Með lífið í lúkunum
Í hlaðvarpinu Með lífið í lúkunum fær HeilsuErla til sín einstaklinga úr ýmsum áttum sem hafa þekkingu á fjölbreyttum sviðum heilsu og einnig fólk sem hefur á einn eða annan hátt jákvæð áhrif á samferðafólk sitt.
Markmiðið er að skapa rými fyrir einlægt og opið spjall til þess að kynnast sem fjölbreyttustum leiðum til þess að huga að heilsunni. t.d. varðandi geðheilsu, líkamlega heilsu, mataræði, svefn, raddheilsu, tannheilsu, fjárhagslega heilsu, sköpunargleði, kynheilbrigði og margt fleira.
Með lífið í lúkunum
Öndunaræfing 4-7-8. (Heilsumoli 3)
Heilsumoli dagsins er öndunar- og núvitundaræfing.
Öndunaræfingar aðstoða okkur við að slaka á og gleyma stað og stund. Öndunaræfingar róa taugakerfið og hugann, geta minnkað streitu og kvíða og bætt einbeitingu og svefn.
Með því að hafa meiri stjórn á önduninni verður öndunin dýpri og hægari. Með því er hægt að lækka blóðþrýstinginn, slaka á spennu í líkamanum og bæta heilsu hjartans.
Æfingin sjálf hefst á mín 1:17 og í lokin eru svo 3 mínútur af ,,þögn" til þess að halda æfingunni áfram sjálf.
Fylgdu HeilsuErlu á Instagram!