Listamennirnir, leikararnir og leikstjórarnir Hannes Óli Ágústsson og hans betri helmingur Aðalbjörg Árnadóttir mættu til mín í virkilega einlægt og skemmtilegt spjall yfir rjúkandi heitu kaffi.
Hannes Óli hefur slegið rækilega í gegn bæði sem frábær eftirherma Sigmundar Davíðs í áramótaskaupinu og svo í hollywood sem jaja ding dong gaurinn. Hann hefur komið víða við á fjölum leikhúsanna og er hann þessa stundina að kenna við Listaháskóla Íslands.
Aðalbjörg hefur einnig gert það gott sem leikkona í gegnum tíðina en hefur hún líka mikið fengist við leikstjórn. Hún vinnur mikið innan sjálfstæðu senunar en hefur einnig leikstýrt leiksýningum í öllum helstu leikhúsum Íslands.
Hannes og Aðalbjörg sáust fyrst í framhaldsskóla þar sem þau voru mikið í kringum sama fólkið og mættu mikið í sömu partýin. Árin liðu og voru þau bæði mætt í Listaháskólann og Aðalbjörg mjög fókuseruð að finna konu handa Hannesi, það var ekki fyrr en vinkona hennar spurði hana hreint út “hvað með þig?” að aðalbjörg hafði samband við Hannes og þau detta í skemmtistaðasleik og var þá ekki aftur snúið, síðan þá hefur mikið vatn runnið til sjávar en hafa þau verið saman allar götur síðan og eiga í dag saman eitt barn.
Í þættinum ræddum við meðal annars um lífið í listinni, Jaja ding dong ævintýrið og hvernig það hlutverk óx í höndunum á Hannesi, rómantýkina, tengingu þeirra við lansbyggðina, fjölskyldulífið og margt fleira ásamt því að heyra fullt af skemmtilegum sögum úr þeirra sambandstíð.
Þátturinn er í boði:
Góu - http://www.goa.is/
RÓ-CBD - https://www.rocbd.is/
Dominos - https://www.dominos.is/
Smitten - https://smittendating.com/