INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#80 BONUS nytårshilsen fra INUNA, på dansk
Vi har valgt at lave et bonusafsnit på dansk, som et supplement til årets sidste episode, som er vores nytårshilsen fra INUNA.
Her får I muligheden for at få en kort introduktion til INUNA og høre om hvorfor, og hvordan, du måske kan få noget ud af at følge INUNA, som er en grønlandsksproget podcast, selvom du måske ikke kan tale eller forstå det grønlandske sprog.
Sidst men ikke mindst, så sender vi også dette bonusafsnit med ønsket om at nå ud til vores dansksprogede samarbejdspartnere, kollegaer og andre interessenter med vores dybfølte tak og med en nytårshilsen.
God fornøjelse.
Immikkut ittumik immikkoortumik danskisut saqqummersitsivugut, taannalu ukiumi matumani immikkoortumut kingullermut, tassa INUNAp ukiortaamut inuulluaqqussutaanut, ilassutaavoq.
INUNAp suuneranik nassuiaateqalaassaagut, taavalu INUNA - tassaasoq kalaallisut oqaatsit atorlugit podcastiusoq - paasisinnaanngikkaluarlugu malinnaavigigaanni qanoq pissarsiaqaataassanersoq paasisaqarfigisinnaassallusiuk.
Naggataatigut minnerunngitsumik immikkut ittumik immikkoortoq una saqqummersipparput suleqatigisartakkavut danskisut oqaasillit, suleqativut, allallu suliamut attuumassuteqartut qujaffigerusullutigit, ukiortaarsiorluarnissaannillu kissaallutigit.
Tusarnaarluarisi.
Aallakaatitassiortoq / Tilrettelægger: Arnannguaq Gerstrøm
Speak: Arnannguaq Gerstrøm, Arnánguak Lyberth og Nive Nielsen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke & Krishna Kandasamy
Aaqqissuunneqarpoq / Redigeret: 15. december 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.