爸媽成長營(廣東話讀書會)
《爸媽成長營》是一個廣東話Podcast，專為渴望成長的爸爸媽媽而設。我們透過分享有關育兒、情緒管理和財務自由的書籍精華，幫助父母在繁忙生活中每日進步1%，成為孩子最好的榜樣！
爸媽成長營(廣東話讀書會)
孩子情緒崩潰怎麼辦?《怎麼說，孩子會聽 vs. 如何聽，孩子願意說》01| 廣東話podcast | 莎莎說書
📢 訂閱《爸媽成長營》Podcast🎧🔔每週學習親子溝通技巧，讓育兒更輕鬆！
孩子情緒失控、崩潰大哭時，爸媽該怎麼辦？
「別哭了」、「沒什麼好難過的！」這些話真的有用嗎？還是會讓孩子情緒更激動？
本集分享**《如何說孩子才會聽，怎樣聽孩子才肯說》的4 大親子溝通技巧**，幫助孩子學習情緒管理，減少哭鬧、發脾氣的情況！
本集你將學到：
✅ 如何接納孩子的情緒，讓他願意聽你說話
✅ 4 種方式幫助孩子冷靜下來，減少失控行為
✅ 如何少說「不」，提升孩子的合作意願
✅ 6 種方法，幫助孩子擺脫「被定型」的標籤
📌文字筆記部落格-EP04
https://growparentsclub.blogspot.com/2025/02/blog-post.html
喜歡這集內容？
歡迎訂閱我的 Podcast 並分享給身邊的朋友！並在 Apple Podcast 或 Spotify 給我們五顆星評價🌟🌟🌟🌟🌟！
～你的支持是我們繼續創作的最大動力💖！
📌 關注更多內容
- Facebook 專頁：爸媽成長營
- Threads：@growparents.bookclub
- Podcast 平台：在 Apple Podcast、Spotify 和 Youtube 搜尋「爸媽成長營」
- 聯絡我們：growparentsclub@gmail.com
歡迎收聽「爸媽成長營」Podcast
我係莎莎
小朋友情緒失控一唔如意
嗰陣就崩潰大叫大喊
發脾氣或者唔理睬你
爸爸媽咪應該點樣接招呢
今集我哋學習點樣幫小朋友
情緒穩定落嚟
如果你是第一次收聽我嘅podcast
或者未訂閱追蹤嘅朋友
對親子育兒 理財投資 情緒管理
或者 個人成長 題目有興趣
記得訂閱追蹤我哋嘅頻道
我哋一齊學習成長
今集為大家介紹親子溝通嘅書
叫做怎樣說孩子會聽
如何聽孩子願意說
作者呢系
Adele Faber 同埋
Elaine Mazlish
佢哋兩個呢都係
有三個小朋友嘅媽媽
亦都係知名親子溝通嘅專家
呢本係已經
佢哋第三本出嘅名著
佢哋之前出咗呢
《Liberated Parents Liberated Children》
同埋
《Siblings Without Rivalry》
兩本都係紐約時報暢銷排行榜嘅第一名
我覺得呢本呢係
更出名同埋係更實用
我好想推介
呢本書呢因為呢
我覺得真係
由三歲到青春期呢都好啱聽
而我自己呢嘗試apply落去
我個三歲嘅高敏兒身上
我都覺得非常之有用
睇完書一個月呢幫助到我哋
減咗好多衝突
我個女尖叫嘅時間真係短咗
次數真係少咗
咁呢一集呢可能
會分享比較多作者分享嘅技巧
口法心訣
我都會用文字筆記整理落嚟
大家喺資訊欄嗰度就搵到
唔需要抄低筆記
咁大家就可以安心聽啦
那麽講到溝通呢離唔開
一個最基本嘅法則呢就係
一定要
start with 好好
咁樣去聽同埋要同理對方嘅感受
但係我哋好多時
做父母呢都不知不覺間呢
係會否定唔接納小朋友嘅感覺
好似呢有時
小朋友會話媽咪我好累呀
媽咪可能就話你啱啱先訓完午覺
點會累呀又或者
媽咪我唔著毛衣呢度好熱
呢度明明就係好凍
你同我著住着住件褸
唔係會病㗎又或者
我個女話啲食物好熱呀
