INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#214 Ilinniartuuneq / Studielivet
Use Left/Right to seek, Home/End to jump to start or end. Hold shift to jump forward or backward.
Aallakaatitami uani ilinniariaqqinnerup silarsuaa sammissavarput, ilinniarnissaq kisimi pinagu, kisianni inuunermi nutaami qanoq aallarniuteqartarnersoq.
Ilinniariartunut amerlasuunut atuagassat pilersaarutillu kisimik pineqartarput, kisianni kalaallinut ilinniariaqqittunut ilaquttani, ikinngutini, oqaatsini kulturilu qimattariaqartarpaat.
Nunarsuarmi allami inuiaqatigiit ilisimasat assigiinngitsut, naleqartitat naatsorsuutigisallu akornanni nutaamik pilersitsineq qanoq pisinnaava?
Qanoq peqataalersinnaavugut?
Qanoq ililluni ilungersunartumik misigisarneq qaangerneqarsinnaava?
Tamakkua ilaatigut ullumikkut eqqartussavagut.
I denne episode dykker vi ned i studiestartens virkelighed – ikke bare som en ny begyndelse, men som en livsomvæltning.
For mange handler det om meget mere end skemaer og bøger. Det handler om at forlade sin familie, sit sprog og sin kultur for at starte et nyt liv i et fremmed land med andre normer, værdier og forventninger.
Hvordan tilpasser man sig?
Hvornår bliver man en del af fællesskabet – og hvad mister man undervejs?
Vi taler om identitet, ensomhed, forventningspres og de små – og store – forbrydelser man begår mod sig selv i forsøget på at passe ind.
Allakaatitassiami suliarinnittut tassaapput:
Aaqqissuisoq / Tilrettelægger: Najaaraq Kriegel
Peqataasut / Medvirkende: Sara Fredsbo, Anouk Holm Jensen aamma Najaaraq Kriegel
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Krishna Kandasamy
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.