante.
DYAK: Wi, Ovila cherie, ou merite lanmou tou. Pa sèlman lanmou pou nou menm fanmi ou, men lanmou pou tèt ou.
OVILA: Bon. Petèt. Mwen di, petèt mwen ka pran yon ti èdtan pou mwen jodi a.
FREYA: Yesss Mommy! Self‑care era unlocked!
TIKA: Bienvenue dans le club, manmie. Lè ou renmen tèt ou, ou pa diminye lanmou ou pou fanmi w — men ou ogmante li.
DYAK: Se vre Ovila, plis ou repoze, plis kay la benefisye tou. Paske lè ou repoze, ou pa twò ......
OVILA: M pa twò kisa Dyak?
DYAK: O m ta pral di, Ovila, lè ou repoze ou tankou yon ti zanj.
End.
Mezanmi Mesyedam, se tout sa nou t ap di. Mèsi pou lekout. M espere n ap pale ankò lòt Vandredi. Se te Souvni on the Mike. Pase bon wikenn!