INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#228 Qaamaneqartuaannarpoq / Der er altid lys forude
Use Left/Right to seek, Home/End to jump to start or end. Hold shift to jump forward or backward.
Immikkoortumi uani arnaq inuunermi annerpaartaa toqqissisimananngitsumik, allanngorartumillu inunnit allanit naleqqiullugu allatut inuuneqarsimasoq naapipparput. Inuunermini misigisarpasuani - meeraanermini meeqqat angerlarsimaffianni peroriartorsimanermit, nunaatilinni nersussuarnik uumasunillu allanik avatangiiseqarnermut, aammalu ukiuni arlalinni qallunaat nunaata aqqusinernatigut angalanerit oqaluttuarai.
Inuunerata immikkuullarilluinnartup oqaluttuassartaa, nukittussuseq misilittakkallu angerlarsimaffeqanngikkaluarluni inuuneranut malittaajuarsimasut tusarnaaruk.
I denne episode møder vi en kvinde, der har levet et langt liv uden de trygge, faste rammer, som mange af os kender. Hun fortæller om sine mange oplevelser – fra barndommen som børnehjemsbarn, til et liv på en gård omgivet af køer og dyr, og videre til årene på de danske landeveje.
Lyt med og hør hendes helt særlige livshistorie, hvor styrke og erfaring står som en rød tråd gennem et liv uden faste rammer.
Allakaatitassiami suliarinnittut tassaapput:
Aaqqissuisoq / Tilrettelægger: Arnánguak Lyberth
Peqataasoq / Medvirkende: Anne Kathrine Nielsen
Speaks: Nive Nielsen & Sara Fredsbo
Erinniat aamma nipit / Musik og lyd: Petra Banke, Arnannguaq Gerstrøm
Nipinik katiterisoq / Lydredigering: Emanuel Hansen Frederiksen
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa.
INUNA podcast, med har hjemsted i Nordisk Teaterlaboratorium.