#219 Allannguisinnaavunga / Jeg kan lave om på det Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#219 Allannguisinnaavunga / Jeg kan lave om på det

September 02, 2025 • INUNA • Season 6 • Episode 219

Tamatta assigiinngilagut

Peqqissutsini pillugu qallunaat nunaannut nuussimavoq isumagilluarneqarnerlu misigalugu.

Utoqqalinersiat annertunerugaluartut ilaatigut akiligassat annertunerunerisa eqqarsartittarpaa nunatsinniiginnarsimaguni akissaatitigut allaanerungaarnavianngitsoq, takorloorsinnaanngilaali nunatsinnut angerlaqqinnissani ilaquttani pillugit uteqqissanngikkuni.

Immikkoortumi uani Liili Kleist qallunaat nunaanni najugaqarnini oqaluttuarivaa. Oqaluttuarisaasalu ilagaat qallunaat nunaanni eqqaamiuni kalaallit pissusaannik eqqarsartariaasiannillu iluarineqaqisumik paasititsiniaavigisimallugit.

Vi er alle ikke ens

Hun var flyttet fra Grønland til Danmark på grund af sit helbred og bliver behandlet godt.

Det er ikke sikkert at det bedre kan betale sig at bo her, da omkostningerne ved at bo i Danmark er højere, selvom pensionssatsen er højere, men hun kan ikke forestille sig at flytte tilbage til Grønland, medmindre det handlede om familien.

I denne episode fortæller Liili Kleist om at bo i Danmark. Et af emnerne hun snakkede om er hvordan hun har holdt oplæg om, hvordan grønlænderne er, hvordan deres tankegang er, for sine genboer i deres boligområde.

Allakaatitassiami suliarinnittut tassaapput:

Aaqqissuisoq / Tilrettelægger: Emanuel Hansen Frederiksen
Peqataasut / Medvirkende: Liili Kleist & Najaaraq Kriegel
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.