7. 四個重要框架 - 4. Encouragement （有效鼓勵小朋友）

參照 Dr Brenna Hicks 家庭輔導技巧，這一集介紹有效的鼓勵方法，可以令小朋友發展出自內心的推動力，幫助增強小朋友的上進心，教家長怎樣專注鼓勵小朋友的具體方法。

支持廣東話遊戲治療分享，請 Christal 喝咖啡:
https://www.buymeacoffee.com/christallau

廣東話遊戲治療分享由 Christal Lau 主持。
Christal 主修心理學，犯罪學碩士，遊戲治療碩士，為自閉症孩子作出早期干預。
這個 podcast 會由 Christal 分享與小朋友治療上的趣事，適合所有家長和對遊戲治療有興趣的朋友收聽。

Facebook: https://www.facebook.com/PlayTherapyInCantonese

Instagram: https://instagram.com/playtherapyincantonese

Transcript

四個重要框架 - 4. Encouragement （有效鼓勵小朋友）

這一集介紹有效的鼓勵方法，可以令小朋友發展出自內心的推動力，幫助增強小朋友的上進心，教家長怎樣專注鼓勵小朋友的具體方法。

平時讚小朋友好多時都係outcome base，係專注喺結果上面。比如話我哋平時喺學校，或者課外活動俾佢畫班做運動彈琴嘅時候，聽到好多媽咪或者老師每一次都會讚：考得好好喎，媽咪覺得你好叻。I’m so proud of you，你游水贏到獎喎好勁呀，你睇吓全班得你一個默書冇錯幾叻。

呢啲全部都係一個judgement ，有批判成份嘅讚美。你會留意到呢一種讚美主要Focus 「我」有幾鍾意，我覺得你畫得好靚，我覺得你做得好好，全班都覺得你考得好。而且最重要一點就係全部都係純粹睇結果。

真正有效嘅鼓勵其實唔應該係結果，而係關於佢有幾努力過。我喺呢度想講嘅方法係 Focus on 讚佢哋過程中付出嘅努力。你會留意到呢種鼓勵係你幾時都可以講而唔係佢考咗個成績出咗嚟之後你先可以講到。就算跑步包尾你都可以讚佢 : 媽咪見到你有努力去練習。或者考試成績唔係咁理想又或者參加比賽攞唔到獎，都可以用呢個鼓勵嘅方法。

呢個方法其實同之前講嘅情緒反應好似，首先係「你」，你冇放棄過，你好努力，你付出咗好多時間去準備。你自己諗出嚟㗎喎，你花咗好多時間去諗條數點計。真正有效嘅鼓勵方法係唔講個成果或者結果，而係稱讚佢所付出過嘅努力，佢有幾用心去預備嗰件事，佢有幾花時間去學習同埋去分析一啲題目。佢之前嗰日去做 research ，佢點樣擺時間落去學習嗰陣時先至係需要鼓勵先至係一個可以增強佢心理質素嘅要點。小朋友將來先可以自己有發自內心嘅興趣咁樣去推進自己去繼續學習，先可以為咗滿足自己嘅求知欲去做一件事，而唔係為咗討好父母或者討好老師，為咗得到別人嘅認同而去付出。因為事實上為咗父母做一樣野小朋友可能OK，但係去到青少年佢哋就唔會再因為討好你而做呢件事，而到時候佢又冇咗自己發自內心嘅推動力，就可以變得散漫同埋失去左目標。因為由細到大發憤嘅目標都唔係為咗自己係為人哋。

好多時我哋讚佢嘅方法會令到小朋友為咗得到認同而做，佢哋會幅畫拎過嚟俾媽咪睇話: 你覺得靚唔靚? 媽咪我咪好叻? 我咁樣係咪做得好好? 我係咪好乖? 爹哋你鍾唔鍾意？你係咪好proud？好明顯呢啲係佢為咗討好你所做嘅嘢。

我覺得呢一個讚美嘅方法係以往10幾廿年啱啱開始，唔好誤會我唔係話唔啱，事實上其中一個表達愛佢嘅方法都係會用讚美，比如話媽咪好驕傲。會令到小朋友感覺到愛。但係呢個唔係鼓勵佢嘅方法。差唔多10幾廿年前先至開始話覺得賺先至係有用，時至今日我哋已經係用 research 證明讚嘅方法再細分應該係讚佢嘅努力而唔係讚個結果。如果你不嬲都係用頭先我講比較舊式嘅方法, 冇問題嘅，由而家開始慢慢去Focus 佢, 留意佢嘅表現然後鼓勵絕。慢慢開始再改善我哋做父母嘅其實都係一路進步一路學習。

下一集我開始想講啲特別啲嘅嘢，係關於如果有案件發生應該點樣interview小朋友，有咩技巧，有咩需要注意，比較適合工作上有時要面對小朋友嘅人聽，e.g. 警察,社工啊甚至乎老師,律師嗰種職業都適合。今集就講到呢度。

大家記得留意小朋友嘅進步，讚完佢哋之後，記得讚下自己。佢哋叻左你做家長嘅其實有好大功勞㗎。下次再傾拜拜。