INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#103 Oqaluttuarisaanermi SLGBTQIA+ / SLGBTQIA+ før og efter koloniseringen
Uani immikkoortut marluusut aappaani Kalaallit Nunaanni suiaassutsip, kinaassutsip atoqatigeeriaatsillu eqqartorneqartarnerat oqaluttuarisaanikkut inissisimaneranut isummersuutit annissuunneqassapput. Immikkoortumi uani kingullermisullu oqaloqatigineqassallutik Uiloq Ingemann-Jeremiassen aamma Michael Bro. Nunatsinni suiaassuseq, kinaassuseq atoqatigittariaaserlu siuaasatta oqaluttuaanni qanoq eqqaaneqartarpa, nunasiaataalernerlu aamma tassunga kinguneqarsimava?
I denne episode kan i lytte til anden episode om SLGBTQIA+ . I dag skal vi have endnu en samtale med Michael Bro og Uiloq Ingemann-Jeremiassen om SLGBTQIA+ .Vi skal snakke om hvordan koloniseringen af Grønland, har påvirket , sagt på moderne sprog, SLGBTQIA+ miljøet, som handler om seksualitet, identitet og køn.
Aallakaatitassiortoq / Tilrettelægger: Arnajaraq Joelsen
Speak: Arnanguak Lyberth & Arnannguaq Gerstrøm
Peqataasut / Medvirkende: Uiloq Ingemann-Jeremiassen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kandasamy.
Aaqqissuunneqarpoq / Redigeret: Ukioq 2024