INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#200 Orpippassuarmiu / Skovboer
Use Left/Right to seek, Home/End to jump to start or end. Hold shift to jump forward or backward.
Nauja orpippassuit iluanneeqatigalugu
Immikkoortumi uani Hornbækimi orpippassuit iluanniippugut. Tassani Nauja, pinngortitap qeqqani najugaqassalluni aalajangersimasoq, peqatigaarput - illoqarfissuup nipitooq ungasillugu.
Ukiuni 30-ngajanni Nauja aappanilu Bjarne orpippassuit iluanni, orpissuit timmiarpalaallu akornanni ukiup allanngoriartornerat qanimut malinnaavigalugit najugaqarsimapput. Uani aallakaatitami Naujap tassani inuunertik pillugu oqaluttuassaaq aammalu sooq tassunga nuukkusussimanerlutik.
Sulerisuuppammita? Suummita misigisarpaat?
Pinngortitaq, qanilaassuleq allaanerulaartumillu inuuneqarneq pillugu oqaloqatigiinneq tusarnaaruk
Midt i skoven med Nauja
I denne episode befinder vi os dybt inde i skoven ved Hornbæk. Her møder vi Nauja, som har valgt et liv i naturens favn – langt væk fra byens larm og tæt på det enkle og det ægte.
I næsten 30 år har Nauja og hendes Bjarne boet midt i skoven, omgivet af træer, stilhed og årstidernes skiften. I denne udsendelse fortæller Nauja om deres liv og hvorfor de har valgt at bo der.
Hvad laver de? Hvad oplever de?
Lyt med til en samtale om natur, nærvær og et liv udenfor normen.
Aallakaatitassiortoq: Arnanguak Lyberth
Peqataasoq: Nauja Grønvold
Speak: Arnannguaq Gerstrøm & Arnanguak Lyberh
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Petra Banke
Siullermik aallakaatinneqarpoq Maaji 2025-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.