我食唔到呀 我就會話啲
食物明明就暖差唔多凍添啦
你同我食咗佢啦
可能有時我哋不知不覺間呢
都會否定小朋友嘅情緒
話畀佢知你嘅感覺係錯㗎
所以作者呢分享以下呢個情景
希望家長
先切身處地呢感受一下
小朋友嘅感受咁佢就畀咗
以下呢個情景
大家係去練習呢
你當你自己係個打工仔你返工呢
做嘢嘅時候呢唔小心
唔記得咗老細嘅一個order
跟住老細呢就
喺啲同事面前鬧你
你今日過得當然係好唔開心啦
放工之後呢約咗個friend去呻吓
跟住呢你個friend
呢就講以下嘅說話喎
可能佢會話我覺得你講得好誇張
現實一定冇咁誇張
又或者佢講得好有哲理咁樣
生活就係咁㗎啦
你出糧就包埋受氣㗎
又或者佢幫你個老闆辯護
其實我可以理解
你個老闆點解咁樣反應
因為點點點又或者佢做一個
業餘嘅心理醫生其實你咁
激動係咪因為佢勾起你嘅
童年創傷
唔知大家聽過
你聽完有咩感受呢作者就
建議家長認真感受一下
其實就等同我哋平時呢
否定小朋友嘅感受佢就話
呢佢難過嘅時候呢唔希望
人哋同佢講道理 畀人生觀 建議
呢啲回應呢令我感覺更加差
我其實我只係
需要一個人呢用心咁樣去聽
了解我內心嘅傷痛
畀機會我去表達困擾我嘅事情
等我感覺舒暢嘅時候呢
我有能力去調整返自己
嘅感受同埋解決我遇到嘅問題
所以作者提議以下四個小技巧
第一認真聆聽
第二用一個字去表達你
接收到佢哋嘅感覺
第三幫小朋友嘅感受畀個名佢
第四用想像力嘅方法幫
小朋友完成願望
俾 full attention
去聽小朋友講嘢聽上嚟
好簡單呢但係我哋作為
媽媽有咁多家務去忙嘅時候
都成日唔記得
我就發現其實小朋友
其中一種發爛渣嘅原因
就係因為其實佢可能已經講咗幾次
但係我就覺得
我洗埋碗先啦
你講啦其實我聽到㗎
之後呢小朋友就好容易喺度發爛渣
希望用大聲啲嘅聲音呢去
得到你嘅
full attention
所以如果係佢發爛渣之前
呢我就蹲落 唔撳電話 唔做家務
專心去聽佢講嘅時候
佢就會少啲情緒失控
第二個呢話用單音去
表達已經接收到佢哋嘅情感
好似 喔 嗯
其實聽對方講嘢嘅時候呢
你要繼續去比回應對方
呢先至可以容易啲去有
一個情緒嘅交流同埋我哋
嘅語言唔係淨係得講嘢
non-verbal language 都好緊要
即係我哋
聽小朋友講嘢嘅時候特別
有返一定歲數
表達能力好嘅小朋友
其實你喺度咁 嗯 喔
噏頭 一個微表情
同埋一個眼神話俾佢聽
你真係認同緊佢嘅感受呀
專心去聽緊佢講嘢嘅時候
個小朋友就應該會不斷咁樣輸出
特別係女仔同你講
咁作者呢就講咗一個例子
譬如一個女仔嘅小學生
佢嘅顏色筆呢俾人偷咗 咁跟住呢
instead of 你好似平時咁樣喺度同佢講
我同咗你講架啦
你唔好講嘢 就淨係 嗯 嗯
跟住佢可能就會話
我明明就係去廁所之前
擺得咗枝筆喺度
所以我好肯定有人偷咗
呢一次已經係第三次有人攞咗我枝筆啦
你繼續喺度 噏頭 嗯
咁樣去回應佢嘅時候呢
好大機會呢
小朋友會諗到我下次呢
一定要將枝筆擺落櫃桶呀
或者擺落個筆袋就塞落個櫃桶
啲人哋冇咁順手呢就攞走去
其實當我哋呢抱住一個關懷嘅態度啦
耐心嘅聆聽啦
幫助小朋友梳理佢嘅情緒
小朋友會自己探索
自己嘅想法同埋感受呢然
之後自己搵到解決問題嘅方法
咁喺呢個chapter尾裏面呢
好多家長就表示
呢個技巧最難嘅地方就係
忍得住忍得住呢唔去教導
佢唔去問 問題
係最難嘅地方
但佢哋都一致認同
當你忍得住嘅時候 原來小朋友呢係
比較快能夠調整自己嘅情緒
因為可能有時你俾嘅回應佢
你問嘅問題同埋
教導佢啦反而會刺激佢個情緒
第三就係俾個名佢嘅感受
對於好似我個女三歲
嚟講呢詞彙未係好豐富嘅時候
