INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#213 Peqqissuseq / Sundhed PTSD
Use Left/Right to seek, Home/End to jump to start or end. Hold shift to jump forward or backward.
INUNA peqqissuseq - aallakaatitami uani Sara aamma Najaaraq eqqartueqatigiipput PTSD pillugu.
Inuiaqatigiit akornanni PTSD eqqartorneqarpiarneq ajorpoq inullu PTSD-mik atugaqartoq tamatigut takuneqarsinnaaneq ajorpoq - eqqugaasimasut nassuiaruminaatsumik ulluinnarminnik, eqqarsartariaatsikkut, misigissutsikkullu aqunneqarsinnaasarput.
Tusarnaagassiami uani Rachel-ip misiginikuusaminik avitseqatigissavaatigut inuuneranullu qanoq sunniuteqarsimanersoq tusagaqarfigissallutigu. Oqaloqatigiinneq imaqaqisoq ammasumik eqqartoripput tusarnaarluariuk, neriuppugut arlaatigut tarrarsorfigisinnaassagitit.
INUNA Sundhed - I denne episode snakker Sara og Najaaraq om PTSD, et emne som er både komplekst og ofte overset. PTSD er ikke altid noget man kan se - men det kan styre vores tanker, følelser og hverdag på måder, der er svære at forklare.
I denne episode deler Rachel sin personlige oplevelse med PTSD, og vi hører om, hvordan det har påvirket hendes liv – både på godt og ondt. Vi taler også om de symptomer, der følger med, og hvordan tanker kan tage styringen, selv når vi ikke ønsker det. Det er en sårbar og ærlig samtale, og vi håber, du kan spejle dig i noget af det, vi deler.
Allakaatitassiami suliarinnittut tassaapput:
Aaqqissuisoq / Tilrettelægger: Najaaraq Kriegel
Peqataasut / Medvirkende: Sara Fredsbo, Rachel Høeg Jørgensen aamma Najaaraq Kriegel
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Krishna Kandasamy
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.