لماذا يترك الأطباء سرطان البروستات بلا علاج؟ | الدكتور مضر نزار في بودكاست شنو الصحة؟

هل يجب علاج سرطان البروستات فور اكتشافه؟ أم أن العلاج في بعض الحالات قد يسبب للمريض ضررًا أكبر من السرطان نفسه؟

في هذه الحلقة من بودكاست شنو الصحة؟، نستضيف الدكتور مضر نزار حسن، استشاري جراحة المسالك البولية والجراحة الروبوتية، لنفهم منه أمراض البروستات والكلى بعيدًا عن الخوف والمعلومات المتداولة غير الدقيقة.

يوضح الدكتور مضر أن سرطان البروستات ليس نوعًا واحدًا؛ فبعض أنواعه بطيئة النمو إلى درجة أن المريض قد يعيش معها طوال حياته من دون أن تؤذيه، بينما توجد أنواع أخرى تحتاج إلى التدخل والعلاج. لذلك، لا يعني تشخيص سرطان البروستات بالضرورة أن المريض يحتاج إلى عملية أو علاج فوري.

نناقش في الحلقة متى تكون المراقبة الطبية أفضل من العلاج، ولماذا قد يؤدي العلاج غير الضروري إلى آثار جانبية تؤثر في جودة حياة المريض، مثل سلس البول وضعف الانتصاب. كما يشرح الدكتور الفرق بين الجراحة والعلاج الإشعاعي، ولماذا لا يكون استئصال البروستات دائمًا هو الخيار الأفضل.

ويتحدث الدكتور عن تحليل PSA، وما الذي يعنيه ارتفاعه، ولماذا لا يُعد تشخيصًا مؤكدًا للسرطان؛ فقد يرتفع أيضًا بسبب تضخم البروستات أو التهابها. ونناقش دور الرنين المغناطيسي في تقليل الخزعات غير الضرورية، وأهمية الحصول على رأي طبي ثانٍ قبل اتخاذ قرار قد يغيّر حياة المريض.

كما تتناول الحلقة:

• ما هي البروستات وما وظيفتها في جسم الرجل؟
• لماذا تتضخم البروستات بعد سن الخامسة والأربعين؟
• متى يحتاج تضخم البروستات إلى علاج؟
• ما أعراض تضخم البروستات وانسداد مجرى البول؟
• هل سرطان البروستات يسبب أعراضًا في مراحله المبكرة؟
• متى يُنصح بإجراء تحليل PSA؟
• كيف نفرّق بين سرطان البروستات البطيء والعدواني؟
• ما مخاطر الاستعجال في علاج سرطان البروستات؟
• متى تكون الجراحة مناسبة، ومتى يكون الإشعاع أفضل؟
• كيف تدخل الجراحة الروبوتية في علاج أمراض البروستات؟
• لماذا تُعد جودة حياة المريض جزءًا أساسيًا من قرار العلاج؟

وننتقل أيضًا إلى صحة الكلى وحصوات المسالك البولية، لنتعرف على:

• لماذا تنتشر حصوات الكلى بكثرة في العراق ودول الخليج؟
• ما علاقة السمنة والسكري ومقاومة الإنسولين بتكوّن الحصوات؟
• ما نوع حصوات الكلى الذي يمكن إذابته بالأدوية؟
• لماذا لا يمكن إذابة حصوات الكالسيوم بالمشروبات أو الأدوية؟
• هل عصير البقدونس وماء الشعير يعالجان حصوات الكلى فعلًا؟
• كيف قد تزيد الماتشا والشاي الثقيل من استهلاك الأوكسالات؟
• هل الإفراط في فيتامين C قد يزيد خطر تكوّن الحصوات؟
• ما علاقة اليوريك أسيد بحصوات الكلى؟
• متى تحتاج الحصوة إلى الليزر أو التفتيت أو التدخل الجراحي؟
• لماذا لا تكفي قراءة الكرياتينين وحدها لتقييم وظائف الكلى؟

حلقة مليئة بالمعلومات التي قد تغيّر فهمك لصحة البروستات والكلى، وتساعدك على طرح الأسئلة الصحيحة قبل اتخاذ أي قرار علاجي.

تنبيه: المعلومات الواردة في هذه الحلقة للتوعية والتثقيف الصحي فقط، ولا تُعد بديلًا عن التشخيص أو الاستشارة الطبية المتخصصة. قرار المتابعة أو العلاج يختلف بحسب حالة كل مريض وتقييم الطبيب المختص.

لا تنسَ الاشتراك في القناة وتفعيل زر التنبيهات لتصلك جميع حلقات بودكاست شنو الصحة؟.

أجزاء الحلقة:
0:00 المقدمة
1:36 ما هي البروستات ولماذا فقط عند الرجال؟
4:21 الأعراض ومتى تبدأ المشاكل
5:50 الهرمونات والتضخم
7:18 PSA والكشف المبكر
12:10 التغذية والمكملات
15:12 التاريخ العائلي ونمط الحياة
19:58 أنواع سرطان البروستات وعلاجه
26:15 MRI والذكاء الاصطناعي في التشخيص
31:01 أهمية الرأي الثاني وعدم الاستعجال
37:42 الجراحة الروبوتية
45:15 الكلى ووظائفها
49:49 حصى الكلى: الأسباب والأنواع
54:38 حصى اليوريك أسيد القابلة للذوبان
59:21 الكالسيوم والصوديوم وفيتامين C
1:02:55 خرافات: البقدونس والحلبة
1:04:51 الشاي والماتشا والأوكسالات
1:08:00 علاج الحصى: ليزر، موجات، جراحة
1:15:15 الدعامة وآثارها
1:19:24 حصى المثانة وتضخم البروستات
1:24:40 جودة الحياة وإحصائيات الحصى

——————
للتواصل معنا عبر الايميل
Email: info@alphacast.ae

حسابات ألفا كاست
https://www.instagram.com/alphacast.official/
https://www.tiktok.com/@alphcast.official

حساب بودكاست شنو الصحة على الانستغرام 
https://www.instagram.com/shenoelseha.podcast/

للتواصل مع سيف الياسي:
https://www.instagram.com/saifalyasi/
https://www.tiktok.com/@saifalyasi_

للتواصل مع الدكتور مضر نزار
https://www.instagram.com/dr_mudhar_n_hasan/?hl=ar


#شنو_الصحة #سرطان_البروستات #تضخم_البروستات #حصوات_الكلى #صحة_الرجل #المسالك_البولية #الفا_كاست #بودكاست