佢成日都好炆憎佢個情緒
但係唔知點樣講嘅時候
呢一招我覺得非常有用
其實年紀大啲甚至成年人
都係一樣 你聽人哋講一段說話之後
你比個名佢個你聽到
佢個情緒呢都係好好一個
情感嘅交流代表你真係有
好認真好深入咁樣去聽
同埋去了解佢內心嘅世界
你可以講 你真係好難過
我感受到你嘅挫敗感 失望
同埋委屈
那咁呢作者就提醒家長呢
千萬唔好鸚鵡式咁樣回應
就比如小朋友話我真係好嬲
跟住你就回應
媽媽聽到你好嬲
鸚鵡式嘅回應
都好刺激小朋友嘅神經
仲有有時小朋友
會話自己 我真係覺得自己好醜
我覺得自己好蠢
咁家長呢亦都要留意
千萬唔好repeat佢哋呢啲字眼
亦都唔好認同佢哋呢啲嘅想法
你只需要呢
比多幾秒時間諗下
其實佢呢一個情緒嘅再厎
第一層嗰個情緒係啲乜嘢
會唔會佢覺得好委屈呢
好唔公平呢
第四 用想像力嘅方法
幫小朋友完成願望
英文就簡單啲
用兩個字開頭就
I wish 乜乜乜
即係譬如喺度話
如果有人發明無痛打針你話幾好
我個女呢成日都會天馬行空
諗乜啲嘢呢係超乎物理
超乎大自然定律 根本就冇可能發生
跟住佢就會崩潰啦
我就發覺呢一招
其實好有用
就係同佢picture一下
之後呢佢就唔會咁反感
同埋咁大嘅情緒
佢就好似已經滿足咗咁樣
好似最近呢我個女好鍾意呢
塞自己落一啲好細嘅物件
可能佢會想坐落去
一個好細公仔嘅燈啦
或者塞自己落一個好細好脆弱
嘅籃裏面啦
我就用以上呢四個技巧
呢最終呢我個女呢就
決定呢攞佢鍾意嘅公仔
嚟代佢完成呢一啲佢做唔到嘅嘢
佢都好滿足
我就好認同作者講
只要你用心去聽
俾同理嘅回應小朋友
小朋友梳理完自己嘅情感
了解完事實之後
其實佢係可以幫助自己去解決自己嘅問題
同埋咁樣就可以
減少同小朋友 say NO
作者特別提及
減少say no 嘅次數 好重要
因為小朋友好敏感
人哋否定佢
又好觸動佢哋嘅神經
好似我剛才所講嘅例子
其實你將一個事實同小朋友去描述
畀一啲實質嘅資訊去
乜嘢係 Practical
乜嘢係唔Practical
有啲乜嘢係可行嘅方案
接受佢哋嘅感受嘅時候
呢佢哋呢係可以自己分析
當然當中佢可能都會
因為現實同埋理想嘅落差
會有一陣情緒嘅問題
但係keep住咁樣做
佢嗰個發脾氣嘅時間可能會短啲
另外一招呢作者提及嘅招數
我好鍾意用嘅就
係用得 取代唔得
有少少嘅說話嘅技巧
譬如佢好鍾意食一啲
supplement 嘅 gummy bear
咁一日只可以食一粒
佢成日話再食 我要再食
咁我就話 得 tomorrow
我覺得呢部書最大嘅
亮點係佢嘅
Q&A Session
因為其實佢講嘅方法
我相信2025年好多家長
喺社交媒體都睇過
但佢嘅 Q&A Session
就記錄咗唔同好
specific 情況嘅
家長用唔到嘅時候點樣微調
咁始終每個小朋友都好獨特㗎嘛
咁我最深印象呢就係
其中一個媽媽話我個小朋友
真係好細個
唔係好識得表達自己
然之後呢他一有情緒嘅時候就
好啷嚟啦大叫啦大喊啦
根本都聽唔到我講嘢
我用唔到你教嗰四個技巧
作者就話
其實好細個嘅小朋友
甚至一兩歲嘅小朋友
其實你 be present陪住佢就夠
如果佢肯畀你攬
你咪攬囉 唔肯畀你攬
你咪同佢一齊囉
如果佢已經有能力去畫筆嘅時候
呢可以試下畀一支畫筆佢
同埋畀一張紙佢
叫佢：「你可唔可以畫出
你有幾angry幾嬲俾媽媽睇」
我睇到呢一個chapter嘅時候
我就同我個女呢做緊
Potty training
嘅咁呢又係有一個moment
我個女可能想話畀我知佢
需要VV 需要幫手嘅時候
因為我做緊一啲家務
冇及時回應到佢
以致佢賴咗喺地下到
