In hierdie episode gee ons 'n kort weergawe van die lange Jeremia boek (52 hoofstukke).   Jeremia het sy lewe gegee vir 'n boodskap wat mense nie wou hoor nie.  God het hom vir 40 jaar gehelp om hierdie boodskap te verkondig.

In die tweede deel van Jesaja lees ons baie meer van hoop en herstel.  Die koms van die Messias, Jesus, word ook baie duidelik geprofeteer.

In hierdie hoofstukke gaan dit oor oordeel en hoop teenoor volke rondom Juda en ook oordeel en hoop vir Juda.   'n Kern vers is :  "Julle krag lê in stil wees en vertroue hê."

In die eerste deel van Jesaja word vertel hoe God sy volk gaan oordeel en die hoop wat daar is as hulle gaan terugkom na Hom toe.  Die kern is Jesaja 1: 18:  "Kom nou, laat ons die saak uitmaak, sê die Here..."

In hierdie episode gee ons 'n oorsig oor die boek Jesaja en vertel van sy roeping as profeet.

In hierdie episode gesels ons oor die boek Hooglied:  'n boek wat vertel van die liefde tussen 'n man en vrou.  Dit help ons om te verstaan  hoe ons met ons hele lewe voor God moet leef hier op aarde:  soos Hy dit bedoel het...

In hierdie episode probeer ons verstaan wat die Prediker skrywer vir ons wil sê as hy skryf:  "alles is 'n gejaag na wind".

In hierdie episode vertel ons meer van Spreuke 30 en 31 en wie die skrywers was.   

Ons praat oor Spreuke 10 - 30 en lig enkele spreuke uit.  Baie spreuke  vertel hoe wysheid die teenoorgestelde is van dwaasheid.

Ons begin met die boek Spreuke :  hoofstukke 1 - 9.   Daarin leer ons dat die boek ons wysheid wil leer en:  wysheid begin met die dien van die Here.

Vandag gesels ons verder oor die wonder van die Psalms wat vir ons behoue gebly het.

Die boek van die Psalms is gedigte wat gesing of gebid is.  Dis handige, klaar uitgeskryfde gebede wat ons vandag nog elke dag kan gebruik.

'n Kort kersboodskap vir 2025.

Hierdie storie handel oor die tweede en laaste deel van Job.  Hy het baie geleer van God.  En nadat hy vir sy vriende gebid het, het God sy lewe  herstel.  Ons lees dit in Job 3 tot 42.

In hierdie storie begin vertel ons van Job soos in Job 1 en 2.    Job, Spreuke en Prediker word wysheidliteratuur genoem.Ons sal die Boeke van die profete later verder vertel.

In ons laaste storie uit die boek Ester  (Ester 8 - 10) hoor ons hoe die Jode hulleself kon beskerm op die dag wat die vyand hulle aangeval het.

Haman wou die Jode uitwis, maar in hierdie storie hoor ons hoe hy tot 'n val gekom het.  Ons lees dit in Ester 5 tot 7.

In Ester 2 tot 5 lees ons van Haman wat net niks van Mordegai gehou het nie. Die gevolg was dat hy die koning gevra het om 'n wet te skryf dat die Jode op 'n sekere dag almal uitgewis kon word.

Ons begin vertel die storie van Ester, 'n jong Jodin wat die koning van die Mediërs en Perse se vrou geword het.  Ons lees dit in Ester 1 en 2.

In Nehemia 13 lees ons hoe kwaad Nehemia vir die Judeërs geword het omdat hulle dinge gedoen het wat hulle weet verkeerd was.

In Nehemia se tyd het die volk gehonger na die wet van die Here en het vir ure daarna geluister.  Hulle het byeengekom en die huttefees gevier en 'n vasdag gehou.  Die muur is ook ingewy met 'n lekker fees.  Ons lees daarvan in N...

In Nehemia 5 tot 7 lees ons hoe die Judeërs deur al die moeilikheid tog die muur klaar gebou het in net twee en vyftig dae.

In Nehemia 1 - 4 lees ons hoe dit gekom het dat Nehemia na Jerusalem is en die mense aangemoedig het om die muur rondom die stad te begin herbou.

In hierdie storie uit Esra 7 - 10 leer ons van die tweede groep mense wat terug is na Jerusalem saam met die priester Esra.  Hy was 'n geleerde man wat die mense moes leer van die Wet van God.

Ons begin vertel nou die stories uit die boeke van die profete.  Hierdie storie kom uit Esra 1-6 toe die eerste klompie mense uit Juda terug is na hulle land.