Í alvöru talað!
Í hlaðvarpinu Í alvöru talað! tölum við um allar hliðar mennskunnar með dass af fíflagangi.
Stjórnendur hlaðvarpsins eru vinkonurnar Lydía og Gulla. Miðaldra mæður að láta móðan mása. Lydía er sálfræðingur og jógakennari en Gulla er förðunarfræðingur, áhugaleikari og tískudrós.
Markmið hlaðvarpsins er að gera gagn í samfélaginu með því að skapa rými til þess að sameinast í mennskunni. Við tölum um allar hliðar manneskjunnar og samfélagsins. Um það sem er erfitt og það sem er auðvelt, um það sem er skemmtilegt og það sem er minna skemmtilegt í bland við það að hlæja hátt.
Í alvöru talað!
33. Að lifa dauðann af! Gunnar Smári Jónbjörnsson
Einlæg frásögn Gunnars Smára um það hvernig hann lifði dauðann af.
Gunnar Smári Jónbjörnsson er ungur og hraustur maður í blóma lífsins. Hann er sjúkraþjálfari, slökkviliðs- og sjúkraflutningamaður, málari og einkaþjálfari sem hreyfir sig mikið og hefur iðulega mikið að gera. Hann hefur alltaf farið vel með sig, borðað hollan mat og passað upp á að streitan sé ekki of mikil.
Þrátt fyrir þetta veiktist hann alvarlega og mjög óvænt fyrir um ári síðan. Hann hneig niður á heimili sínu, var fluttur á spítala þar sem hann þurfti að fara í opna hjartaaðgerð og langa endurhæfingu eftir það.
Ert þú ekki örugglega að fylgja okkur á samfélagsmiðlum?
Lydía (Gott jafnvægi) á Instagram
Gulla á Instagram
Þátturinn er í boði
- Lúx hár og förðun, Faxafeni 14
- Balmain hárvörur
Stef þáttarins gerði Ingi Björn Ingason.