佢好嬲好嬲 嬲到癲咗
跟住我就嘗試用
這個方法 跟住我就話
Show Mommy How Angry You Are
佢真係由一個癲咗嘅狀態
會停落嚟攞支筆
跟住喺度畫圈圈 好大力咁畫
甚至呢到過咗幾個鐘頭之後
再因為其他事情有啲情緒
一嚟嘅時候佢主動講
「媽媽俾畫筆同埋紙我
我啲 big feeling 又出嚟了」
我覺得係好神奇
嘅竟然係work
啲人成日話用書嚟教育小朋友
簡直係離地
但係又真係work㗎
喎不過我要提提大家呢
timing真係好重要
千祈唔好攞啲
crayon筆呢係去
Potty緊嘅時候畀佢
我都覺得我呢個
timing真係錯
因為佢畫完之後
佢又將支蠟筆扔落去個
Potty嗰度
呢個又係 另一個令媽媽崩潰嘅地方
另外一個技巧我都有試過
呢係work㗎呢就係
呢本書話呢個年紀
你或者可以畀一個
cushion去叫佢打
個cushion嚟發洩
咁之後先至用返呢四招
回應佢嘅情緒
我自己試完覺得都唔錯
最後呢作者提醒家長呢
唔好標籤自己嘅小朋友
我哋好多時都不知不覺
話小朋友 咩你咁固執㗎
你咁冇記性嘅
你咁霸道㗎 咁唔輸得嘅
咁細膽 咁敏感 仲好多時
喺其他人面前講小朋友
我個女係咁㗎 我個仔係咁㗎啦
爹地媽咪看待小朋友
小朋友嘅方法
唔單單會影響小朋友點樣睇自己
更加會影響呢佢嘅行為
小朋友潛意識就會做
多啲你標籤佢嘅行為
因為佢覺得 咁樣先至托得起
你畀佢嘅標籤嘛
同時間呢佢都會維護自己嘅權利
同你抗衡啦或者
佢覺得好嬲 想報復家長
我哋都唔係完美嘅人
我哋都曾經呢畀人標籤過
所以都會標籤我哋嘅小朋友
最重要呢係我哋要學識點樣去減少呢一個行為
同埋呢學識一啲補救嘅方法
咁作者呢分享咗六個
可以解放被定型小朋友嘅方法
好似你喺佢做得好嘅時候
畀返一啲好嘅標籤
或者呢懶係無意之間呢同
老公傾計嘅時候呢就喺度
講嘩我觀察到呢我個女點
樣點樣好喎今日有啲咩
突破喎咁我就唔一一分享
我會喺我嘅文字筆記啦資訊欄嗰度
可以搵到呢六個解放小朋友嘅方法
我分享一個 比較深嘅印象嘅案例
係好多時有啲小朋友玩遊戲
唔輸得
輸咗就會發脾氣
佢就話其實家長
可以同小朋友玩遊戲嘅時候
演繹下輸咗個角色
之後示範比小朋友睇
輸嘅時候呢可以有嘅態度
譬如你輸咗比小朋友嘅時候
你講出口同佢講
雖然我輸 但我都要有運動員嘅精神
去恭喜你 你真係個好嘅對手
可能你會覺得可能好做戲
但係呢一啲正面嘅心態
係會好幫到
小朋友去建立呢去點樣係
玩遊戲之中呢去輸得起
本書裏面有記錄有啲家長
反應呢覺得用呢種方式去
溝通呢好唔自然呀
好似做戲咁樣啦
但係小朋友又真係有正面嘅回饋喎
其實我哋好似冇做開運動
突然間要你做運動
係好困難嘅
由誤習慣 練成習慣 係一種修煉
作者畀咗一個好大嘅動力我
點解要做呢個修煉呢
就係佢話我哋做父母
其實會希望無論係而家當下
定係小朋友成為咗一個成年人
脫離咗我哋嘅時候
都能夠用一個尊重嘅方法
同我哋去溝通 以往呢我睇到
一啲就正向教養技巧嘅時候
我都好想學習
但係呢我個動力
係我想畀個快樂嘅童年小朋友
我想做一個優雅嘅媽媽
但係呢啲動力都唔係好大
呢句說話呢令我感受到觀察到
我身邊其實真係好多香港人
佢哋孝順父母嘅方法
真係鬧住嚟孝順自己嘅父母
可能因為
童年都係畀父母鬧住嚟教養大
所以希望今集呢
大家都學到
點樣用尊重嘅方法去聆聽我哋嘅小朋友
亦都搵到一個輕鬆啲嘅方法
點樣幫助我哋嘅小朋友呢去穩定佢嘅情緒
下一集呢我哋會分享
點樣唔鬧 唔罰 甚至唔獎勵
都可以令小朋友聽你講
如果你鍾意今集嘅內容
記得訂閱我哋嘅頻道
你嘅支持係我最大嘅動力
我是莎莎
我哋下一集再見