INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#220 Allutisumi meeraasimaneq / Barndom i Alluitsoq
Use Left/Right to seek, Home/End to jump to start or end. Hold shift to jump forward or backward.
Hansine kujataani nunaqarfimmi Alluitsuminngaanneersuuvoq. Taannalu suli uummammioralugu ukiuni 30-t missaani Fredericiami najugaqarsimavoq. Tiguarteqqalluni Alluitsumi meeraasimanilikkersaarpoq - tassani ulluinnani inuunerisimasartik, pinngortitaq ataqatigiissuserlu oqaluttuaralugit. Pisiniarfimmukariaannaasimanngillat, taamaammallu tassani najugallit pinngortitap pissarititaanik atorluaallutik piareersartarsimapput. Taamatut inuuneqarneq ataqatigiisitsillunilu ileqqunik nassataqarpoq, tamakkulu Hansinap inuunini tamaat attattuarsimavai.
Hansinap naleqartitat taamani ilikkarsimasai pillugit eqqartorpai, taakkulu suli inuunermini atugasai. Oqaloqatigiinneq ilaatigut sorlaqarfinnut eqqaamasanullu tunngasuuvoq.
Hansine kommer fra den lille sydgrønlandske bygd Alluitsoq, et sted hun stadig bærer med sig i hjertet, selvom hun nu har boet i Fredericia i omkring 30 år. Hun deler levende erindringer fra sin barndom og opvækst i bygden – om hverdagen, naturen og sammenholdet. At bo et sted, hvor der var langt til den nærmeste butik, betød, at familien måtte udnytte de ressourcer, der var i naturen og samle forråd til vinteren. Det var en livsform, der skabte stærke bånd og traditioner, som har fulgt Hansine hele livet.
Vi taler med Hansine om, hvordan de værdier, hun lærte dengang – respekt, nærhed og fællesskab – stadig præger hendes liv i dag. Det bliver en samtale om rødder, erindringer og om at finde sin plads mellem to verdener.
Aaqqissuisoq / Tilrettelæggelse:
Peqataasut / Medvirkende: Hansine Josenius & Arnanguak Lyberth
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.