INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#232 Meeqqanik arsaarinnittarneq / Tvangsfjernelser af børn del 4
Use Left/Right to seek, Home/End to jump to start or end. Hold shift to jump forward or backward.
Qallunaat nunaanni kalaallit angajoqqaat qitornaminnit angerlarsimaffiup avataanut inissinneqartarnerat pillugu immikkoortumi uani kingulliugallartumi sammineqarnerani Christiansborgip silataani akerliussutsimik takutitsisoqarnerannit immiussat sakkortusinnaasut tusarnaarneqarsinnaapput.
Angajoqqaat qasusuillutik sorsuttuartut misigissutsiminnik attortisimaqalutik aaqqissuisunik peqateqarlutik peqataapput.
Ilaatigut kamak, aliasunneq nukissaarunnerlu misigineqartarpoq, tamannalu aamma ersersinniarlugu anaanaasoq angerlarsimaffiup avataanut inissinneqarsimasunik qitornalik qasuersaartariaqalersimanerminik eqqartuisoq aamma angerlarsimaffianut pulaarlugu oqaluttuartinneqarpoq.
I denne episode tager vi fat på et tungt og vigtigt emne: grønlandske forældre, der har fået tvangsanbragt deres børn uden for hjemmet i Danmark.
Det er foreløbigt den sidste episode i rækken om dette emne, og du kan høre stærke og rørende optagelser fra demonstrationen foran Christiansborg.
Utrættelige forældre og arrangører deltog i en følelsesladet og begivenhedsrig demonstration fyldt med håb, sorg og kampvilje.
Nogle gange kan vrede, sorg og magtesløshed fylde alt – for at få et bedre indblik i disse følelser, besøger vi og taler med en forælder, der ikke længere har kræfter til at kæmpe videre.
Allakaatitassiami suliarinnittut tassaapput:
Aaqqissuisoq / Tilrettelægger: Sara Fredsbo
Peqataasoq / Medvirkende: Laila Berthelsen, Aká Hansen, og Anonyme
Speaks: Emanuel Hansen Frederiksen & Sara Fredsbo
Erinniat aamma nipit / Musik og lyd: Petra Banke, Arnannguaq Gerstrøm
Nipinik katiterisoq / Lydredigering: Emanuel Hansen Frederiksen
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa.
INUNA podcast, med har hjemsted i Nordisk Teaterlaboratorium.