Kosreis
Kosreis is ‘n gesondheidspotgooi...reis wat aangebied word deur Francette Bekker - ‘n geregistreerde dieetkundige in Pretoria met sowat 18 jaar ondervinding in praktyk. In hierdie potgooi gesels sy oor kos, ons land, die mense, die kultuur, interessante feite en lekker stories oor kos asook oor gesondheid, lewensduur en gesondheidsduur. Wat is die verskil tussen lewensduur en gesondheidsduur? Lewensduur verwys na hoe lank jy leef, terwyl gesondheidsduur verwys na hoe lank jy gesond leef. Luister lekker saam en kyk na die kos op jou bord met 'n nuwe perspektief en waardeer wat moeder aarde, die natuur en ons pragtige land Suid-Afrika ons bied vir spys en drank, sielskos en goeie gesondheid.
In praktyk geniet Francette dit om op ‘n “gesondheidsreis” te gaan saam met haar pasiënte. Sy werk by die Zuid-Afrikaans Hospitaal in sentraal Pretoria as deel van die “Obesity Health Centre” span van Dr Thinus Smit. Hierdie mediese span fokus op die behandeling van matige tot erenstige vetsug. Matige vetsug word behandel deur gebruik te maak van leefstylveranderinge en medikasie terwyl metaboliese (bariatriese) chirurgie gebruik word om erenstige vetsug te behandeling sodat gesondheidsprobleme voorkom en behandel kan word. Die fokus van die span is om pasiënte se lewensduur en gesondheidsduur te bevorder.
Francette het ook ‘n groot passie vir vrugbaarheidsvoeding en voeding gedurende swangerskap. Sy het ’n internationale sertifikaat behaal as gesertifiseerde vrugbaarheids- en swangerskapdieetkundige. In haar praktyk stap sy dan ook die gesondheidsreis saam paartjies wat beplan om ‘n gesin te begin en ondersteun vroue gedurende hul swangerskap met die regte voeding vir elke trimester van swangerskap. Die regte voeding in swangerskap help ’n mamma om haar kans tot ‘n gesonde en veilige swangerskap te verbeter en dit speel ‘n ongelooflike groot rol in die toekoms en gesondheid van haar toekomstige babatjie.
Volg Francette se praktyk op Instagram of Facebook by @francettedietitian. Die Kosreis potgooi kan jy volg op Instagram by @Kosreis.
Kosreis
Bloedlemoene - hoe rooier, hoe mooier & gesonder
Bloedlemoene is ’n pragtige sitrusvrug wat jy net vir ’n kort tyd op die rakke kry. In hierdie episode van Kosreis deel Francette Bekker waarom hierdie vrugte meer is as net mooi rooierige lemoene:
- Wat bloedlemoene uniek maak — van hul bessie-agtige sitrussmaak tot hul opvallende kleur.
- Hoe koue nagte die rooi pigment, anthosianiene, laat ontwikkel.
- Die gesondheidsvoordele van bloedlemoene se antioksidante en flavonoïede — van hartgesondheid en velgesondheid tot ’n rol in vrugbaarheid, swangerskap en bariatriese voeding.
- ’n Bietjie Suid-Afrikaanse geskiedenis: hoe die Kaap ’n belangrike stop was om skeurbuik en vitamien C-tekort te voorkom.
- Praktiese idees oor hoe jy bloedlemoene in jou kombuis kan gebruik.
- En natuurlik, soos altyd by Kosreis, is daar ook ’n stukkie sielskos – lewenslesse wat ons by die bloedlemoen kan leer.
Volg @Kosreis op Instagram vir meer stories oor kos, kultuur en gesondheid, en @francettedietitian vir praktiese wenke uit Francette se praktyk.
Tags: bloedlemoene, sitrus, anthosianiene, antioksidante, gesondheid, Suid-Afrika koskultuur, sielskos
Instagram
@kosreis
Instagram & Facebook
@francettedietitian
Webtuiste
www.francettedietitian.com
E-pos
chatwith@francettedietitian.com