INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#248 Grønlandske og Arktiske Studier
Immikkoortumi uani Grønlandske og Arktiske Studier, Københavnimiittoq septembarimi pulaarnera tusassassavarput.
Ilinniarfik Kalaallit Nunaata oqaluttuarisaaneranik, inuiaqatigiit aaqqissuussaannerannik oqaatsinillu ilinniarfiusoq qanoq aaqqissuussaanera sunillu anguniagaqarnera tusassavarput.
Suleqatigiit Naja Blytmann Trondjem aamma Frank Sejersen oqaloqatigaavut, oqaloqatigiinnerlu kalaallisut danskisullu ingerlalluni.
Tusarnaarluarisi.
I denne episode kan I høre om vores besøg på studiet, Grønlandske og Arktiske Studier, som ligger i København.
Studiet indeholder læren om Grønlands historie, samfund og sproglære, og i episoden kan I høre om hvordan studien er tilrettelagt og hvilken formål den har.
Kollegaerne Naja Blytmann Tronhjem og Frank Sejersen er med på samtalen, som foregår både på grønlandsk og dansk.
God fornøjelse.
Tilrettelægger og optagelser: Mia Skifte Lynge
Klipper: Nive Nielsen
Speaks: Sara Fredsbo og Emanuel Hansen Frederiksen
Lyd og teknik: Emanuel Hansen Frederiksen
Udkommet december 2025
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa // INUNA podcast er en del af Nordisk Teaterlaboratorium