Hello 大家好 歡迎返到嚟新一期嘅Canto Be Like Listening Exercise 咁希望大家已經聽咗我哋嘅Chit Chat 咁喺英文就有一個大概關於呢個聆聽練習內容嘅一個idea啦
咁喺開始之前呢我想提醒下大家可以將你嘅對呢個節目嘅評價 或者可以改善嘅地方話畀我聽啦咁我喺下面評論下面就link咗一個DM me for comment and idea嘅link啦咁如果你點開咗佢就會出現咗你Messenger App 或者Android其他Text App嘅一個功能 咁你就可以send一個免費嘅Text畀我咁我就會收到你嘅留言啦唔該曬大家
咁事不宜遲我哋就開始今日嘅聆聽練習啦咁首先我會講一講港鐵巴士小巴天星小輪同埋叮叮有咩唔同啦 有咩好處同埋唔好處之後我哋會講一講八達通Octopus Card。
咁首先我哋講一講MTR啦，咁香港人就叫佢做港鐵或者Tuen Ma Line,咁如此類推啦,咁我哋就係咁樣稱呼佢嘅。而佢亦都可以話係香港最常見嘅交通工具之一，因為搭鐵路係唔會塞車啦，咁對於返工嘅人嚟講呢，上班一族嚟講呢，就係一個好好嘅選擇。唔會遲到亦都唔使擔心冇車呢個問題。
我自己啱啱喺英國搬返香港嘅時候都最鍾意搭鐵啦，因為佢好快至舒服同埋好便捷，但亦都有個唔好處，就係如果你係早晚高峯 peak hours 嘅時候去搭港鐵嘅話呢，你需要企人迫人咁企，好似沙丹魚咁，亦都好難去搵到一個座位去坐。
而港鐵有一種特別嘅文化叫關外座文化，priority seat culture。就係關外座，priority seat，淨係會畀老人家孕婦或者有明顯可見嘅殘疾人士去坐啦，如果一般人坐嘅時候好容易會有人去話佢：“喂,你做乜坐關外座呀”。所以會有個好搞笑嘅現象，就算車廂好迫都冇人去坐呢啲關外座，以免會畀人鬧或者更差可能畀人拍片擺上網公審。
我自己覺得朝早搭地鐵返工最大嘅唔好處就係唔可以好好咁享受我返工嘅路程嘅寧靜，我可能要轉兩到三次線先可以去到我嘅辦公室啦，我就唔可以將可能一條youtube嘅片睇完或者慢慢坐係位度去睇一本書，我自己因為咁嘅原因就慢慢開始坐搭巴士啦。
巴士有個好處比起地鐵， 佢嘅好處就係你會可以靜靜地坐係位度睇風景。香港係一個好靚嘅城市，有好多好靚嘅山路或者好壯觀嘅風景啦，可以喺你返工嘅路途上或者去見friend嘅路途上睇到啦。譬如可能你喺九龍過香港嘅時候你就可以欣賞到維港嘅美麗景色，我自己就非常鍾意搭巴士嘅過海嘅時候，過海嘅意思就係我哋香港人叫cross the Victoria Harbour 就係由九龍去香港島或者香港島過九龍，呢個我哋稱之為過海。
咁過海嘅時候呢其實有好多人唔知搭巴士係平過搭地鐵幾多嘅所以係一個比較實惠嘅方式去過海。
除此之外巴士亦都比地鐵舒適，因為好多時候你都可以喺位度坐，甚至乎有啲新嘅巴士係會有USB port，而我搭過嘅機場巴士呢就會有一個可以畀你調教嘅座位，你可以將你嘅椅背向後移，咁令到你嘅旅途更加舒適。好多時候一程巴士就可以由你嘅出發地點去到你嘅目的地，咁你就可以用喺巴士嘅時間去休息瞓覺或者去做自己嘢，咁亦都係一個非常之大嘅好處。
咁當然巴士亦都會好受交通狀況嘅影響同埋路況嘅影響，咁可能如果有塞車嘅時候就會出現延誤delay，咁政府亦都有為咗呢件事而作出一定嘅努力，佢好耐之前運輸處已經設立咗巴士專綫 （bus lane that is specific for buses exclusive for buses） 去解決呢個問題，令到搭巴士嘅乘客會比私家車嘅乘客咁快咁去搭到目的地。
所以我認為如果你追求舒適度，而又可以遇到足夠嘅時間去返工，或者你只係喺非繁忙時間去街嘅話，其實巴士會比鋼鐵係一個更加好嘅選擇。而同巴士好似，但係令到好多唔識講廣東話嘅人唔敢搭嘅交通工具呢就係小巴。
小巴好多時係新界或者偏遠啲地區，搭佢嘅乘客好多時就係住喺附近嘅人，所以佢係冇報站系統，你要自己好警覺咁留意街景，知道幾時落車。而好多小巴係冇設有一個落車制，就係一個停車按鈕，咁你就要叫：“有落!” 即係請停車。咁司機就會舉起佢嘅手去同你講佢聽到， 而佢會停車。咁如果佢冇舉手嘅話呢，好大機會會出現一件好不幸嘅事情： 咁就係“飛站”啦 （Skipping the stop）。 咁佢可能就真係唔停站，而你就去唔到你想去嘅地方，咁係一件都幾頭痕嘅事情嚟嘅。
咁總結一下呢三種香港人最常用日常出行嘅交通工具：就係港鐵巴士同埋小巴啦。 但係我哋亦都有一啲比較冷門嘅交通工具：譬如叮叮（Trams on the Hong Kong Island） 同埋天星小輪（Star Ferrys ）
