INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#224 Nuuttariaqarneq / At måtte flytte
Use Left/Right to seek, Home/End to jump to start or end. Hold shift to jump forward or backward.
Danmarkimut nuunnissaq periarfissatuaavoq
Frida-Mettep uia pinartumik napparsimalermat Danmarkimilu nutaamik uummatilernissamut allatsittariaqarlermat inuunerat tassanngaannaq allanngorpoq. Frida-Mette meeqqanilu nunatsinniipput ilinniarninilu ingerlatileruttorlugu ilaqutariiullutik aalajangerasuartariaqalermata: Danmarkimut nuunnissamik.
Nunatsinni toqqissisimaffiup sungiusimasallu qimattariaqalernerat sakkortunaarsipput. Meeqqat ulluinnaq nutaaq, oqaatsit kulturilu nutaaq sungiunniartussanngorpaat. Ullumikkulli ilaqutariit Aarhusimi inissilluarsimapput inuuuneq nutaaq sungiukkiartuaarlugu.
Frida-Mettep aalajangernertik, unamminartitatik nunamilu allami najugaqalerneq pillugu oqaluttuartoq tusarnaaruk.
Ingen andre muligheder end at flytte til Danmark
Da Frida-Mettes mand blev alvorligt syg og stod på venteliste til et nyt hjerte i Danmark, ændrede livet sig på et øjeblik. Hun befandt sig i Grønland sammen med deres børn og var midt i sin uddannelse, da familien måtte træffe en livsændrende beslutning: at flytte til Danmark.
Det blev en hård omvæltning at forlade de trygge, velkendte rammer i Grønland. Børnene skulle tilpasse sig en ny hverdag, et nyt sprog og en ny kultur. I dag har familien dog fundet sig til rette i Aarhus, hvor livet langsomt har fået en ny rytme.
Lyt med, når Frida-Mette fortæller om beslutningen, udfordringerne og om at skabe en ny hverdag i et helt andet land.
Aaqqissuisoq / Tilrettelæggelse: Sara Fredsbo
Peqataasut / Medvirkende: Frida-Mette S Petersen
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.