INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#198 TIU INUNA-mi / TIU hos INUNA
Use Left/Right to seek, Home/End to jump to start or end. Hold shift to jump forward or backward.
Nipilersorneq soqutigisaralugu - Aappariit TIU-meersut INUNA-mi
Immikkoortumi uani aappariit nipilersortartut TIU-kkunneersut nipilersornermik soqutigisaqaqatigiinneq - inooqatigiinnerminnilu toqqammaviliisimasoq isumassarsioqatigiiffiusorlu ingerlavigisimasartik pillugu, INUNA-mi studiorput Holstebromiittoq upernaap ingerlanerani pulaarlugu misigisalikkersaarfigivaatigut.
Soqutigisaqaqatigiinnerup aappariittut inooqatigiilersissimaneri, qanorlu aallartissimanersut - nipilersuusiortaleqqaarnermit tusarnaartitsisalernermut TIU-llu nipilersortartutut pinngornera tusarnaarsinnaavat.
Inuunerat pilluarnartumik allannguuteqaroq, ukiut pingasut matuma siorna angajoqqaanngorput immiussaminnillu aamma aappassaanik saqqummersitsillutik. Podcastimilu angajoqqaanngornerup nipilersortartuunerup qanoq kalluarneqarsimanera aammalu pingaartitat allanngorsimaneri - inuttut nipilersortartutullu oqaluttuarnerat pillugu tusarnaarparput.
Nipilersortartutut tusarnaartitsisarnermit unikaallareersimanerup kinguneranit nukissanik nutaanik aammalu nipilersornermik maqaasisimanerup kinguneranit aallartisaqqinnermi, sassaqqinnermi aammalu nipilersornerup ineriartorteqqissimanera tusarnaartartunullu tunniussinnaasat pillugit oqaluttuarput.
Musik som interesse – Parret fra TIU i INUNA-studiet
I denne episode dykker vi ned i historien om parret bag bandet TIU, der har musikken som deres fælles passion – og som i høj grad har været kernen i deres forhold og kreative rejse. Parret besøgte INUNA-studiet i Holstebro i foråret, hvor de delte deres personlige og musikalske fortælling med lytterne.
Vi hører, hvordan deres fælles interesse for musik førte dem sammen, og hvordan det hele begyndte – fra de første musikalske eksperimenter og små optrædener til dannelsen af TIU som band.
En skelsættende begivenhed i deres liv var, da de for tre år siden blev forældre. Samtidig udgav de deres andet album. I podcasten fortæller de om, hvordan det at blive forældre har påvirket deres musik og ændret deres prioriteter – både som mennesker og som musikere.
Efter en naturlig pause fra livescenen er de nu klar til at vende tilbage med ny energi og sult på scenelivet. De reflekterer over, hvad det betyder at stå foran et publikum igen, hvordan deres musik har udviklet sig, og hvad de håber at give videre til dem, der lytter.
Aallakaatitassiamik suliarinnittut / Tilrettelægger: Sara Fredsbo
Peqataasut / Medvirkende: Pernille Kreutzmann-Larsen & Ivik Kreutzmann-Larsen
Speak: Arnannguaq Gerstrøm & Sara Fredsbo
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Krishna Kandasamy.
Aaqqissuunneqarpoq / Redigeret: Maj 2025
INUNA podcast
Isiginnaartitsinermik suliaqarfiup, Nordisk Teaterlaboratorium-ip ilagaa, INUNA
podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.