.jpg)
Edder & Galle
Ole Morten Hobberstad og Per Tore Salte tek deg med på ei engasjerande og innsiktsfull reise gjennom Bryne FK. I denne vekelege podkasten set duoen fokus på klubben – både på godt og vondt. Dei analyserer kampane, deler erfaringar, og har spennande gjester. I tillegg tek podkasten opp tema som er viktige for lytterne, og dei er alltid ute etter spørsmål og innspel frå lytterne om kva dei ønskjer at skal bli tatt opp i episodane.
Edder & Galle
Start, Bryne og OBOS-ligaens drama i fokus
I denne episoden av Eder & Galle får Hobberstad og Salte besøk av Tom Iversen frå Start en pod. Samtalen dreier seg om klubben Start, spesielt i moderne tid, der det ikkje manglar på drama. Dei diskuterer klubbens reise gjennom både oppturar og nedturar, frå skandalar til håp og tru på betre tider, berre for å oppleve nye skandalar. Episoden gir eit grundig bilete av dei ulike utfordringane Start har stått overfor, både sportsleg og utanfor bana.
Dei kjem også innom den kommande kampen mellom Start og Bryne, som skal spelast på laurdag, og kva dei trur utfallet kan bli.
I tillegg til diskusjonen om Start, tar Hobberstad og Salte for seg situasjonen i Obos-ligaen generelt. Dei spekulerer på kva lag som kjem til å rykke opp til Eliteserien, kven som må kjempe i kvalik både opp og ned, og ikkje minst kva lag som må ta den tunge turen ned til PostNord-ligaen basert på dei siste resultata i serien. Det er ein god dose fotballnerding, krydra med sterke meiningar og analyser av korleis tabellen kan sjå ut ved sesongslutt.