Transcript

Copy Transcript Copied

واحدة من الـ... المواضيع جديدة الماتشا. إيه. أو الماتشا هذه يعني موضوعي المفضل. الماتشا غنية بالأوكسالات أكثر من الشاي، وخصوصًا يجيبوها الأوراق هي من الورقيات يطحنوها كلها. هسة الشاي تاخذه أوراق غير مطحونة، الماتشا تنطحن. زين؟ خصوصًا هسة أنا أكثر من مريضة عندي ذولي الشابات هسة خاصةً دائمًا يحبون يطلعون بالـ- برا ويشربون ماتشا وما أدري شنو، يجون عندهم حصوة مثلًا وتسألهم مثلًا تدخل بالمواضيع، تقول لك أنا يومي أشرب ماتشا. مو مضاد للأكسدة وزين للبشرة وهذي، إي هذا زين هو بس يعني هو نرجع للكميات يعني. عندهم حصوة بالكلى. إي، زين، وتخفف عليهم الماتشا والما أدري شنو، هذي تشوف تخف الموضوع. هذه خطيرة المعلومة. إي. السلام عليكم. الرجال غالبا يراجعون طبيب المسالك البولية بعد فوات الأوان، لما يبدأ البول يضعف أو الألم يصير ما يحتمل أو يسمع كلمة عملية. لكن السؤال الحقيقي هل تبدأ المشكلة في البروستاتا والكلى أم أنها بدأت قبل سنوات داخل عملية الأيض ونمط الحياة؟ في هذه الحلقة من بودكاست شنو الصحة نستضيف دكتور مضر نزار حسن استشاري جراحة المسالك البولية والروبوتية، وتحدثنا وياه عن موضوع تضخم البروستاتا، سرطان البروستاتا، حصى الكلى، وحصى المثانة وطرق علاجها وأمور أخرى مهمة جدا. انصدمت بهذه الحلقة بعدة مواضع بأخبار وأمور كنا نتخيلها عادية ولكن... مثلا موضوع الماتشا، موضوع الأكلات اللي تأثر، ارتفاع الكرياتينين، ارتفاع اليوريك أسيد، تفاصيل مهمة جدا نسمعها لكن ما كنا نعرف بها وبتفاصيلها، فكلها راح ترجعوا تشوفوها وتلقوها بهذه الحلقة من بودكاست شنو الصحة. أحب أشكركم دائما على اهتمامكم وتشجيعكم لنا لنجاح هذا البودكاست. لا تنسون الاشتراك بالقناة حتى توصلكم جميع حلقات بودكاست شنو الصحة. والآن خلونا نشوف شنو الصحة. حياك الله دكتور. أهلًا وسهلًا. نورتني بـ Podcast شنو الصحة؟ شكرًا لقبول الدعوة. بالعكس واجب هذا. الله يخليك. آآ دكتور أنت تخصصك آآ جراحة- مسالك بولية. مسالك بولية. نعم. إحنا استضفنا دكتور قبل بس كان تخصص شوية subspecialty غير. أنت هسة بالنسبة إلك لا، اليوم راح نحكي على مواضيع شوي ما تطرقنا لها- نعم. ومهمة. وأريد أعرف شغلة اللي هي الـ prostate. شنو هي الـ prostate وليش بس الرجال عندهم؟ سؤال جيد. نجي بالسؤال الثاني ليش بس الرجال عندهم؟ آآ شوف الـ prostate جزء من الجهاز التناسلي للرجل، هي غدة صايرة أسفل المثانة، يمر منها الإحليل اللي يطلع الـ bowl إلى الخارج. وظيفتها إفراز ستين إلى سبعين بالمئة من السائل اللي يطلع بالقذف، وهذا يحتوي على الغذاء المفيد للحيامن المنوية. هذه الوظيفة الرئيسية هي أحيانا ناس تقول لك شنو وظيفتها؟ من تجي بعدين مريض تشيل الهيأ يقول لك زين وليش الله خالقها؟ لا، بها وظيفة مهمة لأنه جزء من الجهاز التناسلي والتكاثر، فهذه وظيفته. قلت لك أسفل المثانة يمر بها الإحليل حتى البول يطلع للخارج. زين، فتعريفها هي غدة نقدر- غدة تقع أسفل المثانة، يمر من خلالها البول وتكون مسؤولة عن الإفراز السائل اللي يطلع مع القذف. القذف ستين سبعين بالمئة هو سائل من البروستات بمواد غذائية للحيامن حتى تعيش وتمشي. السائل اللي تمشي به الحيامن، مو الحيامن. لا مو الحيامن، الحيامن تطلع من الخصيتين، تكمل الطريق السائل اللي تمشي به وتأخذ منها تغذيتها. خل نقول قوتها الطاقة مالتها السائل هذا حتى تتحرك وتؤدي إلى الحمل بعدين. فهذه البروستات. هذه البروستات. فلذلك مو موجودة عند الـ- بالضبط لأن وظيفتها مختلفة. زين، شنو علاقتها بمقاومة الأنسولين؟ يعني هي ما علاقتها غير مباشرة مقاومة الأنسولين كثير الآن شافوا من الناس اللي عندهم مقاومة أنسولين، زين، عندهم مشاكل بالبروستات، صار نسبة تضخم البروستات تزداد مع الناس اللي عندهم مقاومة أنسولين والسمنة والسكري. البروستات هي عادة ما تسبب مشاكل إلى تقريبا خل نقول عمر الخمسة وأربعين الخمسين، تبدي نتيجة الخلل الهرموني اللي يصيب الرجل بهذا العمر، زين، أنا دائمًا أقول هذا العمر بالدورة توقف عند المرأة تبتدي عند الرجل، يبدي ما يقدر يبول، يقوم بالليل، ما يسيطر على البول، زين، يبدي التضخم، تضخم طبيعي في هذا العمر، بس اكو تضخم يسبب أعراض واكو تضخم ما يسبب أعراض. OK. حسب تضخم البروستات أحيانًا تتضخم لبرا فما تسد المجرى، فماكو مشكلة بالبول، واكو تضخم لا جوا يسد المجرى فيبدي لا ما يبول يعني يبول ما يفرغ فيروح أكثر من مرة، يقول لك مثلًا ما خلصت ولا شوية حسيت أروح مرة ثانية، بدأ يقطر، أكو ناس تقوم بالليل زين أربع خمس مرات. امم. أكو ناس تقوم مرة ويقدر ينام ما عنده مشكلة، وأكو ناس تقوم خمس مرات هم تقدر تنام، وأكو واحد يقوم مرة ما يقدر ينام، زين؟ هذا احنا جودة الحياة مهمة بتعريف شدة المرض يعني. OK. فإذا البروستات تبدي مشاكلها أو تبدي تدور عند الرجل بعد الخمسة وأربعين. إي تقريبا إي. شنو اللي يصير هو غير الهرمونات؟ هو الأندروجين هذا الهرمون الأندروجين اللي بالجسم يبدي... شنو هو هذا هرمون الأندروجين؟ جزء من الهرمونات الذكرية يعني اللي، اللي موجودة، زين؟ والبروستات هي هرمون معتمد على هذا الـ الأندروجين، يصير خلل بينه وبين الـ الاستروجين، زين؟ لأنه الـ الـ الرجل مثل المرأة اثنين عندهم تستوستيرون واستروجين، بس بنسب مختلفة، فهذا الخلل يبتدي بهذا الـ العمر يصير آآآ عدم اتزان بين الهرمونين، فتبدي تتضخم البروستات. لهذا أكو ناس تعتبره إنه هالـ يعني ليش دا يصير يتضخم، أقول له لا التضخم طبيعي، كل الرجال يصير عندهم تضخم. كلهم. إي بس بنسب مختلفة. شنو السبب الرئيسي اللي يختلف أنت عني، أنا عن غيري؟ ما حد يعرف بالظبط، يعني ماكو إجابة علمية واضحة. زين الـ التضخم هذا يصير يعني تحصيل حاصل، أي رجل بعد الخمسة وأربعين لازم يروح يفحص، صح؟ لا ما التضخم ما يحتاج فحص. احنا الفحص بعد الخمسين آآآ يكون فحص دم لغرض الكشف عن سرطان البروستات. OK. يعني إذا أنت- أنت بدون الأعراض ما تحتاج تفحص. يعني إذا ما عندك أعراض بس الغرض إنه تريد تفحص تشوف البروستات متضخمة أو لا، لا ما يهمنا، جزء متضخمة وأنت ما عندك أعراض، أنت بذاك الوقت ما تحتاج علاج، لأن احنا ما راح نعالج شي مـ يعني ما مأثر عليك. وهاي التضخم سببه اختلاف الهرمونات. نعم. إذا ما عندك اختلاف فـ آآآ بالهرمونات. أكو ناس، أكو ناس ما يصير عندهم تضخم. ليش قلت لك بدرجات مختلفة؟ إي. أكو تضخم خفيف جدًا، زين؟ وأكو تضخم لا شديد، فهذا هو الاختلاف الـ بيناتنا، يعني البشر مختلفين بالـ بالعمر، أكو ناس ما يصير عندهم أو الاختلاف طفيف خلينا نقول بالهرمونات، فما يصير عندهم تضخم، فتكون تشوف حجم البروستات هو نفس الحجم الـ الطبيعي اللي هو عند الـ الشاب اللي عمره عشرين إلى ثلاثين سنة يعني. OK. حتى الناس تسأل مثلًا الـ الحجم شنو الطبيعي يعني شلون... هو بالعشرين إلى ثلاثين حجمها خمسة وعشرين إلى ثلاثين غرام، يعني الجوز آآآ حبة آآآ الجوزاية هذا حجمها الطبيعي. أنت تحس بيها يعني؟ الشخص اللي عنده يحس بيها أو يعرف بيها شنو الأشـ الأعراض إذا عنده تضخم وأنت تقول جزء ما يـ، ما عنده مشاكل. لا إذا عنده تضخم ما عنده أعراض ما يعني ما تحس بيها أنت، ماكو شي تحس بيه، أنت شوكت تحس بيها؟ من تسد المجرى ذاك الوقت ما يتفرغ المثانة، فراح يصير يقول لك أنا أروح مثلًا عندي صعوبة أبدي البول. ياخذ وقت أطول، تدفق البول يصير ضعيف، ورا ما خلص تبدي تنزل قطرات. أني مثلًا قبل كنت أبول أربع مرات باليوم، هسة أبول عشر مرات باليوم، قبل ما كنت أقوم بالليل، هسة أقوم مرة، أربع مرات بالليل. هذي أعراض هي أعراض تضخم prostate. التنقيط ورا ما يكمل البول هذا- نعم، واحد من الأعراض. واحد من الأعراض. المفروض يعني ما ينقط الشخص. لا، لا المفروض أنت تفرغ، وحتى مثلًا إذا تقيس المثانة المفروض الـ الشيل الصح أنه المثانة بيها صفر بعدين مرة ما- تخلص. تخلص، إي. أكو ناس عندهم يبقى عشرة، عشرين حسب العمر مرات نقبل إنه عادي، مثلًا واحد عمره ستين، سبعين سنة يبقى عنده ثلاثين، أربعين ملي يعتبر عادي يعني، بس هو الطبيعي أنت، لأنه شنو المثانة؟ عبارة عن pump، زين، والـ prostate قدامه، فحتى تفرغ زين لازم ماكو انسداد بالمجرى، وهذا الـ pump يشتغل زين، زين، يضغط يطلع البول، فلازم يتفظي زين، بس هاي عملية معتمدة جزء منها عضلات الحوض كله. يعني أكو ناس مثلًا اللي عندهم مرنين عضلات حوضهم قوي، زين، وعندهم قوية حتى ت- يعني تساعدهم حتى لو عنده تضخم مرات الأعراض تتأخر مع التضخم ليش؟ لأن عضلات الحوض تسند الـ-المثانة، فالتفريغ يصير أسهل. هي هذه عضلات قاع الحوض قصدك أنت؟ قاع الحوض بالضبط إي إي. إي إي، لها تمارين خاصة. بالضبط إي هذه تمارين كيجل اللي النساء يسووها، رجال كثير يستفادون منها. وضعية القرفصاء التمارين وغيرها. فهذه اااه عضلات قعر الحوض هي تسند المثانة وتسند البروستات، فأحيانا حتى ناس عندهم تضخم البروستات بس لأنه هذه العضلات قوية تتأخر الأعراض أو ما تبين عندهم، لأن أكو قوة بالدفع فمهما يكون مقاومة بالطريق تفتح. تفتح بالقوة. إي. وتساعد المثانة هاي العضلات في الدفع. تساعد المثانة إي. هي العضلات لا إرادية المثانة مو لو إرادية؟ لا لا لا إرادية. لا إرادية إي. هو يعني مثل أنا مرات أشبه المريض أقول له هو نظام مثل كهربائي، أنت المثانة بيها حساسات لازم تنملي لمستوى معين، المثانة ترسل إشارات للدماغ، صار وقت البول، الدماغ يرسل إشارات للمثانة والبروستات ارتخي، عضل المثانة ارتخي، المثانة ادفع البول. أوكي. زين حتى يصير التفريغ. زين حبس الإدرار أو حبس روحات الحمام للرجال تأثر على تضخم البروستات أو مشاكل البروستات؟ على التضخم لا، بس يعني أكو ناس يعني أكو ناس يأثر عليهم وأكو ناس ما يأثر عليهم، يعني ما نقدر نقول بشكل عام أنه هو يأثر، أكو ناس تحبس البول وما عندها مشكلة وما يصير لها أي مشكلة، وأكو ناس تحبس البول يصير عندها التهابات مسالك بولية، يصير عندهم مشاكل بالتفريغ، آآآ قابلية المثانة، المثانة عندهم تكبر، بس هذا هو هذا الـ-الـ-الاختلافات الطبيعية بين البشر، يعني لهذا أكو ناس مثلًا مرات تحب تعمم الموضوع، لا لا تحبسون الإدرار، لازم تروح تفرغها للكل، أوكي ممكن ينطبق على قسم من الناس، أكو قسم من الناس ما ينطبق عليهم، مثل ما مثلاً أكو أكو أكلات معينة أو قهوة وشاي يؤثر على قسم من الناس بالتبول. يعني اكو ناس قهوة وشاي وبهارات زين تخليهم يتبولون هواي، يحس انه لا لازم اروح كل شوية اروح افرغ. بس هي مو مضرة هذي تعتبر؟ هي مضرة ايه بس لا اكو يعني يحسها اكثر من مضرة، يعني يحس انه متضايق لما يشربها، ياكل اكل ببهارات يتضايق زين، بس هناك هواي ناس تاكل بهارات وتشرب قهوة وتشرب غير شغلات ما عنده مشكلة حتى ما يحتاج يروح للحمام دائما يعني. هل شرب الماء بكثرة يساعد على الحفاظ على صحة البروستات؟ لانه لا لانه البروستات ما لها علاقة بالموضوع، حافظ على صحة الكلية ايه ممكن انه يغسل المسالك البولية دائما لانه تغسل هذا الصحة العامة بشكل عام ايه بس على صحة البروستات. احنا بعدنا بالبروستات. لا ما له ما له ما له علاقة. زين هو هل الها علاقة صلح لي أو لا يعني اثناء ما دا احضر الاسئلة وياك شفت على انه يعتبرون المشاكل اللي تصير بالبروستات مشاكل ايضية الها علاقة بالايض او بالتغذية يعني شنو الربطة هنا؟ نرجع هي مرات الـ الـ الأكل والـ والـ والتأثير على الـ الأيض بالجسم هو يأثر على الهرمونات بالنهاية. ولما يأثر على الهرمونات راح يأثر على البروستات. فأكو أكلات مثلاً معينة تكون ذات فائدة للبروستات أو تحسن وظائف البروستات. أكو حتى أعشاب ممكن ياخذها المريض يحسن التبول عنده يصير أحسن. أكو أكلات مثلاً يعني المواد اللي بالأكلة هي مهمة. مثلاً أكو مادة بالطماطة اسمها Lycopene مهمة جداً للبروستات. بس لازم مثلاً أنت ما تقدر تحصلها من طماطة واحدة. لازم يعني في دراسات يقولك لازم تاكل طن طماطة حتى تحصل الفائدة. يعني أنت ما تقدر تاكل طن طماطة. فتاخذ supplements مثلاً المريض يعني. وهذا موضوع supplements بالبروستات موضوع تشبير و ومتشعب يعني و في أغلبه ما بي أساس علمي يعني للأمور يعني. ترويج بس. ترويج أغلبه تجارة. بس هسة مثلاً واحد دا يسمعك عمره بالثلاثينات ويخاف يريد يحافظ على صحة البروستات مالته أو حتى اللي بالاربعينات. شنو أنت قلت وحدة من الشغلات اللي هي التحاليل. شنو هي التحاليل اللي تبين أنه هذا الشخص عنده مشكلة بالبروستات بغض النظر شنو هي المشكلة بس أنه أنت بالنسبة الك تباوع عليها تقرأها. أكو تحليل دم اسمه PSA هو مستضد يطلع من خلايا البروستات. هذا تحليل دم بسيط ينطينا فكرة عن البروستات. هو لأنه خاص بالبروستات يعني تضخم البروستات ممكن يزيده، التهاب أو احتقان البروستات يزيده، وسرطان البروستات يزيده. فلهذا احنا نستخدمه واحد من الأدوات اللي نكتشف بيها سرطان البروستات. لأنه أحياناً تكون زيادة ما تناسب حجم البروستات. فنحاول نعرف الأسباب زي ليش هذا زاد؟ شنو السبب وراه؟ فنحاول نسوي فحوصات حتى نعرف الـ... قلتلك عموما الأعمار الصغيرة يعني أنا بصراحة يعني إذا ما عنده أعراض ماكو داعي يفحص مثلاً هذا الـ PSA. PSA هو مخصص يعني يفيدنا أكثر الحالات إنه نكتشف حالات السرطان. ولهذا ينصح به من عمر الخمسين وفوق أو عمر الخمسة وأربعين إذا جان أكو تاريخ عائلي بالعائلة- وراثي يعني. أب أو أخ أو عم. عادة أقارب من الدرجة الأولى يكون عندهم زيادة الخطورة عشرة بالمية. أو في ناس اللي أصولهم أفريقية. لأسباب غير معروفة شافوا بالـ، خاصة هو الموضوع إجى من أمريكا الـ Afro American بأمريكا، زين، عندهم سرطان البروستات بعمر أقل ويكون شرس جداً. هذه، هذه الشريحة من البشر من عمر 45 يفحصون. زين، برأيك شنو؟ يعني يبدو إنه الموضوع جيني له علاقة بالـ بالجنس الأسود. أوكي. ما قلت لك يعني ماكو دراسات واضحة إنه ليه هذي الدولة أد خطورة أعلى من الـ من الناس الثانيين بالتطور، قد يكون له علاقة بأكل أسلوب حياة، يعني مثلًا قسم من الدراسات شافوا مثالًا الناس اللي باليابان من سنين طويلة قسم من الأمراض وقسم من سرطان البروستات كانت قليلة باليابان، بس من يهاجر لأمريكا ويعيش ورا جم سنة تصير نسبة الخطورة عنده مثل الأمريكي، معناه الأكل- الأكل. الـ environment اللي عايش بيه. نمط الحياة. نمط الحياة مالته، زين؟ هذا كله يأثر، بس هذا يحتاج له وقت حتى يبين. يعني مثل مثالًا سرطان البروستات، يعني أنا كنت عايش واشتغلت بالسويد 19 سنة، نادرًا ما أشوفه بأعمار صغيرة مثلًا بالدول الاسكندنافية، جيت هنانا مثلًا هنانا لا مرضى وايد منهم صغار صغير يعني إيش قد؟ يعني عمر تسعة وأربعين، ثمانية وأربعين سنة. هذا بالنسبة لسرطان البروستات يعتبر صغير. OK. إنه بادئ من وقت. هناك جيت أشوفه خمسة وخمسين، ستين. زين شنو المشترك بيناتهم؟ المشترك إنه أغلبهم يعني مو مثلاً تقول عرب أو أجانب، لا. المشترك إنه مثلاً عايشين هنا صارهم عشرة، خمسطعش سنة. فالسؤال هل هو شي أكو شي بالجو، بأسلوب الحياة هو دا يأثر؟ هو عموماً رجعنا لـ- لـ سؤالك إنه أنت شو تقول له حتى يحافظ على صحته. هو الأسلوب الصحي للحياة بشكل عام، جزء منه صحة الرجل والباقي الجسم. دائماً تقول له أنت تحرك، إذا ما تقدر تسوي رياضة امشي، اقطع التدخين، نام بالليل زين، فكر باللي دا تاكله. زين؟ أنت مو كل شي يعني... احنا ما شاء الله صرنا نلهم كل شي هسة. زين؟ إي فـ هي هذا أسلوب حياة صحي بشكل عام راح يكون تأثيره إيجابي على كل شي من ضمنه صحة الرجل. الـ-- أنا بس أريد أرجع على نقطة هاي، أريد أفهم الـ Afro American أنت قلت الأمريكان السود اللي عايشين بأمريكا. إي. بس هل إلها علاقة بالجنس إنه الـ- الـ Africans هم كلهم عندهم هذا الشي ولا بس للي عايشين؟ لا لا كلهم. هي ما هو قلت لك لأن هي الدراسات بدت يعني نتيجة الظروف في أفريقيا والدول يعني ماكو دراسات هاي بس لأنه شافوا الـ Afro American اللي موجودين هذا، فبنفس الوقت هسة انعكست هسة لما مكانات بأفريقيا صار بيها الفحوصات متوفرة وهذا لا تشوف الموضوع لا فعلاً هم في عمر أصغر يـ- يصير عندهم ويكون قلت لك حتى شرس أكثر يعني. يعني تشوفه بعمر أصغر مو بس عنده سرطان البروستات ومراحل متقدمة. لهذا هم تشوف خمس سنين قبل ذولا يبدون يفرزون. تنصح بالكشف المبكر؟ شوف الكشف المبكر أنا هسة أحشي على سرطان البروستات بالتحديد. إي خلنا نفتح الموضوع. إي. بي إيجابيات وسلبيات. ليش؟ الـ... وايد من سرطان البروستات بطيء النمو جداً. وحتى مرات ما نريد نكتشفه أصلاً حتى لا يدخلنا بدوخة والمريض يدوخ. فنحاول نكتشف شنو السرطان اللي راح يتطور ويحتاج علاج. OK يعني بالـ prostate ولا خارج الـ prostate هنا؟ لا، لا بالـ prostate نحنا. ولهذا حالياً ماكو دولة بالعالم تنصح بالـ screening للسرطان الـ prostate، لأن نقاش صار له عشرين سنة على الموضوع. إذا سوينا screening شقد راح نفحص، شقد راح نكتشف، شقد راح يستفيدون من هذا الكشف؟ أكو حسابات أحياناً بالدول الغربية، آآآ حسابات الكلفة، حسابات الـ... هواية أمور تدخل بهذه الحسابات، اللي حالياً ماكو دولة يعني كلمة آآآ screening مو موجودة بأي مكان بالبر-سرطان الـ prostate حتى لا ندخل بالسرطانات الثانية. ليش؟ لأن قلت لك أكو هواية من الـ-السرطانات يعني ما تأذي المريض. قبل شوية قلنا أكو مرضى يموت وهو يا سرطان الـ prostate مو بسببه. لهذا أنا مرات أستخدم بالـ... لما أشخص سرطان prostate عند المريض أقول له حتى تتذكر ويسهل الموضوع لك تذكر ثلاث حيوانات، السلحفاة هذا البطيء اللي يسموه واطئ الخطورة، هذا من السلحفاة، هذا تعيش ويا ممكن طول حياتك وما يسوي لك شي. والثاني الأرنب، أكو أرنب واقف زين وممكن يبدي يركض يقمز هذا الوسط ممكن يكون واقف يتمشى شوية وممكن بس تجي يركض. العالي الخطورة هو الطير، بس تجي تريد تلمسه يطير. مرات المريض يحب هذه المقاربة حتى، حتى يفتهم، تجي المريض شنو تقول له هذا متوسط الخطورة، عالي الخطورة، يقول لك شنو يعني؟ المريض لازم تسهل له المعلومة حتى يفهمها، من تحط له هذا ورقة منهم يا أقول له خذ هاي الورقة وياك يفتهم الموضوع، فلهذا هسة حاليا من نكتشف سرطان البروستات في مرحلة السلحفاة، زين، النصيحة الأولى إنه احنا ما نعالجه، نتبعه بس، ولهذا هسة حتى دا نفكر إنه احنا زين احنا ليش أصلا نكتشفه هذا حتى ندخل بأي المعمعة والتفكير والمريض يفكر وكل ثلاث أشهر تعال سوي تحليل وسوي رنين مغناطيسي وهاي، لا نحاول إذا نقدر ما نشوفه أو نغلّس عليه نتغاضى عنه زين أحسن حتى لأن مو كل المرضى تحط هذا التشخيص برأسه ويقول لك إي عادي لا أني ما أعالجه، أكو ناس ما تفتهم من تقول له سرطان ولا تعالجه يقول لك شلون سرطان وما أعالجه، بس لازم هو يفهم مثلا شلون قلت لك هذا السلحفاة ترى راح يظل يمشي على كيفه، ويجوز أنت ما تحتاج علاج أو يجوز تحتاج علاج بعد عشر سنين. أكو ناس يقول لك ليش زين يعني خذ عالجه واخلص منه. العلاجات بيها مشاكل وآثار جانبية، وآثارها الجانبية أحيانا تأثر على مستوى جودة الحياة، زين، فأنت ليش تدخل بيها إذا ممكن أنت تضمن عشر سنين أنت عايش حياة طبيعية. شنو اللي يصير ممكن مثلا إذا تعالجته؟ شغلتين مثلا يعني أهم شغلتين هو أحيانا سلس البول، عدم السيطرة على البول. إذا تعالج. إذا تعالج، يقسم منهم إذا تسوي له عملية يمكن ما يسيطر على البول، يلبس حفاضات، إي لأن هذي أكو عضلة، عضلة عنق المثانة زين راح تنشال ويا العملية، لأن البروستات قاعدة على عنق المثانة، فأنت تدخل بين عنق المثانة والبروستات حتى تشيله، فمرات هذه العضلة تروح. احنا الرجال عندنا عضلتين عنق المثانة وحدة، وحدة قدام البروستات هاي احنا تسيطر علينا حتى ما يصير عندنا سلس البول. أوكي. وحدة منهم راح تروح إذا الثانية ضعيفة ما راح يقدر يسيطر. يعني أنت تقول له مثلا أنت، أنت يعني أوكي أكو خطورة، هي مو شرط تصير عندك، بس أنت يعني إذا تسويها وصارت عندك أنت تقول أنا لو عايش هاي العشر سنين بدون حفاضات أحسن لي. النقطة الثانية ضعف الانتصاب. البروستات داير مداير تفوت أعصاب مسؤولة عن الانتصاب. حسب نوع السرطان أحيانا تقدر تحافظ على الأعصاب وأحيانا ما تقدر تحافظ عليه. فالأعصاب إذا راحت صار عنده ضعف انتصاب أو اختفى الانتصاب تماما. فتقول له ذني شغلتني، أنت مثلا موازنة هي راح تكون. مثل ما قلت لك أقول لك بشيله هسا وخلاص تجد دوخنا وهذه الأمور. زين هي علاج الـ سرطان سرطان البروستات هنا جراحي ولازم تنشال ولا قصدك علاجات أدوية هذه اللي تأثر على الانتصاب وتأثر على سلس البول؟ لا لا علاج الـ سرطان البروستات الشافي زين علاجين إما جراحة تزيل البروستات بشكل كامل أو علاج إشعاعي، تخلي البروستات مكانها وتضربها بإشعاع، فبهذا باثنين هم يصير. العلاج الدوائي عادة يجي بمراحل متأخرة لما أنت ما تقدر تشفي سرطان البروستات فتعطي أدوية لأن العملية ما تفيده والإشعاع ما يفيده. لأنه هذا واصل مراحل متقدمة. يوصل مراحل بحيث يعني حتى لو تشيل هذا ما راح يفرق بـ بـ يعني الفترة اللي يعيشها المريض يعني ما راح تضيف له شي، بالعكس راح تضيف له مشاكل وجودة حياة سيئة وما راح تضيف له شي بالعمر. إحنا دائما نفكر يعني المريض من نعالجه مثلا هذا إذا عالجته يعني ممكن يعيش خمسطعش سنة، وهذا إذا ما عالجته ممكن يموت ورا سنتين، فهذه، هذه تنأخذ بالحسابات يعني أنه حتى تقرر شنو العلاج المناسب للمريض. زين وصف لي حياة شخص لكل هالمراحل هاي السلحفاة والأرنب والطير. شنو الأعراض اللي يحس بيها أو شلون يومه هذا أو السلحفاة؟ شوف هو النقطة بسرطان البروستات هو صامت تماما. أغلب المرضى ما عنده أي أعراض. يروح يسوي فحص هذا الـ PSA قلنا المستضد مال البروستات ويشوفه عالي، فالمريض ما عنده أعراض. ولهذا هم هذا قسم من المرضى لما يدخل زي يقول لك "أني ما عندي أعراض"، وأنت تقول له عندك سرطان يعني، هو سرطان ما عنده أعراض، وإذا أنطى أعراض فيكون مراحل متأخرة جدًا. ولهذا هو إحنا يعني بشكل عام نقول للمريض لأنه ما عنده أعراض، لا من يصير عمرك بهذه الخمسين سنة تروح مرة بالسنة افحص تحليل دم. قبل كان أكو وياه فحص الدم، آآآ فحص بالأصبع للبروستات. فحص سريري. إي. هذا شوية هوا يخوف من المرضى. أكو هواية من الرجال، أكو دراسات ستين بالمئة ما يروح يفحص لأنه يخاف من هذا الفحص السريري. أوكيه. زين؟ إي. آآآ هذا الفحص يعني حاليًا يعني ما له أي قيمة علمية. أوكيه. ما يضيف شي. أنا أكو هواية مرضى يعني حتى أصدقاء تشاقوا وياهم أقول له تعال لا تخاف هذا الفحص ما موجود الآن. يعني أنا فعلًا آخر مرة يمكن فحص ما لي قبل خمسطعش سنة، ما يضيف لي شي، مو دقيق. أوكيه. يعني لو أجيب خمسة يفحصون نفس البروستات أعطوا خمس أجوبة مختلفة. قبل من شان ماكو آآآ سونار ماكو رنين مغناطيسي كان هو اعتمادك أنت يعني هو جزء من هذا، هسة ما، قام ما يضيف شي. فهذا قلت لك ستين بالمئة من المرضى جان يخافون يجون، اسألهم عن هذا الفحص. يقول لك لا أنا ما أجي، ما دام ماكو فحص ما أجي. قلت يا يبا ما، هسة فحص دم الموضوع بسيط يعني. بس فحص دم. إي، وإذا شكينا مثلًا شي بالدم قبل كنا، عفوًا، آآآ نروح من فحص الدم العالي إلى ناخذ خزعة من البروستات حتى نشخص المرض. هسة دخل الرنين المغناطيسي بالنص. أوكيه. لأن شفنا إحنا هواية من الخزعة اللي كنا نسويها جان ما تطلع بها شي. قلت لك لأن الـ PSA ارتفاعه هو مو بس بالسرطان. أوكيه. فقمنا نستخدم الرنين المغناطيسي، الرنين المغناطيسي مثل الـ filter صار. أوكيه. أوكيه، إذا نشوف شي هناك بالبروستات فلازم ناخذ خزعة، أو لا ما دا نشوف شي والـ PSA عالي، لا أوكيه ننتظر ماكو مشكلة. قللنا نسب الخزعة اللي ما محتاجينها حوالي بأربعين بالمئة. سبب الرنين المغناطيسي. سبب الرنين المغناطيسي. اللي هو الـ MRI. الـ MRI بالضبط إي. فهذا مهم جدًا، بس هذا به مشكلة واحدة إنه مع الأسف مو كل طبيب أشعة يقدر يقرر رنين مغناطيسي للبروستات، لازم يكون متدرب بشكل جيد. يعني هواية شايف أني يجيك تقارير إن أنا مثلًا زملاء أصدقاء بالعراق يدز لك تقرير تشوفه، من تقول له دز لي، أنا أقول لهم دزوا لي الـ CD أو link للـ، أقعد وياه طبيب الأشعة اللي عندنا نشوفه، يعطيك رأي ثاني تمامًا. فالتدريب على قراءة الرنين المغناطيسي الـ MRI للبروستات مهم جدًا. يعني هي مو موضوع إنه يعني هسة العالم بطل بعد أني أسوي كل شي وأعرف كل شي. التخصصات اختلفت. حتى بالفحص يعني قصدك؟ حتى بالفحص إي، هسة هناك أطباء أشعة بس يشتغلون مسالك بولية. أوكيه. هذا شغلته بس مسالك بولية، فتشوفه هو صار مرجع بالموضوع المسالك البولية. أكو غيره شغلته جهاز هضمي مثلًا. بس إحنا مثلا يعني بالم- بالمساحة البولية، أكو ناس مثلا في أماكن سناتر كبيرة، أنت بس تشتغل prostate ما يشتغلش، ما له علاقة بالكلية، أكو ناس بس تشتغل كلية. أوكي، يعني هي تصغر الـ- الـ field اللي أنت تشتغل به بس تخليك مستواك عالي جدا يصير بها التخصصات. التخصصات. زين هو ليش مو الدكتور يقرأ هالقراءات هذي بالفحوصات؟ يعني ليش إلا أبو الـ MRI أو إلا والأشعة اللي لازم يقراها؟ أكو ناس تقرأها بس ما هي نرجع للتخصصات، يعني أنت ليش مسويين تخصص أشعة إذا هذا الـ doctor إذا إحنا ما نثق برأيه وما نسمع له، بنشيل اختصاص الأشعة وبس نجيب آآآ عامل فني يسوي لك الـ MRI ويجيب لك الصورة تقرأها. Okay. يعني ممكن أكو ناس تقرأها بس مثل ما قلت لك يراد له تدريب قوي، يراد له مواصلة، الموضوع هو مو بس إنه بواقعة هاي بالـ... هسة مثلاً يعني من أسباب إنه مو الكل يقدرون يقرؤوها، هسة دخل الذكاء الاصطناعي بالموضوع. Okay. قبل فترة جابوا لي برنامج يعني بصراحة صفنت، ش-ش-ش يعني راووني دراسات عليه تدخل الـ الـ صور الـ MRI، زين؟ خلال خمس دقائق ينطيك تقرير ويرسم لك المكان المشتبه به. قلت لهم okay هاي دراسات، أنا عندي مريض أنا مسوي له MRI ومسوي له خزع وشايل له الـ prostate، فعندي السلسلة كلها، عندي الجواب كامل. حطيت الـ صور لهذا الـ AI أنطاني نفس تقرير طبيب الأشعة الشاطر عندنا خلال خمس دقائق. مسكين ذاك خسر وظيفته. لا هي يقول لك هو هسة مثلاً من يشوفون الـ AI يقول لك ينطيك جواب مثل طبيب الأشعة اللي هو يعتبر خبير بـ-بمجاله، بس أحسن من طبيب الأشعة اللي ما يعرف يقرأ. أوكيه. تعرف مرات أنت مثلاً إذا سنتر كبير وعندك هواية تسوي MRI، هذا راح يساعده. طبعًا خمس دقائق. خمس دقائق ينطيه هاي هو ممكن يشيك عليه. يتأكد. إي، فيكون ذاك الوقت عندنا اثنين قروا، مو بس واحد. AI والشخص العادي. هسة مثلاً احنا مثالاً يعني احنا حتى مثلاً وايد مرضى يجون من برا مثلاً من العراق يجيك من غير مكان، أقول له جيب كل الـ-الفحوصات وخلي دكاترتنا يشوفوها مرة ثانية، زين؟ هذا الـ-الرأي الثاني Second Opinion مهم. طبعًا. لأن قلت لك اكو أطباء مثلاً ما يعرفون، اكو خبرتهم قليلة، اكو الـ quality مال الصور مو، مو زين القراءات، فانت إذا عندك عينين تقراها وأربع عيون شافت الموضوع، زين؟ أخذت رأي كامل، إذا الكل متفق على الموضوع قللنا نسبة الخطأ، أحسن ما تفوت تسوي شي وبعدين يعني تتندم عليه. أي. زين؟ ليش؟ خلي واحد يشوفها، خلي ناخذ وقت. أني مرات مرضى خصوصاً سرطان البروستات لأنه، آآآ، قلت لك هو بالعموم بطيء النمو، أقول له لا احنا ما عندنا استعجال بالوقت، يعني يهمني ناخذ القرار الصح أهم من نسوي العملية باجر ولا نسويها اليوم بالليل. لا انتظر ماكو، ماكو مشكلة، يعني سرطان البروستات التشخيص حتى أبو الأرنب وأبو الـ-الطير ممكن ينتظر ثلاث تشهر للعلاج، عادي ماكو مشكلة، ما يأثر على النتائج، بس أقول له مثلاً فكر أنت بالـ-احنا مشخصين صح، آآآ، منعطيك الـ-التوصية الصح أنه العلاج، مثلاً قلت لك دائمًا، مو دائمًا الجراحة هو الحل الأفضل، أنا مرات يجيني مريض أقول له شوف أنا جراح وأحب الجراحة، زين؟ بس لا الجراحة هاي بالنسبة لك ما مفيدة، روح للأشعة أحسن، يقول لي ليش مثلاً مو الاستئصال أحسن ونخلص منه؟ أقول له لا بالجراحة اكو حالات معينة ممكن نسبة رجوع المرض 50%، أنت 50% ممكن راح تحتاج أشعة، ليش تدخل بالموضوعين؟ روح سوي الأشعة مرة وحدة واخلص من الموضوع. أكو ناس تستغرب هاي شوية العقلية ماكو لا زال إنه سرطان لا لازم ينشيله واستئصال هو يحل المشكلة. لا مو دايماً، يعني أكيد أكو مكانات هو الحل الأمثل والأفضل، بس أكو مكانات لا تشوفه لا لا يعني الجراحة غير مفيدة، أو تشوف أحياناً هو العلاج مثلاً يقول لك تعال سوي لي شي حتى يشفى المرض، لا المرض ما راح يشفى، ممكن نسيطر عليه بس ما يشفى. هاي أحياناً توقعات مهمة، يعني جداً أركز على هذا الموضوع ويا، ويا المرضى، أقول له لازم نخلي توقعاتك وتوقعاتي معقولة ضمن المعقول، أنا ما أكذب عليك أقول لك الدنيا قمر وربيع وماكو شي وراح أسوي لك عملية وما عندك مشاكل وراها، لا أقول لك هاي النسبة، هاي هيجي، هاي هيجي، أقول له افتهم الموضوع، اهضم الموضوع، أقول له مرة أحاول ألتقي بيهم مرة أقول له اسمعت هذا الموضوع فكر بيه ونشوفك بعد أسبوع. مرات تطلع أسئلة من يرجعون للبيت، زين؟ هذا ما سألنا عليه، هذا ما قلناه، زين؟ مرات أفضل إنه مثلاً المريض تجي وياه زوجته، لأن المريض في حالة الصدمة مرات ما يسمع كل شي. Okay. ما يستوعب. بس يسمع سرطان بعد كل شي. بعد هو، هو دا يفكر، هو سمع سرطان دا يفكر بالدفنة. بالإرث. وبالإرث، وش راح أسوي، والشغل، والشركة، وش راح أسويها. الـ زوجته تسمع. يقولون دائماً أكو أربع أذانات أحسن من أذانين، وأذانين بها طنة، زين؟ ما يسمع زين. هذه الأمور إحنا أحياناً مع الأسف مريض سرطان خصوصاً البروستات يندفع بسرعة للعلاج، يدفعه بسرعة للعلاج من غير ما إنه لا هو يستوعب الموضوع، لازم يستوعب الموضوع، يستوجب- يستوعب إيجابيات وسلبيات كل علاج، شنو الأمثل، شنو الأحسن. لا هي الموضوع مو يلا يلا وخطرة وما أدري شنو، لا ماكو خطورة. سرطان البروستات ماكو خطورة. أنا أقول للمريض روح تعال بعد ثلاث شهور بس فكر بالموضوع وخذ القرار اللي أنت تحسه. هسة أكو أحياناً احنا نقول له، أقول له هذا أحسن من هذا، بس في قسم من سرطانات البروستات مثل الأرنب الإشعاع والجراحة نتائجها متساوية. أنا أقول له ما أقدر أجبرك، أنت لازم تفهم مرات أنت عندك جيرانك مسوي عملية وكانت كلش زينة تقول أريد أسوي مثله، أو جيرانك كل منهم مسوي عملية وصارت عنده سلس بالبول وضعف انتصاب يقول له أنا ما أريد أصير مثله. احنا مرات الـ يعني المعلومات نستقصيها من مكانات مختلفة ونبني عليها قراراتنا. صحيح. نادرًا ما المريض اللي تخليه مرتاح وياخذ قراره يتندم حتى لو تصير مشاكل الدنيا كله ورا العلاج. أكو مريض مثلاً يكتئب يقول لك أنا إذا ما شفت الصورة راح يصير بيا هيج، بس هو ليش مرات تتدفع للعلاج بسرعة، زين؟ لا فهمه لو تصير أي مشاكل بعد العملية وما عنده مشكلة، تشوفه لا مرتاح، خلاص أنا، يعني أنا مقتنع وأعرف هاي المواضيع، ما عندي مشكلة. دوختني. يعني لا الموضوع مهم. أنا أشوف الموضوع به وايد فلسفة أكثر مما طب بصراحة، لأنه إحنا نتعامل ويا روح وجسد، احنا ما ننسى هذا إنسان، وإنسان وراه زوجة وأطفال وعائلة كلها تقلق وياه، فأنت وأنا دائما أقول المريض هو الحلقة الضعيفة، لا تلعب على هذه الحلقة الضعيفة، حاول تسانده، زين؟ لأن قلت لك ذولي كل العائلة تأثر، هذا الرجل من قال له عندك سرطان بروستات وتحتاج علاج، وهذا العلاج آآآ به آثار جانبية، أو قلت لك سرطان وايد من الناس يساوي الموت وهذه الأمور، لا لازم تساندهم، لازم تفكر بيهم، ذولا لا بشر ذولا، أنت عرفك أنا أقول نص الموضوع على التشخيص والعلاج، والنص الثاني لا، شلون تتهديه للمريض، شلون تقول له اهدا، احنا الموضوع هذا قابل للعلاج، قابل للشفاء إن شاء الله، بس يا رادي نفكر شنو الطريقة المثلى، شنو الصح، شنو الغلط، زين؟ حتى قلت لك بالنهاية توصل تلقيهم يعني أنا كان مرضى يعني صارت عندهم مشاكل ورا العلاجات وهذا، بس هو لأنه كان فاهم، كان مرتاح الموضوع، يتقبل الموضوع بشكل عجيب يعني، يعني أنت تخاف أكثر منه، زين؟ وتشوفه متقبل ليش؟ لأن هو أخذها عن قناعة القرار مو عن خوف، أنت سهل يعني احنا كمهنة سهل عندنا ترعب المريض وتخلي له صدمة، وفي نفس الوقت تقدر تهديه، بس السؤال أنت أيش تختار من، من هذا الموضوع؟ أنا دايما أذكر واحد من أساتذتي بالسويد قال لي عامل كل مريض مثل أبوك وأمك، اللي تقبل تسويه لأبوك وأمك سويه للمريض إذا ما تقبل تسوي لأبوك وأمك تسويه للمريض عندك خللت، اكو شي ثاني دفعك، قد يكون اكو ناس تريد تسوي عملية، ناس فلوس، ناس ما أدري شنو إيه، إذا أتعامل أني دائمًا، اكو مرضى يسألوني هذا السؤال، أني أضحك لأنه، لأنه أنا عامله هو بس يقول لي لو أنت لو أني أبوك شتسوي لي؟ أقول له بالضبط نفس اللي إذا أحكي لك إياه راح أسويه لأبويا لأن أني ماخذ القرار على حساب أنه أنت أبوي، زين؟ أقول له هذا اللي، اللي أسويه، زين؟ هواية قلت لك اكو أمور هي العامل النفسي مهم بهذا الموضوع. أنت يعني قلت لك هو مو بس الشخص هاي العائلة كلها أمورها تتخربط ويضلون داخين، زين؟ ليش؟ لأنه رب الأسرة ومثلهم الأعلى تمرض. إذا هذا الموضوع تقول دوختني هو بيدوخ. هو إيه يعني تشوف أنت من كل الجوانب يعني من شخص يسمع هسة خاصة أبو الخمسة وأربعين وفوق يسمع أنه لازم prostate وراح تتضخم أو تصير عندك مشاكل بالـ prostate سرطان prostate رأسًا. فشنو سرطان prostate؟ شلون نبدي أخاف؟ النسبة دكتور اللي تصير عند الناس من مشاكل prostate يعني الشباب اللي فوق الخمسة وأربعين إش قد اللي تصير عندهم مشاكل وإش قد اللي يطمنون؟ يعني شوف عمومًا يعني قلت مشاكل prostate اثنين قلنا سرطان وقلنا تضخم. التضخم يصيب حوالي أربعين خمسين بالمئة من الناس، التضخم اللي عنده أعراض يخليهم يراجعون ويريدون علاج. نسبة سرطان prostate يعني عالمنا العربي ما بأرقام دقيقة، زين؟ بأوروبا تقريبًا واحد من كل ثمانية من الرجال يصير عندهم سرطان prostate. يعني، يعني أنا أذكر من جيت لدبي قبل ست سنين إنه أنا أشتغل جراحة robotique وسرطان prostate، قالوا لا ما راح تشوف سرطان prostate لأن أنا الناس أغلبهم أعمارهم صغيرة وهذا، قلت لهم لا أنا أتصور موجود بس اكو أحيانًا أنت شغلة إذا ما تدور عليها ما تلقيها، ما حد يفحص، ما حد يدير بال، زين؟ لما كانت الجراحة robotique ما متوفرة مثلًا الناس ما يشوفون، هذا يصير عنده لو يروح ياخذ إشعاع لو يسافر برا يطلع يسوي العملية، زين؟ فما تشوفه. لا بديت من تبدي من، من تبدي تسوي توعية، تبدي الناس تعرف لا هذا موجود هذا، هذا، لا يبدون يجون الناس، تبدي تشوف الـ- الـ- الأعداد تزيد ويا الوقت يعني. وشنو الجراحة robotique لها علاقة بالـ prostate هذي؟ الجراحة robotique هي جراحة آآآ... المنظار بس باستخدام الrobot. الrobot الجراحي هو جهاز له أربع أذرع، زين، تدخلها عن طريق فتحات صغيرة بالبطن، زين، وتشتغل بيه داخل البطن. هو الفكرة الrobot أول عملياته بدأ ينش بالبروستات، ليش؟ لأنه مكان البروستات خلينا نقول نحس، قاعدة بالحوض، الرجل أسفل الحوض، مكان عميق، من تشتغل عملية مفتوحة ما تقدر تشوف، لازم إيديك أنت والمساعد مالتك الطب جوا، ما تقدر تشتغل جوا. فوقتها من إجا الrobot، الrobot هو عبارة عن نظام يسموه master slave اللي هو السيد والعبد، يعني مو هو يشتغل وحده، بس أنت تتحكم بيه وهو داخل الجسم. هذا شنو الميزة اللي أنطاها؟ الـ- التكبير به بالصورة من تباع تقريبا خمسطعش مرة، زين، آآآ أنطانا صورة ثلاثية الأبعاد، زين، أنطانا حركة داخل الجسم بأدوات طولها سانتي متر ونص نفس حركة إيدك بره. هسة أنا شلون أحرك إيدي، سبع درجات بيها حركة، أقدر أحرك الهذا جوا أخيط وأشتغل. أتخيل أني قاعد بدل ما البروستات أباوع لها من مترين وما شايف وظلمة وإيد وبالإحساس ماشين، إلى أنت قاعد يم البروستات وتشوف الأعصاب وهذا وتخيط براحتك بمكان أنت كنت يعني تقريبا على الله إذا خيطها نجت إي يمكن جت إي، لأن عمق الحوض عميق وأنت يعني صعوبة- ما تشوف كل شي. إي، لهذا العمليات كانت صعبة، كانت نتائجها مو جدًا جيدة، النزف بيها عالي، المريض كان يظل أسبوع، عشر أيام بالمستشفى، هسة لا، المريض تسعين بالمئة من المرضى ثاني يوم يروح للبيت، نفس اليوم المريض بالليل يتمشى- حلو. يتحرك و... فموضوع الروبوت حول جراحة الـ prostate وجراحة الحوض بشكل عام يعني نقلها من، من جراحة صعبة كثيرة النزف كثيرة الألم، البقاء بالمستشفى لفترات طويلة إلى جراحة حتى حاليا في السنوات الكبار اللي تسوي هواي شغلات بالعالم نفس اليوم المريض يطلع البيت، جراحة تعتبر من أثخم الجراحات بالمسالك البولية، ليش؟ لأنه بيها شغلتين إنه تشيل عضو وبعدين إعادة تصنيع، يعني أنت لما تشيل البروستات عندك المثانة ظلت وحده وعندك حليل وحده فتخيطهم مع بعض. أوكي. وتحط قسطرة إلى أن هذا يلتئم. أوكي. فهذه العملية بها جزئين يعني جزء إنه تشيل وجزء إنه تعيد تصنيع المكان، لأنه تربط شلون البواري مرات تربطهم بس دول لازم تخيطهم، فهذا، هذا الخياط هو اللي، اللي قلت لك بالروبوت سهل الموضوع. قمت تتفنن تقدر تسوي أشياء جديدة. إي قمت، يوميا طريقة جديدة وقمت تشوف العضلات تشوف شغلات كنت ما تشوفها، تشوفها بكتب التشريح بس أنت ما بالواقع ما تشوفها لأنه الدنيا ظلمة، ظلمة ودليل الله، إي فهسه لا قمت تشوفها فقامت التقن، التكنيك يتطور إنه لا إذا نسوي هيك نحافظ على هاي العضلة، لا شفنا عشرة بالمية ذولا صار أقل بعد سلس البول، إذا شفنا هذا بديت تشوف تفاصيل قبل كنت ما تشوفها. حلو. جراحة روبوتية هواي ناس تصورها موضوع جديد، لا الموضوع مو جديد، الموضوع بدأ قبل ستة وعشرين سنة. أوكي. بس بالشرق الأوسط يعني خل نقول بالبلدان العربية بالخليج دخل آخر أربع خمس سنين، بس هو الموضوع بدأ من ألفين وواحد تقريبا. أوكي. ويتطور، يعني إحنا أول شركة منتجة للموضوع شركة أمريكية حاليا بالـ generation الخامس إحنا بالروبوتات اللي صار حاضر للـ AI وبهواي أمور يعني. غدة صغيرة موجودة عند الرجال وتسوي مشاكل. كل هالمشاكل يا معلش، مرات تقدر تسوي عملية، زين، عملية صعبة والأدرينالين مالتك صاعد وتعبان وتشيله هي بقدر إيش جوزائية تطلعها برا وتباوع عليها تقول هاي اللغوة كلها، على مود هاي الزغيرونة إي، مرات العمليات مو كلها سهلة يعني، أسباب مختلفة يعني أكو التهابات أكو أمور ثانية أكو أجزاء تشريحية مو بشكل طبيعي، مرات فعلا يعني ما قد تتعب وتعرق وتعصب بالعملية وبالهذه، زين قلت لكم من تطلعها تباع تقول كل هاي المشكلة على مود هاي. على مود هذه، وش قد تطول العملية بالروبوت؟ يعني هي ما لها خص بالروبوت بقدر ما لها خص بالجراح يعني. إي. عمومًا ساعة ونص ساعتين بالمعدل يعني ممكن تصعد إلى ثلاث ساعات ممكن تنزل إلى ساعة ونص. OK. إذًا خلصنا الـ prostate هسة نصعد شوية فوق على الكلى. نعم. الكلى وظيفتها مكانها شنو هي يعني تعريف بسيط يجي حتى نعرف من وين نبدي ندخل وياك. الكلى مكانها صايرة بالتجويف البطن الخلفي، زين؟ عبارة عن-- إحنا اكو جزء من الأعضاء عندنا اثنين منهم وأكو أجزاء عندنا واحد. الكلى موجودين اثنين، وظيفتها هي تصفية. شوف المسالك البولية عموماً هي أكو تصفية وأكو خزن، التصفية بالكلى والخزن بالمثانة، زين؟ وأكو جزء منها لها علاقة بالـ-بالـ-بالتكاثر وهذا اللي هي البروستات والخصيتين وهذه الأمور. فالكليتين بالجزء الخلفي من الـ-الـ البطن تنقسم قسمين أمامي وخلفي، فبالجزء الخلفي منها تكون محمية، هي جزء شوف من الحماية تكون بالجزء الخلفي، تصفي الدم يفوت بيها، عشرين بالمئة من الدم اللي بالجسم يدخل للكليتين، تخيل كمية الدم اللي بيها، ولهذا جراحات الكلى عادةً من تشتغل بالكلى أنت تخاف منها، أو خلينا نقول مو تخاف بس تحترمها، لأنه دائمًا كل شريان فايت بيها يعني من تشوفه تشوفه ينبض أنت قلبك وياه ينبض، ليش؟ لأن كمية الدم عالية اللي تفوت بيها، فأي نزف يعني لا سمح الله ممكن يكون قاتل بالعملية، زين؟ فالدم يفوت بيها وايد تصفي الـ-الـ السموم، الشوائب، هذا، تطلعه بالبول وينخزن بالمثانة وبعدين يطلع. أوكي، فهذه وظيفتها التصفية، شو تصفي بالضبط؟ الـ-سـ- أملاح، السموم، يعني الأملاح أغلبها أملاح يعني، آآآ تصفي الأملاح، يدخل الدم يعني يتصفى من الأملاح وهذه الأمور، قسم من الأدوية تطلع بالـ-بالـ-بالـ عن طريق البول بالكلى، قسم بالكبد يعني، فالأدوية أكو عادة نوعين يعني، يا إما الكبد يستهلكها أو الكلى تطلعها، زين؟ فحتى مثلًا هاي مهم أنت تعرف تعطي الدوا هذا المريض وظائف الكلى عنده مو زينة، ما تقدر تنطي هذا الدوا لأنه الكلى راح Load عليها يزيد فتتأثر يعني. شنو وظائف الكلى؟ تقصد تقول يعني هي هذي قراءات أو تحاليل أو... قراءات بشكل عام تحليل الكرياتينين، زين؟ هذا الـ-اللي هو بشكل غير مباشر يعطيك فكرة عن وظائف الكلى. الكرياتينين. الكرياتينين، أي. أكو شي اسمه الـ eGFR، اللي هو تاخذ الكرياتينين وتخليه ويا كتلة الجسم. أوكي. ليش؟ لأن الكرياتينين مثلًا مرتبط بالكمية عضلات بالجسم، الإنسان عنده عضلات هوايل الكرياتينين ممكن يكون عنده عالي، فهذا يعتبر طبيعي، فلما تبى الكرياتينين وحده ما تكون كافية إنه تعطيك فكرة. كرقم يعني؟ كرقم إيه، بس نحطها ويا الوزن فينعطيك هذا الـ eGFR هذا يكون أدق بالقراءة، خصوصاً إن الـ creatinine نفسها مرات ما تبدي تزيد إلا مثلاً وظائف الكلى تقل أربعين، خمسين في المئة، يلا تبدي تصعد. فقراءته مو جداً دقيقة، بس هي يعني هو جزء من كل الأمور، أنت، أنت ما تعتمد على شغلة واحدة، أنت لازم عندك الصورة كاملة، تحليل واحد ما يكفي. يعني أنا دايماً أقول للمقيمين عندنا أقول له مثلاً أنت أول ما تاخذ تحليل، زين، تفكر أنت ليش أخذت هذا التحليل؟ إذا جاك مو طبيعي إيش راح تسوي بيه؟ مو تاخذه أنا أسوي تحاليل وبعدين طلع هذا مو طبيعي إيش أسوي هسة أنا، زين. أقول له لا فكر هذا التحليل مو طبيعي إيش راح تسوي بيه. وبعدين بالنهاية إحنا مثلاً يجيك مرات تحليل مو طبيعي بس المريض ما عنده مشاكل مثلاً. فتقول له إحنا ما نعالج تحليل، إحنا نعالج إنسان يعني. تحليل عالي، أوكي، نريد نشوف مثلاً يمكن هذا من زمان عنده هذا التحليل عالي، أو هسة في شي أثر عليه، مرات غلط بالمختبر بطريقة خزن الدم إلى أن حللوه، زين، أكو تحاليل معينة درجة حرارة الغرفة تأثر عليه. أنا مثلاً أكو وايد مريض مثلاً يسوي لك في التحليل معين يجي عالي و- مثل شنو؟ خايف. هو الكرياتينين نفسه مرات، مرات يعني هو عنده جفاف يعني تلقيه صعد عنده، أو هو مثلاً صار له ثلاث سنين صعد عنده هذا بس ثابت، يعني حتى تأثر الكلى وظائف الكلى بدرجات معينة. أكو ناس شوية تتأثر لأسباب معينة وأكو ناس مولودة بيها، أكو ناس صار عندهم حصوة، أكو ناس أمراض بالكلى نفسها زين فتأثر وظائف الكلى بس مو كل تأثر بوظائف الكلى معناه أنه أنت ماشي على غسيل الكلى وزرع الكلى وهذه الأمور يعني. زين شنو التحاليل اللي يحتاجها أبو الكلى أو يعني أنت حضرتك كدكتور تريد تشوف وتحدد أنه هذا الشخص يحتاج شي عنده مشاكل بالكلى أو لا؟ كرياتينين واحد من هذه- كرياتينين واحد منهم. يعني هو ماكو وايد تحاليل كرياتينين واحد تشوف الـ-الأملاح بالجسم زين، ومرات تحليل بول بسيط يعطيك فكرة أنه هل أكو بروتين دا يطلع بالبول، مرات يصير تسرب للبروتين بالبول، هذا مع الوقت يؤدي إلى فشل كلوي. إذا تكتشف هذا قد يكون علامة بوقت مبكر أو أكو منهم تقدر تمنع بأدوية معينة. فذولا تحليلين بسيطين أنت تحليل دم بسيط وتحليل بول بسيط يعطيك فكرة عامة عن وظائف الكلى. زائدًا قلت لك الأملاح بالدم ليش؟ لأنه مثل ما قلنا هي وظيفتها تصفي الأملاح، فإذا صار بيها مشكلة أملاح الدم راح يصير بيها، بيها مشكلة، وهي بالنهاية لما تحافظ على الأملاح ولا هذا أكو موضوع قاعدية وحامضية الدم وهذا هي مسؤولة عن الـ- الكلى توازنه، إي بشكل غير مباشر لأنه هي مسؤولة قلت لك عن الـ-الأملاح، فهذه الأملاح من تصير بيها مشكلة حامضية والقاعدية تختلف فتصير مشاكل ثانية. ارجع لي على موضوع البروتين اللي يطلع من الـ آآآ إدرار. ليش؟ شنو وظيفة الكلى بالبروتين وليش دا يطلع البروتين وارتفاعه يخوف لو عادي؟ هل أكو شغلات أنه مثل ما قلت بالكرياتينين اللي عنده كتلة عضلية يجوز الأرقام تصعد؟ ما هي شوف الـ الـ هي بما أنه هي فلتر فهو البروتين جزء جاي ويا الدم، فهي المفروض تصفي الأملاح بس البروتين ترجعه ما تطلعه، أحياناً الفلتر بيه مشكلة فالبروتين يبدي يطلع اللي هو بالـ-بالبول يسموه الألبومين. أوكي. فين يبدي يطلع فتشوفه بتحليل البول تشوف أكو بروتين يعني. وايد من الأمور يعني عادةً هو ما يخوف. تكون ملاحظة، أكو ناس تلاحظها ليش تجي تفحص مثلاً يقول لك البول يوقف، هذه هي قسم من البول يوقف معناها بيه بروتين هواي، فهو يجي يفحص لأنه شاف شي جديد عنده. أوكي. فيروح يفحص يشوف البروتين، عادةً يعني هذا احنا أكو اختصاص أمراض الكلى وأكو المسالك البولية. أوكي. احنا ذولا يعني ما يكونون ضمن اختصاصنا، ذولا البروتين وأمراض الكلى نفس اللي ما تحتاج علاج جراحي يروح عند طبيب الكلى، احنا شغلتنا لا مثلاً بالكلية إذا كان عنده ورم عنده حصوة بالكلية. أوكي. هذه الأمور يجي عندنا. تمام. عادةً مثلاً أني ممكن يجيني يراجعني التشخيص أشوف له الأمور، إذا شفت شي لا مثلاً مو ضمن اختصاصي لا أقول له دكتور الكلى هو يشوف لك هالأمور، لأن قلت لك أكو ناس ما تحتاج علاج، أكو ناس تعطيهم حبوب بتخفف هذا البروتين يطلع، متابعة دائمة حتى تشوف هل وظائف الكلى تتدهور مع الوقت أو لا. زين خلي نطلع هسة من هاي الأمور نجي على حصوة الكلى. نعم. شلون تتكون حصوة الكلى؟ حصوة الكلى هي عبارة عن تجمع أملاح، الأملاح تصير مثل يسموها رمل أو كريستالات صغار وتتجمع مع بعض تنبني الحصوة. طبعاً واحد من أهم أمراض المسالك البولية هو حصى الكلى. أوكي. ومنتشر بشكل مو طبيعي خصوصاً في بلداننا، يعني بلداننا من الشرق الأوسط العراق وننزل على دول الخليج يسموها حزام الحصى. حتى وصلت النسبة في بعض البلدان إلى اثنين وعشرين بالمئة ناس عندهم حصى. الأسباب مالت ليش منتشر هنا أكثر من غير مكان؟ الحرارة، التعرق لهواية، هواية ناس عندنا إحنا ما متعودين يشربون مي، زين، الأكل اللي غني جدا بالأملاح والبروتينات، تعرفنا نحب بقوليات وملح وهذه الأمور، زين، كلها مجتمعت أنت تشوف أنه لا إحنا عندنا حصى أكثر من، من غيرنا. طبعا بشكل عام الحصى بآخر عشرة، خمسطعش سنة زاد بالعالم بسبب الـ-المشاكل الأيضية، السمنة، يعني انتشار السكري المتلازمة اللي بيها السمين وكرش وسكر ومقاومة الأنسولين، ذولا كلهم تغير عندهم حامضية وقاعدية البول وخصوصا هذه الـ-الشريحة تتكون عندهم حصوات، حصوات الـ-الحامض اليوريك، اليوريك أسيد. وهذا النوع خاص من الحصوات. ليش؟ أولا نسبته عشرة بالمئة من كل الحصى، أغلب الحصى بيكالسيوم. okay. زين، هذي الحصوة الوحيدة اللي كلها يوريك أسيد، وهذه الحصوة الوحيدة اللي ممكن تذوبها بدواء. بدواء؟ إي، باقي الحصوات أبدا ماكو أي دواء يذوبها. الكالسيوم ما تقدر تذوبها؟ ما تذوبها الكالسيوم. بس أم اليوريك أسيد تقدر تذوبها؟ اليوريك أسيد تذوبها. ليش؟ لأنه هي تعيش بـ-بـ-بمحيط حامضي. okay. ذولا السمين، زين، يصير محيط البول عنده حامضي، أبو مقاومة الأنسولين محيط البول عنده حامضي، زين، فهذه تحب هذا المحيط، أنت تنطيه دواء تغير المحيط الحامضي إلى قاعدي تذوب الحصوة. okay. أنا أذكر ماني مريضة كانت بالسويد، الله ينتهي الصحة والعافية إذا عايشة، كان هذي حصوة خمسة سانتي، هاي يسموها قرن الأيل، الحصوة اللي هي يعني من تشوف الكلى وبها جيوب، هاي الكلى مثروشة حصوة متشعبة كلها حصوة، عبارة عن حصوة، زين، تشك أنه هي حـ-- يوريك أسيد، مو يوريك أسيد، قلنا أنت ما عندك أعراض هواية، خلينا نجرب العلاج، زين، أخذت العلاج واختفت، سافرت وتروح وترجع وتعالي وهاي بيها، بها قصي أنا أستخدمها مثال بهواية من الـ courses التدريسية للطلاب، بيها قصة لو ما أقدر أحكي تفاصيلها يعني، بس المهم بعد ست شهور رجعت، سوينا لها أشعة ما هي الحصى فإن كان سهولة أنت تأخذها حصوة كبيرة، تعال نسوي لك عملية، بس هو السؤال أنت شلون يزيد عندك الشك إنه هذي يوريك أسد الحصوة، هي هذه الحصوة بما إنه هي يوريك أسد، فبالأشعة العادية ما تبين، بالأشعة العادية يبين الكالسيوم في العظم، العظم به كالسيوم فيبين أبيض، الحصوة بها كالسيوم إذا تسوي أشعة عادية تشوفها، هذي ما تشوفها. بالأشعة. بالأشعة، واحد. اثنين تحليل بول بسيط، تشوف الـ PH اللي بالبول. الحامضية. الحامضية، إضافة أن المريض لو عنده سكر لو سمين لو عنده مقاومة إنسولين، هاي الثلاث عوامل مع بعض زيدت الشك بالموضوع، حصوة ما تشوفها ومحيط البول حامضي، زين، وهو عنده سكر له مقاومة إنسولين لو سمين إذا صار عيد يعني. هو شنو المشاكل اللي تصير عنده أصلًا حتى إذا يجي يسوي هالفحوصات أو أنت تسوي له الفحوصات هذي؟ ما هو يما يجي عنده، قسم منهم مثلًا ناس يجي يقول لك أكو عنده آلام بالظهر. بالخواصر هذي من الظهر. بالخواصر إي مثلًا، ويجي يسوي فحص قالوا له عندك حصوة بالكلى، أو أكو رايح يسوي فحص شغل ثاني عنده مشكلة بالمرارة وسووا له سونار قالوا له أكو حصوة بالكلى، عادة الحصوة يعني أغلب الحصوات اللي تسبب مشاكل هي اللي تنزل بالحالب، تسبب آلام قوية، من تنزل بالحالب تسد المجرى والضغط فوقها يزيد فالكلية تتمدد تسبب آلام، آلام شديدة جدًا بحيث النساء عادة عندهم وصف جيد اللي هم دائمًا جايبين ولادات طبيعية تقول لك أسوأ من الولادة هذي، أسوأ من ألم الولادة، وفعلًا تشوف المريض يعني حائر، يعني من يدخل بالطوارئ عنده حصوة بالحالب ما تقدر تلزمه قاعدة يعني، يقول لك ألم بس القلي شي يعني، الألم شديد جدًا هاي بس بالحالب، عادة حصوة الكلى ما تسبب هذا الألم الشديد، قلت لك ألم ظهر، يقول لك أني مزعوج، أحيانًا التهابات متكررة مرار. هاي النوعين اللي هي الكالسيوم. هاي النوعين إي الأعراض وحدة، الأعراض وحدة، بس هو طريقة علاجها أو الـ- الـ إن شو تسوي للحصوة، هناك قلت لك إذا تختلف إذا عندك اليوريك أسد لا ممكن تتعامل وياها بطريقة مختلفة، بس أحيانًا أكو يوريك أسد بالحالب وساد الحالب ما تقدر تنتظر. أنت مش وقت تنطي مجال للعلاج لما الحصوة موجودة ما مسببة مشاكل هواية وما مأثرة على وظائف الكلى، عندك وقت تنتظر وتغير لأن موضوع تغيير الحامضية والقاعدية والذوبان قلت لك هاي ياخذ ستة أشهر. المريض عنده انسداد بالحالب ستة أشهر الكلية تروح، ما تقدر يعني هي حتى هي شوف اختيار الـ الـ المريض اللي يناسب هذا العلاج مهم جدا، ما تقدر تعمم على الكل وتقول كلكم أني أنطيكم هذا العلاج ويمشي عندكم، بس هو قلت لك مع ذلك هواية ناس مثلا يجي عنده هاي الـ الحصوات الكالسيوم ويقول لك الدكتور طنيشي قال لي هاي تذوب الحصوة، ماكو علميا ماكو شي يذوب الكالسيوم. الكالسيوم ما يذوب. الكالسيوم ما يذوب، إي. هو كالسيوم أو أوكسالات هذي أغلب الحصوات، زين هذي المادتين مع بعض، زين، موجودين هذا ما يذوب ذوبه. وهاي تتكون نتيجة آآ اللي أنت ذكرتها الأكلات اللي تسبب هالبلورات هذي؟ أكلات، شوف أغلب المرضى تشوفهم ما يشربون ماي هواية، دايما عندهم جفاف، زين؟ آآ الأكلات اللي يستهلكون قلت لك ملح بشكل كميات كبيرة، زين، ذات فترة من الفترات في وقت كورونا فيتامين سي، زين، فيتامين سي بكميات كبيرة أكثر من اثنين غرام باليوم يتحول إلى كالسيوم داخل الجسم ويسبب حصوات. أتذكر في فترة كورونا كان هواية ناس يأخذون فيتامين سي، زين على مدة يقول لك الأعراض ومفيد وهذا وهواية منهم صارت عندهم حصى. زيادة الـ كال- الفيتامين سي ممكن يسبب حصى؟ إي، قلت لك أملاح، اكو ناس مثلا يقول لك لا أني ما آكل ملح ما أحط ملح على الأكل بس سيلة شوية أنا آكل تشبس آكل كرزات مالحة. زين دكتور على موضوع الأملاح، نوع الملح يؤثر؟ لأن اكو أنواع، بس احنا مثلا الأملاح المصنعة وأكو الأملاح الطبيعية ملح البحر وغيرها. لا هو الملح اللي هو اللي به صوديوم. الصوديوم. إي احنا وراء الصوديوم بالضبط، إي. بس مو الصوديوم مهم للجسم؟ مهم بس مو هو السؤال الكمية. احنا نرجع هاي مثلا المريض يجي يقول لك أني شنو آكل وشنو ما آكل؟ أقول له ما قلت له أني الحياة ما عندي أبيض وأسود، الحياة تاكل كل شي بس السؤال إش قد تاكل. يقول يعني أقطع الـ الملح، أقول له ليش تقطع الملح؟ بس أنت بدل ما يوميا تاكل ملح يعني تحط ملح على أكل وتاكل تشيبس وتاكل كرزات. لا لا ليش تسوي؟ وتدري مرات يعني أنت يعني سهل تعطي نصيحة تقول له اقطع ووقف بس إحنا نعرف عمليا صعب صعب، يعني إحنا ناس نعرف إحنا مجربين على شغلات أنا ما أقدر أسويها، تقول لي وقفها لا بس قل لي خففها إي. زين هذي الأملاح اللي موجودة بالتشيبس أو اللي موجودة بالمكسرات أو موجودة بأماكن خفية يعني هي هاي الأملاح، هل هي الأملاح اللي هي السبب أم الـ أوكسالات اللي أنت قلت عليها اللي تتحد مع الأملاح؟ لا ما هو الـ الملح الصوديوم إحنا نرجع هو الصوديوم بالجسم راح يتحول إلى كالسيوم. أوكيه. هي هاي النقطة إن أنت كل ما زيدت الـ load مع الصوديوم زين كل ما زاد الكالسيوم بالجسم، الـ أوكسالات يجي من مكان ثاني من أكل معين. فاجتماعهم مع بعض يعني شوف هو الحصى نادراً ما نقول إنه أكو سبب واحد واضح. ok. بالعادة متعدد الأسباب. تلقى أكو ناس يعني كلها عندهم يعني ما يشرب ماي وياكل أملاح هواية، زين تصير عنده وأكو ناس لا مثلاً تجي يقول لك أنا أشرب أربع لترات من الماي في اليوم ليش تصير عندي حصى؟ عنده مشاكل ثانية إي يعني الماي ما يمنع يخفف إي بس ما راح يمنع بشكل نهائي انه ما تصير عندك حصى. أكو ناس يقول لك أنا يعني أشرب دائما وأتمرن و. ويعني بس مثلاً أكو ناس يعني أقول له مثلاً تتمرن بالgym تعوض الماي اللي تشربه أكو ناس ما تعوض مثلاً زين لا لا مثلاً فكر به، بس هذا يقول لك أنا أشرب ثلاث أربع لترات باليوم وليش تصير عندي حصوة؟ يعني إحنا شوف حتى بصراحة مو دائما أكو أجوبة واضحة للمواضيع، لهذا هو متعدد الأسباب، يعني ماكو دائما سبب واحد بس الشي معروف علميا اللي يخفف من هذا هو الماي. هسه أكو ناس عنده اعتقاد بكثير من السوائل إنه هي العلاج السحري. ناس تقول لك عصير البقدونس يغسل الكلى، زين الحلبة، ماي الشعير. أنت رأيك كدكتور بها هاي السوالف؟ لا ما شوف أني رأيي مو أنت يعني أني دائما أعتمد رأيي على شنو أكو إثبات علمي عن الموضوع. ok. زين ماي البقدونس، البقدونس غني جدا بالـ oxalates. بالنسبة لي مو من المنطقي إنه أنت عندك حصوة بها oxalates وتعالجها بسائل غني بالـ oxalates. الخضار هي كلها بصورة عامة بها oxalates. إي إي بس البقدونس خصوصا غني جدا، زين فمثلا ذول المرضى أقولهم لا هو أنت، أنت استفاديت مو لأنه البقدونس والحلبة بالموضوع موجودة، بس أنت شربت أربع لترات ماي والحصوة نزلت، مو يقول لك أنا شربت العصير البقدونس والحصوة نزلت، أقول إي والفضل مو للبقدونس، أنت قمت تشرب ماي وايد أنت شنت ما تشرب ماي، أقول له يعني بدل ما تدوخ نفسك والماي موجود يعني، اشرب ماي عادي. ماكو داعي للإضافات. ماكو داعي للإضافات وماكو داعي قلت لك يعني أنت قلت لك أني يعني هو منطقيا أنت فد شي مليء بالـ oxalates أنت تاخذه تشربه حتى تنزل حصوة بها oxalates، الموضوع مو... قلت لك إذا أكو إثبات علمي ذاك الموضوع مختلف يعني. البقوليات ايش بيها زين أنت؟ البقوليات بروتينات هواية فتصير تـ-تجمع البروتينات عالي يكون تاخذ بروتينات نباتية وبروتينات حيوانية ولا هذه يصير load قلت لك أكو ناس وكأنه عندهم قابلية إنه يتأثر بالموضوع أكثر من غيره، زين فليكون وراثي طبيعة جسم إي بس هو أكو ناس مثلاً يعني تاكل ما شاء الله لحم و-و-وأملاح وهذا وما يصير به حصى، وأكو ناس لا تشوفه شوي ياكل منه وشوي ياكل منه يصير عنده حصى. مثلا أكو مشروب إحنا عندنا ما شاء الله الشاي، الشاي الأحمر. الشاي الأحمر واحد من المشاريب الغنية جدا بالأوكسالات. وهذا ممكن يفسر في قسم أماكن إحنا خاصة إحنا نحب الشاي الثخين نشربه الثقيل، زين، وكمياته كبيرة، زين، ممكن يكون واحد من العوامل المساعدة. يعني تخيل إحنا بالحر نشرب شاي كومة وشاي ثقيل وما نشرب ماي. يعني أكيد راح يصير عندك حصى بالنهاية أو تصير عندك مشاكل بالكلى أنت تضغط عليه. حتى سووا دراسة قبل شم سنة دراسة جميلة شافوا الشاي الـ، هذا الأكياس، قارنوا بشركات مختلفة، كميات رهيبة بالأوكسالات في قسم من هذه الأكياس الشاي يعني، كميات عالية. مثلًا الناس اللي عندهم، هسة ما، ما يعني ما أريد أقول الناس لا تشربون شاي، بس اللي يبدي عنده مشكلة الحصى، زين، لازم يبدي يفكر شنو يشرب وشنو يأكل. وقلت لك أني ضد إنه الدنيا مو أبيض وأسود، إنه لا لا تشرب شاي، لا اشرب، بس أنت بدل أربع أكلاصات شاي باليوم وشاي ثقيل خليها مرة وحدة، أو خففه شوية مشيه يعني. زين؟ وحدة من الـ، الـ المواضيع الجديدة Matcha. أو Matcha هذه يعني موضوعي المفضل. الـ Matcha غنية بالأوكسالات أكثر من الشاي، وخصوصًا يجيبوها الأوراق هي من الورقيات يطحنوها كلها. هسة الشاي تاخذه أوراق غير مطحونة، الـ Matcha تنطحن. زين؟ خصوصًا هسة أنا أكثر من مريضة عندي ذول الشابات هسة خاصة دائما يحبون يطلعون بالـ، برا ويشربون Matcha وما أدري شنو، يجون عندهم حصى مثلا وتسألهم مثلا تدخل بالموضوع يقول لك أنا يوميا أشرب Matcha. مو مضاد للأكسدة وزين للبشرة وهذا، إي هذا زين هو بس يعني هو نرجع الكميات يعني. عندهم حصى بالكلى. إي، زين، وتخفف عليهم الـ Matcha والمدري شنو، عاد تشوف تخف الموضوع هذا. هذه خطيرة المعلومة. إي، بس قلت لك هي ما، هي أنا مـ، ناس تدخل لك زين مو اليابانيين يشربون Matcha. مرة واحد قال مو اليابانيين يشربون Matcha ما عندهم حصى، قلت له إيش مدريك يا مـ، اليابانيين ما تروسين حصى. بس هو السؤال أنت شقد تشرب؟ هذا، هذا اللي نرجع له يعني، زين؟ قلت لك هو كل شي يعني إحنا مثل هذا كل شي يقولون يزيد عن حده ينقلب ضده. أنت شقد تشرب؟ مو إحنا، إحنا أحيانًا نبالغ بالأمور يعني أنت فجأة لأنه هذا نحبه نبدي يوميا نشربه، هذا نحبه يوميا نأكله. لا مو هيك، أنت إذا، إذا أكلك متوازن وشربك متوازن، أهوايه من الأمور ممكن ما تصير عندك. بس يا الهل الماتشا ما يحبون على الموضوع. خطيرة هذي. إلى إن سووها شوية بلا- لا صارت بلا ملح إي يعني. لا وخاصة- صارت trend و- وصارت لا صارت مشكلة هسة مو بـ matcha ويخلي عليها كريمة ويخلي عليها ما أدري شنو أنا ما أدري شنو. زين؟ بالنهاية يعني، يعني لا أنت ماخذ أكسالات هواية وماخذ سعرات هواية وما مستفاد من شي. والله على أبو مضاد للأكسدة وللبشرة ولها يعني الله يعين. اليوريك أسيد ارتفاعه بالنسبة للكلى ومشاكل الكلى يعني شنو علاقته؟ يعني علاقته غير مباشرة. نرجع لمواضيع حصى اليوريك أسيد يعني في قسم من اللي عندهم نقرس أو ارتفاع باليوريك أسيد لأنه مو يزيد بالجسم فيزيد طرحه بالبول فيتكون عندهم هذه الأنواع من الحصوات حتى قسم منهم إذا من نكتشف من نعالج حصوات الكلى قسم من المرضى مو بس ننطي الدواء اللي يغير حامضية البول ننطي دواء ينزل اليوريك أسيد مع بعض يساعد إنه يذوب لنا هذه الحصوة. فيعني نسبة ارتفاع اليوريك أسيد ممكن تسبب حصى اليوريك أسيد. نعم. هل بكثرة أنه يكون مرتفع؟ لأنه في بعض الحالات مثلا أنه يرتفع اليوريك أسيد لفترة معينة وراها يختفي. أي. الأشخاص مثلا اللي عندهم مقاومة الأنسولين يعني حسب ما أعرف أني صلحني إذا أنا غلطان ما أدري، مقاومة الأنسولين ويقطعون الكربوهيدرات لفترة فيبدي طرح الجسم لسوائل بصورة أكثر فهنا يرتفع شوي عندك اليوريك أسيد ارتفاع مؤقت يعني وراها يمكن يرجع طبيعي. الارتفاع المؤقت الجسم يعوض الموضوع يعني فما ما يأثر يعني حتى أهل اللي يصير عندهم نقرس أحيانا يمرون بحالتين حالة الطارئة اللي هو يصعد بها اليوريك أسيد يصير عندهم أعراض مثلا أصابعهم تورم يصير عندهم وجع، وأحيانا لا يكون هذا مرتفع بس هو ما عنده أعراض وايد. هو عادة يعني الارتفاع المؤقت هذا ما يكون ذاك التأثير على هذا، المزمن اللي دائم هو هو اللي يأثر على المواضيع. أكو شغلة مهمة بالـ باليوريك أسيد أكو هواية ناس تربط النقرس واليوريك أسيد باللحم بس. أي. بس أنت عندك أنواع من السمك بيها يوريك أسيد أكثر من اللحم. يقول لك أني ما دا أكل هذا بس دا أكل سمك، قلت له السمك بيه، أكو مرات يقول لك أني أول مرة أسمع هالمعلومة، لا لا اليوريك أسيد مو بس باللحم تعي، مو بس قللت اللحوم والنقرس يسموه داء الملوك وهذه الأمور، يقبل بس هسه أكو أنواع لو تشوف أنواع سمك وهذا بيها كمية- يوريك أسيد. يوريك أسيد أكثر من اللحم العادي. بس هذي عادةً يعني ارتفاع الـ uric acid هم اختصاص آآ أطباء المفاصل، مو الكسور، المفاصل، rheumatologist. إي. إي. شأن الدكتور آآ عبد الأمير. نعم إي. إي. بس ما دخلنا بالموضوع. فهم ذولا هم اللي يعالجون هذا موضوع الـ الـ uric acid ويتبعونهم وهذه الأمور. حلو. نجي هسة على الجراحة اللي قلت أنت النوع اللي هو تسعين بالمئة يتكون من الحصى الكالسيوم- أي. اللي ما يذوب، ماكو أي شي يغذه ذوبه. العمليات الجراحية أو الـ laser يمكن يذوب؟ لو ما له علاقة هذي شلون يمكن علاجه؟ لا شوف حتى نحدد الـ... هسة أقول لك شنو أنواع العلاجات الموجودة. العلاجات الموجودة عندك علاج بالمنظار وLaser أو بالأمواج فوق الصوتية. المنظار وLaser تحت تخدير عام تدخل بمنظار من جوه بالكاميرا توصل للحصوة تدخل الـ Laser عليها وتفتتها، تسويها تراب. وأكو تفتيت خارجي، أمواج فوق الصوتية، هذا ماكو شي يدخل بالجسم بس الحصوة تشوفه وويضربها موجات فوق الصوتية تتكون داخلها فقاعات وتبدي مثل تنفجر الحصوة فتصير تراب. أكو نوع ثالث للحصوات الكبيرة مثل ما قلنا هاي الحصوة اللي مالية كل الكلى اللي هي قرن الأيل يسموها، زين؟ هذي يفضل تسوي لها عملية فتحة صغيرة من الظهر تدخل للكلى لأنه كبيرة هذي الحصوة، هاي إذا تفتتها من برا أو من جوا ممكن تاخذ وقت طويل جدًا، ممكن تحتاج أربع، خمس عمليات حتى تخلصها إذا خلصت. بس من الفتحة من الظهر تدخل للكلى بعملية وحدة تنظفها. زين شنو اللي يخلينا نختار هذا وهذا؟ بالنسبة من الظهر أي حصى كبيرة أكثر من ثلاثة سنتيم هذا العلاج الأفضل. عملية وتشيلها. إي. الثانية الاختيار بين الأمواج فوق الصوتية والـ laser والمنظار هو مكان الحصوة. حجم الحصوة وصلابة الحصوة. احنا عادة نسوي لهم أشعة مقطعية، فأكو وحدة قياس لصلابة الحصوة، يعني كل ما الحصوة تزيد صلابتها كل ما معناها بها calcium أكثر. أكو حصوة اسمها calcium oxalate monohydrate تصير حصوة أسود كأنه حجارة من الشارع جايبه. هذه يعني مزعجة بالتفتيت، إذا مثلاً كبيرة وتفتتها من برا أكو أحيان ما تتفتت، يعني يضرب بيها هذا الأمواج فوق الصوتية ما يفتتها إلا تفوت مثلاً بالليزر والليزر قوي حتى يفتتها. فهذه الأمور تحدد إنه شنو العلاج الأمثل، أكو بهواية مكانات لا مثلًا التفتيت والمنظار والليزر نفس النتائج، أكو لا مكانات لا هذا أحسن من هذا. فهو نرجع لهواية أمور أنت تخلي الصورة كاملة يعني، مثل أكو تفتيت خارجي أكو مريض سمين، هاي الأمواج مثلًا لازم تعرف جهازك شلون يشتغل، أكو مثلًا أمواج تفوت أربعطعش سانتي وأكو أمواج تفوت ثمنطعش سانتي، فأنت لازم تقيس المسافة بين الجلد والحصوة حتى تعرف من ضربة هذا راح توصل لو لا، شوف لازم تحسبها أنت يعني شوف بأي مكان أنت طاب عارف شنو الموضوع، عارف أسلحتك راح تعرف النتيجة مالتك، أما طب على الله لا أنت ممكن سوى قال سووا لي تفتيت وما اشتغلت، أكيد لو الحصوة صلبة، لو مثلًا أنت عندك المسافة بين الجلد والحصوة عالية فما وصلت، فأنت من البداية إحنا لو نعرف هاي أقول لك هاي الموجات ما راح تنجح. هاي الموجات هذه هي تفتت الحصوة الـ calcium؟ أي. حتى الـ Uric acid متفتتها، بس ما هاي احنا عادة نسويها تحت الأشعة العادية، الـ Uric acid ما راح تشوفها، بس اكو أجهزة حديثة حاليا اللي بيها الـ Sonar، وبالـ Sonar حتى لو ما تشوف الحصوة تقدر بالـ Sonar تشوف مكانها فتقدر تفتتها. بتكون موجهة هاي الإشعاعات؟ موجهة إي. يعني ما راح تأثر مثلا على العمود الفقري لأنه همينا كالسيوم يعتبر العظم صح؟ لا هو تـ... يعني Field معين تحط على الحصوة ودائما تراقب الحصوة لأنه هذا الـ يعني أنت الكلية ترتفع ويا النفس، مو دائما يضرب بنفس المكان، فحتى تعدل مرات المريض يتحرك شوية، فأنت دائما كل شوية تشوف الأشعة تشوفه بعد يضرب على الحصوة وهذه، نادرا ما يأثر، يعني هو مرات قسم قليل من الناس يصير عندهم نزف بالكلية من وراه، ليش؟ لأنه موجة تضرب ومو كلها تضرب بالكلية، خصوصا الناس عندهم ضغط وتسوي لهم هذا الموضوع، يعني لازم تحذر مثلا عنده ضغط مثلا ويريد يسوي هاي يقول له قد يكون مو كلش مناسب هذا الموضوع. شنو اللي ممكن يصير بالضغط؟ هو لأنه الـ الـ الـ شافوا إنه النزيف يصير أكثر عندهم. أوك. مثلا إي اللي ياخذ مميعات دم مثلا ما تقدر تنطي إذا ما موقفه، في حين مثلا عملية المنظار ممكن تسوي العملية وهو على مميعات الدم، ماكو مشكلة، بس هذي من برا لا تنطي يعني يصير نزيف بالكلية. إذا الأفضل أنت برأيك آآآ المنظار ولا Laser؟ قلت لك يعتمد. يعتمد. يعني المنظار والـ Laser زاد بالسنين الأخيرة نتيجة تطور Technology صار، المناظير صارت صورتها أحسن، المناظير صارت أصغر والـ Laser صار أقوى، بس هو مو معناه هو أحسن في كل الأوقات. أوك. قلت لك أنت عوامل إنه حجم الحصوة ومكان الحصوة وصلابة الحصوة، زين، والـ والمريض نفسه هو، زين، إنه قلت لك سمين، ضعيف، اكو ناس عنده عوجاج بالعمود الفقري ما يقدر يقعد، أي اكو العوامل كلها تخليه يعني، مرات أقسمها أقول عوامل الكلية وعوامل المريض وعوامل الحصوة، عوامل الحصوة قلنا مكانها وحجمها وصلابتها، عوامل المريض السمن، آآ عوامل الكلية، اكو عيوب خلقية، ناس عندهم كلة بيها حالبين، اكو كلة يسموها حذوة الفرس اللي هي كلة متحدة بالنص، قاعد هيك، فيكون مخرج الـ الحالب منها بشكل عالي مختلف، هذي كلها عوامل لازم أنت تفكر بيها حتى تدرس إنه أوكي إذا سويت هذا شقد نسب النجاح، إذا سويت هذا شقد نسب النجاح. أوك، زين أنت هذي بعملية التفتيت بالـ Laser أو بالإشعاع الخارجي، مو ممكن إنه تبقى حصو صغير اللي يدخل بالحالب ويسوي مشاكل؟ ممكن لهذا مثلا أنت من تدخل بالـ بالمنظار عادة تترك آآآ... يسموها دعامة stent. هذه الدعامة شنو؟ بعد كم يوم توسع الحالب تضمن لك إنه إذا أكو شغلات صغار راح تنزل من تشيل هذا هي راح تطلع وياها ما تسبب لنا مشكلة. طبعا هاي ما تلغي الموضوع مية بالمية بس تقلله بشكل كبير يعني. بالنسبة للتفتيت من برا إيه مثلا يعني أكيد الحصى الصغار ممكن أحيانا تنزل زين وتسبب مشكلة وألم ويحتاج المريض عملية بالمنظار حتى تشيله. ولهذا هنا هي قلت لك هنا اختيار الـ الحجم والصلابة زين النسبة مثلا بالعادي مثلا إنه نزول الحصوة وإنه تسد الحالب أربعة بالمية، بس إذا الحصوة صلبة جدا وحجمها عبر الواحد سانتي النسبة صارت اثنعش بالمية. بس أكو مريض مثلاً أكو يعني نرجع الدعامة هذي اللي نحطها مؤقتة هي اللي هي عبارة عن أنبوب بلاستيكي طوله أربعة وعشرين ستة وعشرين سانتي، الجزء العلوي منه بالكلى، الجزء السفلي بالمثانة ماكو شي يبين من برا، بس ثمانين بالمئة من المرضى عندهم مشاكل من وراها بدرجات مختلفة، يروح يبول أكثر من اللازم، يطلع دم ويا البول، عنده آلام، عنده حرقة كله بسبب هاي الدعامة، أوكي هذي مؤقتة، بس أنت أنا أحط المريض الدعامة لازم أقول له على هاي المواضيع، ما أقول له الأمور زينة وخلاص بحط لك دعامة، لا لازم يعرف، قلت لك ثمانين بالمئة عندهم أعراض، أكو أعراض خفيفة وأكو أعراض متوسطة وأكو أعراض شديدة، أكو ناس ما يحسون بيه، فأكو مريض مثلًا مرات كان مسوي عملية وحاطين له الدعامة وطالع روحه من الدعامة يقول لك مستحيل أخليها مرة ثانية، سوي لي تفتيت من برا. هاي نرجع للتجارب اللي عندنا هي تخلي قراراتنا أحيانا تتحكم بيها، أو أحيانا هو ما خذ دعامة، يقول لك أنا أخوي سوى عملية حطوا الدعامة عذبنا أسبوع أسبوعين إلى أن شالوها، زين المسكنات والمشاكل والما أدري شنو، يعني أخوك صار مو شرط يصير عندك يعني، بس هي قلت لك إحنا التجارب وقراراتنا بناءً على يعني المعلومات اللي عندنا، شايفين إحنا هذي مرات نبني عليها يعني. حصوة الكلى هي نفس مشاكل حصوة المثانة تكونها لو هي هذي نتيجة أنه نزلت واستقرت بالمثانة. قسمين، أكو قسم من حصوات الكلى تنزل للمثانة بس أغلبها تطلع إذا كان أكو مشكلة بتفريغ المثانة اللي هي قسم من مرضى تضخم البروستات لأنه ما يفضون المثانة ما يفرغوها زين، مع الوقت تتجمع الأملاح تصير حصوة بالمثانة. أغلب حصوات المثانة ما لها علاقة بالكلى، يعني اللي يشوف الحصوات الكبيرة بالمثانة تلقى عنده مشكلة بالبروستات، فما تقدر بس تحل له مشكلة الحصوة لأن راح ترجع، لأن هاي الحصوة ثانوية هي المشكلة البروستات، فلازم يسوي له عملية للبروستات بنفس الوقت تحل مشكلة الحصوة. بسبب تضخم البروستات. تضخم البروستات يظل البول بالمثانة. وتكون... مع الوقت تبدأ تتكون الحصوة. فهذا اللي عنده حصوة بالمثانة ما تقدر بس تعالج الحصوة لأن راح ترجع له، فلازم تحل المشكلة الرئيسية اللي هي التضخم البروستاتا. رجعنا مرة ثانية للبروستاتا. رجعنا ونصعد وننزل. وهم نفس التكون مالتها يعني كالسيوم يصير؟ يعني مرات تكون مختلفة يعني مو بنفس قوة الـ... قلت لك لأنه السبب مختلف، مرات تكون حتى بكتيرية نتيجة الالتهابات، مو يظل البول ما يفرغ فتتجمع بيه البكتيريا تصير التهابات، ونتيجة الالتهابات تتكون يعني. الله يعين. إلا مشكلة ذولا خاصة اللي عدم تضخم بروستاتا وحصوة بالمثانة مشكلة، بس قلت لك من الـ، ما نقول من الغلط بس مو من الصحيح إنه بس تعالج الحصوة وتعود في المشكلة الرئيسية، لأن مسألة وقت إنه ترجع، فانت إذا حليت الحصوة لازم تحل المشكلة الرئيسية. ليش قلت مشكلة يعني الحصوة بالمثانة؟ المريض عنده أعراض يعني يجيك عنده التهابات متكررة، يقول لك دائمًا يطلع دم بالبول أشوفه، عندي حرقة بالـ-بالهذا، يعني هاي مرات بالمثانة، المثانة هي مثل بالونة تتحرك بيها، تسد المجرى ترجع. تشخط الجدار المثانة يصير دم يصير عنده حرقة هاي، يجيك عنده أعراض يعني. مرات يجي هاي الأعراض اللي هو، هو عنده تضخم بس ممشيه يقول لك عادي على كبر هذا أنا ما يعني ما أبول زين أقوم بالليل ما أدري شنو، ومن تصير عنده هاي الأعراض تجي تفحص تشوف عنده حصى، تقول له زين هاي المشكلة أنت ليش ما حال... ماكو ناس تتأقلم ويا مشاكلها. صحيح. مو كل الناس تجي يقول لك عادي يعني أنا ممشيه ما، ما مأثر علي. هذا قلت لك اكو أحياناً إحنا خصوصاً بعلاج التضخم البروستات، اكو أسئلة نعطيه ورقة المريض يجاوب عليها، أهم سؤال بيها وآخر سؤال اللي هو جودة الحياة، إنه إذا أنت تعيش مع هذه الأعراض باقي حياتك شنو تعطي، وش قد مأثر عليك؟ هذا نرجع اكو مريض يقوم أربع مرات بالليل بس ينام مباشرة ما عنده أي مشكلة بالنوم، اكو واحد يقوم مرة ما يقدر ينام. على الورقة بالأربع مرات متضرر أكثر، بس هذا ينام ما عنده مشكلة، وبالمرة لا ما يقدر ينام، ثاني يوم عنده شغل يروح ناعسان يروح تعبان، زين؟ حياته متدمرة. Okay. يعني هذا السؤال جودة الحياة جداً مهم، إحنا أحياناً وايد ننسى يعني بكل العلاجات بالطب بشكل عام، جراحة المسالك البولية، موضوع جودة الحياة، أنت بالنهاية تريد تـ-تعطيه جودة حياة أفضل، ينام أفضل، يكون من يطلع مع هاير يشوف وين الحمام، وين الهاي، اكو ناس حتى شايلة bottle وياها بالسيارة حاطه يقول لك لأنه أخاف ازدحام وأنحصر ما أدري شو أسوي. أنت تريد تحسن جودة الحياة مالته، وهذا اللي يهمه، وما يهمه تـ-إذا تحسنها بدواء وعملية هو راح يكون فرحان يعني، هذا شوي مرات سؤال يننسي يعني إحنا نشوف، آآآ يعني حتى مرات نجاح الـ-لـ-لعملية شلون تقيسها؟ تقيسها بم-بـ-بـ أحياناً إحنا نقيسها بمقاييس علمية وـ-للدراسات وللهذا، بس هو شنو النجاح للمريض يعني؟ شنو نجاح الـ-لـ-العملية للمريض يعني؟ هو شلون يشوفه؟ هذا دايماً مرات من أحشي المريض أقول له آخر شي أنت شنو توقعاتك يعني؟ شنو اللي تريد توصله؟ حتى تفهم هو وين مستوى تطلعاته يعني، هل هذا مستوى تطلعات مثلاً منطقي ولا لا؟ بس مثلاً اكو أحياناً حصى بالكلية يجيك حصى صغيرة ما أدري شلون نقول له مثل هذا ما يأثر يعني، حتى صعب تعالجه يعني حتى بالليزر من تدخل حصوة ثلاثة مللي مرات ما تقدر تلقيها يعني، وإذا تلقيها ما تقدر تشيلها. فتقول له إذا أنت عندك بالك هاي الحصى المليمتر احنا نشيلها وتتحسن، لا ما يعني الموضوع ما راح يتحسن. هم يمشي وياها تفتيت بنفس الطريقة؟ لا صعب ذولا تفتتهم صغار. أول ما تشوفهم يعني، يعني واحد مللي إحنا نحكي بالعين المجردة بالقوة تشوفها يعني، لأنه كيف تشوفها بالأشعة وتضربها بالهذه. نادراً ما هذه تسبب مشاكل، مرات تنزل لحاله بيتسبب مشكلة، بس بالكلى نادراً. زين، إحصائية هسة إذا أردنا نسوي بين الحصر اللي تصير عند الرجال وعند النساء، من وقت أكثر؟ قبل كان الرجال أكثر، ثلاث مرات. بسبب؟ ثلاثة إلى واحد. اااه على الأغلب الرجال كانوا معرضين يعني إنهم يطلعون برا هواية، يشتغلون برا بالحر بهذه الأمور، اااه زين، بس بالسنين الأخيرة بدأ يقل، بدأ تصير متساوية، صرنا متساويين إحنا كلها قاعدين كلها تاكل كلها تسمن كلها ما تشرب مي، فبدأ يقل هذا الـ-الـ Gap الموجود بين الرجال والنساء، بس قبل كان واضح لا، كل ثلاث رجال إلا امرأة واحدة يلا يصير. قبل إش قد هذي يعني تقريباً؟ عشرة، خمسطعش سنة. تشوف التغييرات هسة سريعة صارت، لأنه الـ Lifestyle تغير. امم. وهي يعني دخول ال- الحركة النسوية اللي صارت إنه equal. المساواة. المساواة. هي حتى اللي يزعله. إيه، لأن بدأوا يطلعون يمكن هذا السبب اللي خلاهم يشربون ماي يتحرك. لا، حتى تشوف النساء هسة مثلا أكثر من قبل يسوون رياضة. قبل ما تشوف مثلا واحدة تسوق by cycle أو تتمرن بالgym هواية، أو يطلعون يركضون بالشارع أو يمشون. ما كان، كان أغلبهم بالبيت، وحتى الرجال كان يطلع هم كان يستغربون الناس. هل تأثر الرياضة يعني قصدك أنت جبت الموضوع؟ لا، موضوع الرياضة لأنه مثلًا يلعبوا رياضة يصير عندهم جفاف ما يعوضون بالماي. مثلًا المريض يقول لك أنت إش قد مثلًا كمية الماي المناسبة لأشربها؟ تقول له مثلا لازم تشرب لترين أو أنا أقول المرات ثماني كاسات ماء باليوم كل واحد تقريبا 300 ملي يكون لترين وشوية شربت يعني يعتبر مقبول. ناس تقيسه بوزن الجسم كتلة الجسم بهذه. أنا أقول المرات يعني وايد من المرضى يعتبر الموضوع دوخة. أنا شو أقعد أحسب ثمانية كاسات باليوم أقعد أحسب شنو؟ أقول طلعت وايد من هاي التطبيقات الـ application تذكرك والماء وأكو مطارات فيها هي تقول لك أنت هلقد شربت وما أدري شنو. أقول له سهولة باوع لون البول. إذا أنت جسمك ماخذ الماء زين لون البول عندك لون الماء أو أصفر فاتح كل ما يصير غامق يحتاج ماء زيادة. فهذا لو تشوفه بعد التمرين زين وايد من الناس تشوفه أصفر غامق. معناه ما شارب ماء هو. هو يطلع يسوي رياضة هذا بس نفس الوقت ينسى. أكو ناس ما تعطش. زين. أسم أحيانا تعويض السوائل مو بس ماء يا أسم الناس تشرب شوية عصير ناس تشرب أي شي يعني بس هو أنت لازم تعوض السوائل اللي تفقدها. فهو موضوع الرياضة لأن الناس بدت تطلع للرياضة بس ما غيرت باقي العادات. يعني أنا حتى المريض اللي يشرب ماء زين أقول له أنت إذا تسوي رياضة أنت راح تعرق أكثر ومعناه بوقت يوم الرياضة وهذا تحتاج ماء أكثر. إي مثلا زيد الكمية حتى تعوض. يعني أنا حتى مرة كان، كان ببالي فكرة إنه مثلا تسوي استفتاء أو أسئلة أريد أدزها للناس اللي يتمرنون بالجم، شوف هل نسبة الحصى عند المرضى الـ الـ أو الناس اللي تتمرن بالجم أكثر من الناس اللي ما تتمرن برا ولا. أنت من خلال مرضاك اللي تشوفهم. صعب يعني أنت ممكن تشوف واحد اثنين صعب تحكم بشكل عام. فلهذا كان يعني- تريد تتوسع. أي وقتها اتصلت بجم جيم هذه ما حد رد علي. قال لك خاوي طال زيادة. يعتبرون نفسهم صحيين. أي. لا ما أكو، يعني أنا قلت ما يعتبرون نفسهم صحيين أو يعتبرون إذا طلع هذا الموضوع به مشكلة يجوز ناس تبطل ما تروح للجم. وهي الفكرة مو هيك، الفكرة إنه إذا هو يروح للجم ونسبة تكوّن الحصى عنده أكثر فبيشره يعني حتى تصير فتشي تذكير له لا لازم أشرب ماي أكثر يعني. أصلًا الأغلبية اللي يتمرنون هسه يشربون ماي بس تعتمد إذا- مو تنزل مهمة مو أكو مواضيع مد داخلة. هذا كان من ضمن الأسئلة اللي ببالي إذا أكو ناس تاخذ supplements هواي، شنو الـ supplements اللي ياخذوه، ناس الـ protein shake اللي ياخذوه وما أدري شنو، هل هذا مؤثر أو لا؟ أنت ما نعرفها إحنا. إحنا إذا أول شي يعني هذا السؤال ينطينا فكرة أولية وبعدين ممكن تؤدي إلى إنه تتطور بالموضوع تشوف هل هذا فعلًا هيك، فبس صدفة إنه صار الموضوع يعني، إنه هذا ياخذ protein shake وصار عنده. وهي المواضيع هيك تدرس يعني شوي شوي. أتذكر قبل كانوا يقولون للي يأخذون فيتامينات، خذ فيتامينات وحتى إذا أنت جسمك ما يحتاجها راح تنطرد via الإدرار يتغير لون على حسب كميات معينة. هذه تأثر إذا قلت فيتامين C. فيتامين C معروف يؤثر. فيتامين D عليه نقاش، ماكو إثبات واضح. كان قبل يقول لك فيتامين D يزيد الكالسيوم يزيد الحصى، ماكو إثبات واضح يعني، ماكو دراسة علمية يعني قطعت الشك باليقين بالموضوع. أكو دراسة- بس فيتامين C لا. فيتامين C لا معروف خصوصًا إذا قلت لك إذا الكمية أكثر من اثنين غرام باليوم. تدري أنت مرات أنت يعني هذا قرص الفوار غرام هذا. أكو ناس تاخذ اثنين ثلاثة باليوم، هو ياخذ فيتامين ياكل برتقال وياكل فلفل وياكل أشياء ثانية، إذا أنت شوف شقد صار عنده فيتامين C. دراسة أنا أتذكر بوقتها كان أستاذي بالسويد سوا هذه وهي إنه أكثر من اثنين غرام شفنا المرضى اللي أخذ أكثر من اثنين غرام فيتامين C نسبة تكوّن حصى الكلى عندهم أكثر من غيره. زين عندي سؤال أنا هسة فضولي لأنه فتحت لي باب جديد. الأماكن اللي ذكرت من عندها وجود الفيتامين C كلها تحتوي على أوكسالات. عرفت وين أروح. فالناس تجي تقول لك أنا محتاج فيتامين C تأكل فيتامين C وأوكسالات فراح تصير عندهم زيادة بالاثنين، فهي ممكن تسبب يعني؟ ممكن يعني قلت لك إحنا نرجع نظريا إيه، بس هل واقعا تسبب هذه الأمور؟ ما نعرف، ولهذا أنا أقول للمريض أنت هي مو أنه أكل ولا تأكل، شقد تأكل؟ أقدر أوصل هاني لنقطة أنه أقطع الخضار. أنت عندك مشكلة مادية مع الخضار. دكتور مضار شكرا جزيلا. حبيبي يا مسعد. معلومات رائعة جدا وراقية جدا ونورتني إياها يعني بالتفاصيل ما كنت أعرف بها. موضوع البروستات مهم جدا بالنسبة للرجال وعرفت ليش موجود عند الرجال. وأهم شي ما يخافون يفحصون. وما يخافون يفحصون والفحص تغير هاي أهم نقطة. الفحص تغير تماما. صار فحص دم بس لا تخافون، أي أنتم في أمان. أنتم في أمان. ومواضيع حاصل كلها والتفاصيل هذي. شكرا جزيلا لك دكتور. يا مسعد. الله يحفظك. حبيبي.