咁其實係香港島專門獨有嘅交通工具 which is tram啦。廣東話我都唔知係叫咩，可能大概可以譯做纜車咁嘅一個譯法啦。 但係我哋香港人呢， 淨係叫佢做叮叮嘅 ，因為當佢到站嘅時候你就會聽一聽到叮叮叮咁樣啦， 咁我哋就會叫佢做叮叮啦， 係一個好親切嘅叫法。
咁我覺得叮叮係非常之適合遊客去環遊香港島一個交通工具， 因為佢可以以好低廉嘅價格令你可以遊遍香港島 ，可能由柴灣區去到堅尼地城都係五蚊內可以做到嘅一件事。 但作為一個趕時間嘅人呢， 叮叮就未必係一個好嘅選擇啦， 因為佢其實比一般嘅車速係慢好多好多， 而停嘅站亦都非常之多嘅， 咁如果你係趕住去見朋友或者返工， 就唔會建議你搭叮叮。我一般都係帶住一本書想好平靜咁樣去度過一日嘅時候先會去搭叮叮。 咁佢就係一個比較適合遊客同埋假日嘅交通工具。
而另外一種同叮叮相似而又深受遊客喜歡嘅交通工具， 就係天星小輪Star Ferry， 咁佢係一個過海（Cross Harbor）嘅好好的方法啦 。佢可能可以由中環或者灣仔出發去到尖沙咀碼頭，非常之接近好多嘅遊客景點， 每次我有朋友嚟香港探我，我都會帶佢哋搭天星小輪。而我去約會嘅時候， 我都會同啲男仔可能搭下天星小輪，吹下水傾下計咁樣 所以係一個幾好嘅約會方式。
咁講咗咁多交通工具，等我哋嚟講下一個非常之相關嘅話題：就係八達通啦。八達通就係香港人嘅MetroCard，佢可以令你乘搭任何嘅交通工具， 你只需要喺一個港鐵站入面畀50到100蚊去買一張八達通，然後增值TOPUP一定嘅金額，咁你就可以冇障礙咁樣喺香港四圍走㗎啦。
但係八達通同其他城市嘅MetroCard唔同嘅一點，就係除咗交通工具之外，你喺商舖，譬如：7-11、餐廳、超市、或者甚至係一啲小鋪頭，你都可以用佢嚟畀錢嘅。 你可以將佢想像為一張記賬卡（debit card)咁 ，可以入咗錢就可以唔係唔同嘅地方同場合使用, 係香港人手一張嘅卡。
而因為而家電子數碼化，我哋會將實體嘅八達通，Physical Octopus Card變成電子八達通，喺八達通App入面用Apple Pay去畀錢。如果你係長期住喺香港，我非常建議你去用電子八達通，而唔係一張實體卡，咁你需要增值嘅時候就唔使排隊，非常之方便。
如果你有小朋友喺香港嘅學校到讀書，無論係本地學校、私立學校、國際學校、定係大專、專上學院、譬如大學、同埋一啲教育課程，你可能都可以去申請一張學生八達通，咁你搭港鐵嘅時候就會有半價。如果你是一個交換生（exchange student) 我都希望你去校務處去申請呢一張八達通，你喺香港周圍去嘅時候 就可以方便同埋便宜好多。
為呢一集嘅收尾，我同大家分享一個我嘅童年故事：我細個嘅時候係冇電子八達通，所以我搭交通工具，搭巴士，搭地鐵，嘅時候都需要一張兒童八達通。 佢其實係一張粉紅色嘅卡，都幾可愛。好似我頭先話，去攞一張實體八達通，你需要畀按金 （deposit) 嘅，我就會偷偷地咁攞住張八達通返港鐵站地鐵站，同個職員講我想攞返我嘅按金，佢就會畀返50蚊我，然後我就會同媽咪講：“媽咪媽咪我唔見咗張八達通”。 我媽咪又會去買過張畀我，於是我可能會半年做一次一個咁嘅退還頂金嘅行為，我就會多咗50蚊零用錢。我都知我都幾衰幾衰嘅，但係衰（ in English is cheeky ），但係嗰陣時小朋友想要錢，無辦法啦。
好，咁今日嘅聆聽練習就去到呢度啦。希望大家鍾意今期嘅內容，咁好似我係Chit Chat果集咁講啦，你可以喺description到去DM返我去講返你想學嘅topics 同埋你對呢個Canto Be Like嘅一啲comments 都可以話畀我聽嘅。
咁我仲有一條link係support me here嘅link啦，咁我都會好appreciate你可能會有一個donation 或者一個subscription嘅，因為之後我可能都會出一啲bonus episode 或者premium content去畀大家啦。
咁我維持住基本可能 一個禮拜更3到4條嘅片嘅audio啦，咁呢個係大概而家我嘅commitment，我可以做到嘅程度。咁我哋之後會再adjust睇下點嘅。 因為Can To Be Like而家都係 is still in its infancy， 都係仲係一個BB仔，咁我都唔知以後會係咩方向 都希望可以幫到有需要嘅人。
而我自己確實可能都係用好多我嘅工餘時間去做一個節目，擺咗好多心機落去啦，咁我都想買一支好啲嘅mic去錄個好啲嘅音質畀大家聽。所以可能各種各樣嘅地方都需要少少資金，咁大家隨心啦，無都無所謂嘅，希望你會enjoy我呢個show啦 !
咁我哋下期再見啦。 咁我會分享一啲關於Getting around Hong Kong， 一啲關於交通嘅詞彙同埋佢嘅讀音用法，同埋一啲常用嘅句子。
希望可以幫到你學廣東話同埋香港嘅文化，咁好我係Venus下次見拜拜！
.png)
