INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#65 Inuunermi pingaartitat, Imm. 1 / Livsværdier, Del 1
#65 Inuunermi pingaartitat / Livsværdier - Immikkoortoq 1.
Immikkoortumi uani, Kim Falck-Petersenip oqaloqatiginerani immikkoortoq siulleq tusarnaarneqarsinnaavoq. Kim Qasigiannguani inunngorpoq, taavalu Qasigiannguani, Nuummi Sisimiunilu peroriartorluni.
“Oqarsinnaajuaannarnikuuvunga inuunerma annerpaartaa Kalaallit Nunaanni najugaqarnikuullunga. Taamatut oqarsinnaajunnaarnikuuvunga”.
Taama oqarluni qanormita misiginarpa?
Tamanna immikoortumi uani ilaatigut tusarfigisinnaavat, taamatuttaaq ilaqutariinni napparsimasoqartillugu inuunermut eqqarsaatsit suut pigineqarsinnaanersut tusarfigissallusiuk.
I dette afsnit kan I høre den første del af interviewet med Kim Falck-Petersen. Kim er født i Qasigiannguit, og er opvokset i Qasigiannguit, Nuuk og Sisimiut.
“Jeg har altid kunne sige, at jeg har levet størstedelen af mit liv i Grønland. Dét kan jeg ikke mere”.
Hvordan føles det mon at sige det?
Det kan du bl.a. høre i dette afsnit, samt høre om hvilke refleksioner sygdom i familien medfører.
Aallakaatitassiortoq / Tilrettelægger: Mia Skifte Lynge
Speak: Arnánguak Lyberth & Arnannguaq Gerstrøm
Peqataasoq / Medvirkende: Kim Falck-Petersen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke
Aaqqissuunneqarpoq / Redigeret: november 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.