INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#216 Sapiillisaarneq / At have mod
Use Left/Right to seek, Home/End to jump to start or end. Hold shift to jump forward or backward.
Misilissimanngikkukku misiliuk
Aallakaatitami uani Petra Jensen tusarnaarsinnaavarsi. Petra ataatamini piniartoq aalisartorlu peroriartorfigisimavaa. Meeraalluni anaanani annaassimavaa ataataminilu piniariartoq peqatigisarsimallugu, taamaasilluni sapiissuseqarnissaq piumassuseqarnerlu ilikkarsimavaa. Massakkut Danmarkimi najugaqarpoq ilinniariaqqilluni eventkoordinatoritut, takorloorpaalu siunissami kalaalillit nunaanni danmarkimilu suliumaarluni. Piorsarsiamassutikkut assigiinngiffeqaraluarluta tunissutaasinnaasoq periarfissanik tunisisuummat eqqartorpaa oqaatigivaalu ”misileerusukkuit misiliigit misilinngikkukku paasinavianngilat ilinnoornersoq”.
Spring ud i det, hvis du ikke har prøvet det før
I denne episode møder vi Petra Jensen der er opvokset hos sin far som var fanger og fisker i bydgen Saattut. Petra mistede sin mor som barn og har derfor været meget med sin far på fangst, og det har formet hende til at være selvstændig og viljestærk til at forfølge sine drømme om at videreuddanne sig. Nu er hun rejst til Danmark for at forfølge sine drømme om at blive eventkoordinator – med et ønske om at bygge bro mellem Grønland og Danmark. Hun oplever, at de kulturelle forskelle kan være en udfordring, men også en gave, fordi de åbner nye muligheder. Og hendes motto følger hende hver dag: ”Spring ud i det – hvis du ikke prøver det, ved du ikke hvad det er.”
Aallakaatitassiami suliarinnittut tassaapput:
Aaqqissuisoq / Tilrettelægger: Najaaraq Kriegel
Peqataasut / Medvirkende: Petra Jensen
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.