Myndugleikinn
Myndugleikinn er hugarfóstur Önnu Margrétar og Hjördísar Evu, sem báðar deila brennandi ástríðu fyrir því að læra, ræða og miðla þekkingu og reynslu til kvenna sem styður þær í að lifa lífi sínu á eigin forsendum. Í þáttunum taka Anna og Hjördís fyrir mikilvæg og oft vanrækt málefni sem tengjast konum í nútíma samfélagi, með áherslu á sjálfshjálp og persónulegan vöxt. Umræðurnar snúast meðal annars um þær kröfur og væntingar sem eru gerðar til kvenna í ólíkum hlutverkum, hvort sem það er í starfi, heimili, í foreldrahlutverkinu eða sem sjálfstæðir einstaklingar.
Þátturinn er ekki aðeins vettvangur fyrir gagnrýna umræðu um samfélagslegar staðalímyndir og þrýsting, heldur einnig hugsaður sem uppspretta innblásturs og leiðsagnar fyrir hlustendur sem vilja móta sín eigin hlutverk og skilgreiningar á eigin forsendum. Hugmyndin að baki Myndugleiknum er að hvetja konur til að skoða og endurmeta eigin stöðu og hlutverk í samfélaginu, án þess að láta utanaðkomandi þrýsting eða væntingar hafa of mikil áhrif.
Í hverjum þætti fá áheyrendur að kynnast nýjum sjónarhornum og reynslusögum sem varpa ljósi á hvernig sé hægt er að vera sönn við sjálfa sig í heimi sem er oft flókinn og kröfuharður. Sjálfshjálparmenning er oft full af hvatningu og “buzz words”, en í Myndugleikanum verður boðið upp á mikilvæg samtöl um hvað þessi “buzz words” þýða og hvernig er hægt að raungera þau í sínu eigin lífi.
Þau málefni sem tekin eru fyrir eru meðal annars meðvirkni á vinnustöðum, að setja sér og öðrum mörk, að hlusta á eigið innsæi og hvað í ósköpunum það þýðir að setja sjálfa sig í fyrsta sæti.
Myndugleikinn
JólaMyndugleikinn
•
Myndugleikinn
•
Season 2
•
Episode 9
Use Left/Right to seek, Home/End to jump to start or end. Hold shift to jump forward or backward.
Í þessum síðasta þætti ársins ræðum við jólahavaríið sem við týnum stundum sjálfum okkur í, lélegar (stundum hrikalegar) jólagjafir frá vinnustöðum og hvernig við getum haldið í jólagleðina.
Takk fyrir samfylgdina á árinu kæra Myndugleika samfélag. Hlökkum til fleiri samtala á nýja árinu!